ພະແນກກະສິກຳ ແລະ ປ່າໄມ້ແຂວງ ປະກາດພະນັກງານອອກພັກການ – ຮັບອຸດໜູນບຳນານ

ພິທີປະກາດພະນັກງານອອກພັກການ – ຮັບອຸດໝູນບຳນານ ແລະ ປະກາດຮອງຫົວໜ້າພະແນກກະສິກຳ ແລະ ປ່າໄມ້ແຂວງ ໄດ້ຈັດຂຶ້ນໃນຕອນເຊົ້າຂອງວັນທີ 21 ມັງກອນ 2022 ຢູ່ຫ້ອງປະຊຸມຂອງຕົນ ເປັນກຽດເຂົ້າຮ່ວມຂອງທ່ານ ບຸນສົງ ເພັດຈະເລີນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີຄະນະພະແນກ, ພະນັກງານພາຍໃນພະແນກ ແລະ ແຂກຖືກເຊີນຈາກພະແນກການອ້ອມຂ້າງແຂວງ ເຂົ້າຮ່ວມ.

ໃນພິທີ ໄດ້ຜ່ານຂໍ້ຕົກລົງຂອງກະຊວງກະສິກຳ ແລະ ປ່າໄມ້ ສະບັບເລກທີ 1509, 1510, 1511 ແລະ 1512/ກປ ລົງວັນທີ 07 ທັນວາ 2021 ວ່າດ້ວຍການອະນຸມັດໃຫ້ ລັດຖະກອນ ຮັບອຸດໜູນບຳນານ ຈຳນວນ 4 ທ່ານ ຄື: ທ່ານ ຊາຍຄຳ ກຸນນາວົງ ຮອງຫົວໜ້າພະແນກກະສິກຳ ແລະ ປ່າໄມ້ ແຂວງບໍລິຄຳໄຊ ອາຍຸກະສຽນ 60 ປີ ລວມອາຍຸການໄດ້ 37 ປີ, ທ່ານ ຄຳມ່ວນ ໄຊຍະວົງ ຫົວໜ້າຂະແໜງແຜນການ ແລະ ການເງິນ ອາຍຸກະສຽນ 60 ປີ ລວມອາຍຸການໄດ້ 31 ປີ, ທ່ານ ກອງສີ ແກ້ວມະນີວົງ ຮອງຫົວຂະແໜງກວດກາລັດ ອາຍຸກະສຽນ 58 ປີ ລວມອາຍຸການໄດ້ 35 ປີ ແລະ ທ່ານ ຖາວອນ ມະຫາວົງ ຕຳແໜ່ງວິຊາການ ອາຍຸກະສຽນ 60 ປີ ລວມອາຍຸການໄດ້ 35 ປີ.

ພ້ອມນີ້ ຍັງໄດ້ຜ່ານຂໍ້ຕົກລົງຂອງທ່ານເຈົ້າແຂວງບໍລິຄຳໄຊ ເລກທີ 09/ຂບຊ ລົງວັນທີ 7 ມັງກອນ 2022 ວ່າດ້ວຍການແຕ່ງຕັ້ງ ທ່ານ ບຸນເພັງ ຈັນທະວົງສຸກ ເປັນຮອງຫົວໜ້າພະແນກກະສິກຳ ແລະ ປ່າໄມ້ ແຂວງບໍລິຄຳໄຊ.

• Facebook
• Twitter
• Line