ໃນວັນທີ 21 ມັງກອນ 2022 ຢູ່ຫ້ອງປະຊຸມຊັ້ນ III ຫ້ອງວ່າການເມືອງ ວຽງທອງ ແຂວງ ບໍລິຄຳໄຊ ໄດ້ຈັດກອງປະຊຸມວຽກງານຈັດຕັ້ງ, ກໍ່ສ້າງພັກ – ພະນັກງານທົ່ວເມືອງ ໄລຍະ 5 ປີຜ່ານມາ ແລະ ທິດທາງແຜນການ 5 ປີຕໍ່ໜ້າ ໂດຍເປັນກຽດເຂົ້າຮ່ວມເປັນປະທານຂອງ ທ່ານ ຄຳມອນ ໄຊພົມມີ ຮອງເລຂາພັກເມືອງ, ຜູ້ຊີ້ນຳວຽກພັກ – ພະນັກງານ, ມີຄະນະຈັດຕັ້ງແຂວງ, ຫົວໜ້າຄະນະຈັດຕັ້ງເມືອງ ແລະ ມີບັນດາຫົວໜ້າ, ຮອງຫົວໜ້າຫ້ອງການພາກສ່ວນທີ່ກ່ຽວຂ້ອງພ້ອມດ້ວຍເລຂາພັກບ້ານ, ນາຍບ້ານທົ່ວເມືອງ ເຂົ້າຮ່ວມ.
ກອງປະຊຸມ ຜູ້ເຂົ້າຮ່ວມໄດ້ຮັບຟັງການຜ່ານບົດໂອ້ລົມຂອງເລຂາທິການໃຫຍ່, ປະທານປະເທດ ຕໍ່ກອງປະຊຸມສະຫຼຸບວຽກງານຈັດຕັ້ງກໍ່ສ້າງພັກ – ພະນັກງານຄັ້ງທີ XII ຂອງຄະນະຈັດຕັ້ງສູນກາງພັກ, ບົດໂອ້ລົມຂອງທ່ານເຈົ້າແຂວງ ຕໍ່ກອງປະຊຸມວຽກງານຈັດຕັ້ງພັກ ທົ່ວແຂວງ ບໍລິຄຳໄຊ, ມະຕິກອງປະຊຸມວຽກງານຈັດຕັ້ງຂັ້ນແຂວງ ແລະ ຜ່ານບົດສະຫຼຸບ 5 ປີ ( 2016 – 2020) ເຊີ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້.
ປະຈຸບັນ ທົ່ວອົງຄະນະພັກເມືອງ ມີ 91 ຮາກຖານພັກ, 8 ຄະນະພັກຮາກຖານ, 83 ໜ່ວຍພັກ, ໃນນັ້ນ ເປັນໜ່ວຍພັກຮາກຖານ 48 ໜ່ວຍ ແລະ ເປັນໜ່ວຍພັກຂື້ນກັບຄະນະພັກຮາກຖານ 35 ໜ່ວຍ, ໃນປີ 2020 ມີໜ່ວຍພັກຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ 74 ໜ່ວຍ ກວມເອົາ 89,15% ສົມທຽບປີ 2019 ເພີ່ມຂື້ນ13,8% ມີສະມາຊິກພັກທັງໝົດ 1.441 ສະຫາຍ ຍີງ 298 ສະຫາຍ ທຽບໃສ່ປີ 2016 ເພີ່ມຂື້ນ 105 ສະຫາຍ, ສະມາຊິກປອດໃສ, ເຂັ້ມແຂງ, ໜັກແໜ້ນ ປະເພດແຂງ 1.276 ສະຫາຍ ຍີງ 270 ສະຫາຍ ກວມເອົາ 90,62%, ສະມາຊິກກາງ 91 ສະຫາຍ ຍິງ 11 ສະຫາຍ ບໍ່ໄດ້ຈັດປະເພດ 41 ສະຫາຍ ຍິງ 2 ສະຫາຍ., ທົ່ວເມືອງມີພະນັກງານທັງໝົດ 717 ສະຫາຍ ຍິງ 286 ສະຫາຍ.
Users Today : 285
Users Yesterday : 1225
This Month : 9351
This Year : 129388
Total Users : 515612
Who's Online : 29