ໃນວັນທີ 15 ມັງກອນ 2022 ຫ້ອງການຄຸ້ມຄອງລະບົບ ແລະ ບໍລິການ ທີ່ຂຶ້ນກັບລັດວິສາຫະກິດໄຟຟ້າລາວ ສາຂາແຂວງບໍລິຄໍາໄຊ ໄດ້ລົງຈັດຕັ້ງປະຕິບັດວຽກງານເກັບກູ້ຫນ່ວຍຕັດໄຟ Load Break Switch ອອກຈາກແລວຕາຂ່າຍພາກແຮງກາງ 22 ກວ ຂອງເມືອງບໍລິຄັນ ແລະ ແລວຕາຂ່າຍພາກ 22 ກວ ຂອງເຂື່ອນນໍ້າງຽບ 1 ຢູ່ຫນ້າສະຖານີຈ່າຍໄຟຟ້າປາກຊັນ ເມືອງປາກຊັນ ແຂວງບໍລິຄໍາໄຊ.
ເພື່ອເປັນການປະຕິບັດຕາມລະບຽບມາດຕະຖານເຕັກນິກ ຂອງລັດວິສາຫະກິດໄຟຟ້າລາວ ກ່ຽວກັບການຄຸ້ມຄອງພາກລະບົບຈໍາຫນ່າຍ ໂດຍໄດ້ຮັບການນໍາພາ – ຊີ້ນໍາຢ່າງໃກ້ຊິດຂອງຄະນະພັກຄະນະສາຂາ ໄດ້ມອບໃຫ້ຫ້ອງການຄຸ້ມລະບົບ ແລະ ບໍລິການເປັນຜູ້ຈັດຕັ້ງປະຕິບັດໃນການເກັບກູ້ຫນ່ວຍຕັດ Load Break Switch ອອກຈາກແລວຕາຂ່າຍແຮງກາງ 22 ກວ ຂອງ 2 ແລວດັ່ງກ່າວຈໍານວນ 2 ຫນ່ວຍທີ່ຕິດຕັ້ງຢູ່ຫນ້າສະຖານີຈ່າຍໄຟຟ້າປາກຊັນ ເພື່ອນໍາໄປຕິດຕັ້ງຢູ່ຈຸດໃໝ່ພາຍໃນເທດສະບານເມືອງປາກຊັນ ເຊິ່ງໃຊ້ເວລາໃນການມອດໄຟປະຕິບັດວຽກງານນີ້ແມ່ນ 2 ຊົ່ວໂມງ ຈຶ່ງສໍາເລັດ.
Users Today : 476
Users Yesterday : 1225
This Month : 9542
This Year : 129579
Total Users : 515803
Who's Online : 37