ກອງປະຊຸມຄົບຄະນະພັກຮາກຖານ ກອງພັນປ້ອງກັນເຄື່ອນທີ່

ວັນທີ 7 ສິງຫາ 2020 ຄະນະພັກຮາກຖານ ກອງພັນປ້ອງກັນເຄື່ອນທີ່ ກອງບັນຊາການ ປກສ ແຂວງບໍລິຄຳໄຊ ໄດ້ເປີດກອງປະຊຸມຄົບຄະນະພັກຮາກຖານຂອງຕົນຂື້ນຢູ່ສະໂມສອນໃຫຍ່ ກອງບັນການ ປກສ ແຂວງ ໂດຍການເປັນປະທານ ຂອງສະຫາຍ ພັນໂທ ບົວແກ້ວ ຈັນທະບຸນສຸກ ເລຂາຄະນະພັກຮາກຖານ ຫົວໜ້າກອງພັນປ້ອງກັນເຄື່ອນທີ່, ເປັນກຽດເຂົ້າຮ່ວມຂອງສະຫາຍ ພັນໂທ ຜາຂົງ ດອກມະນີຈັນ ຮອງເລຂາຄະນະພັກ ຮອງຫົວໜ້າກອງບັນຊາການ ປກສ ແຂວງ, ມີຄະນະພັກຮາກຖານ, ເລຂາຄະນະໜ່ວຍພັກ, ແຂກຖືກເຊີນ ພ້ອມດ້ວຍ ສະມາຊິກພັກສົມບຸນ-ສຳຮອງ ເຂົ້າຮ່ວມ.

 

ສະຫາຍ ພັນໂທ ແສງພະຈັນ ຄຳມະວົງ ປະທານກວດກາພັກ, ຮອງຫົວໜ້າກອງພັນປ້ອງກັນເຄື່ອນທີ່ ໄດ້ຂື້ນຜ່ານບົດສະຫຼຸບຜົນການຈັດຕັ້ງປະຕິບັດມະຕິກອງປະຊຸມ ຄົບຄະນະພັກຮາກຖານ ສະໄໝທີ່ 1 ແລະ ທິດທາງແຜນການໃນຕໍ່ໜ້າເຊີ່ງໄດ້ຍົກໃຫ້ເຫັນຜົນງານຫຼາຍດ້ານ ທີ່ພົ້ນເດັ່ນ ຄື: ໄດ້ສະເໜີມະຫາຊົນກ້າວໜ້າເຂົ້າເປັນສະມະຊິກພັກສຳຮອງໄດ້ 05 ສະຫາຍ, ສະເໜີຮຽນສະໜັບສະໜູນ 04 ສະຫາຍ, ສາມາດສ້າງໜ່ວຍຊາວໜຸ່ມໃຫ້ເປັນຊາວໜຸ່ມຕະລຸມບອນ 70 ກວ່າສະຫາຍ, ນໍາສົ່ງຄະດີໃຫ້ພະແນກຢາເສບຕິດ ປກສ ແຂວງດຳເນີນໄດ້ 06 ເລື່ອງ ຂອງກາງ ຢາບ້າ 444 ເມັດ, ຢຶດປືນດັດແປງໄດ້ 01 ກະບອກ, ເຂົ້າຮ່ວມມ້າງຄະດີຢາເສບຕິດກັບພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຢຶດຢາບ້າໄດ້ 120 ມັດ ຢາໄອ 60 ຫໍ່, ລົດໃຫຍ່ 02 ຄັນ, ຜູ້ຖືກຫາ 04 ຄົນ, ຍິງ 02 ຄົນ, ເຂົ້າຮ່ວມປ້ອງກັນການນຳສົ່ງອັດທິທະຫານອາສາສະມັກຫວຽດນາມ 01 ຄັ້ງ ມີ 04 ແຮງງານ, ປະຈໍາການອອກກວດກາລາດຕະເວນ 90 ຄັ້ງ ມີ 930 ແຮງງານ.

ກອງປະຊຸມ ຍັງໄດ້ຜ່ານບົດສໍາຫຼວດການນໍາພາຂອງຄະນະພັກຮາກຖານກອງພັນປ້ອງກັນເຄື່ອນທີ່ ປກສ ແຂວງ. ຈາກນັ້ນບັນດາສະຫາຍບໃນຄະນະພັກຮາກຖານ, ຄະນະພະໜ່ວຍພັກ ຍັງໄດ້ພັດປ່ຽນກັນຂຶ້ນປະກອບຄຳຄິດ, ຄຳເຫັນ ໃສ່ຮ່າງບົດສະຫຼຸບ ແລະ ທິດທາງແຜນການໃຫ້ມີເນື້ອໃນຄົບຖ້ວນສົມບຸນຂຶ້ນກວ່າເກົ່າ. ກອງປະຊຸມຍັງໄດ້ມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ໃຫ້ແກ່ 04 ໜ່ວຍພັກ ທີ່ຂຶ້ນກັບຮາກຖານພັກ. ໃຫ້ກຽດຂຶ້ນມອບຂອງສະຫາຍ ພັນໂທ ບົວແກ້ວ ຈັນທະບຸນສຸກ ເລຂາຄະນະພັກຮາກຖານ ຫົວໜ້າກອງພັນປ້ອງກັນເຄື່ອນທີ່.

 

• Facebook
• Twitter
• Line