ພິທີສະຫຼຸບຜົນງານ ປີ 2021 ແລະ ທິດທາງແຜນການປີ 2022 ຂອງໂຮງໝໍ ແຂວງບໍລິຄຳໄຊ ໄດ້ຈັດຂຶ້ນໃນວັນທີ 31 ທັນວາ 2021 ຢູ່ຫ້ອງປະຊຸມຂອງຕົນ, ເປັນປະທານໂດຍ ທ່ານ ດຣ ບຸນຍັງ ພົມມະຈັນ ອຳນວຍການໂຮງໝໍແຂວງ, ໂດຍເປັນກຽດເຂົ້າຮ່ວມຂອງ ທ່ານ ດຣ ສອນໄຊ ປັນຍານຸວົງ ຫົວໜ້າພະແນກສາທາລະນະສຸກແຂວງບໍລິຄຳໄຊ ມີຄະນະໂຮງໝໍແຂວງ, ພະນັກງານແພດ-ໝໍ ແລະ ພາກສ່ວນກ່ຽວຂ້ອງເຂົ້າຮ່ວມ.
ໃນພິທີໄດ້ຮັບຟັງການສະຫຼຸບລາຍງານ ການຈັດຕັ້ງປະຕິບັດບັນດາວຽກງານທີ່ຜ່ານມາ ເຫັນວ່າມີຫຼາຍວຽກງານໄດ້ຮັດຄວາມເອົາໃຈໃສ, ຖືກຈັດຕັ້ງປະຕິບັດດ້ວຍຜົນສໍາເລັດ ແລະ ມີປະສິດທິຜົນສູງ ເປັນຕົ້ນແມ່ນໄດ້ໃຫ້ບໍລິການຄົນເຈັບເຂດນອກ 35.777 ຄົນ, ຄົນເຈັບນອນໂຮງໝໍ 11.528 ຄົນ ເຊິ່ງພະຍາດຕົ້ນຕໍແມ່ນຮູຄໍອະມີດານອັກເສບ, ລະບົບລະລາຍ, ຄວາມດັນ, ພະຍາດແຂ້ວ, ເປັນຫວັດ-ໄຂ້ໄອ ແລະ ພະຍາດອື່ນໆ, ໃຫ້ບໍລິການຜ່າຕັດ 841 ຄັ້ງ, ກວດວິເຄາະ 21.653 ເທື່ອ.
ໄດ້ເອົາໃຈໃສ່ວຽກງານການສະກັດກັ້ນ ແລະ ປ້ອງກັນ ພະຍາດໂຄວິ-19 ໂດຍມີສະຖານທີ່ປິ່ນປົວ 3 ແຫ່ງ ຄື: ສູນດອກປີກໄກ່ແຂວງ ມີ 205 ຕຽງ, ສູນຫຼັກ 6 ມີ 21 ຕຽງ ແລະ ສູນຊາວໜຸ່ມ 32 ຕຽງ ແລະ ໄດ້ຈັດຕັ້ງປະຕິບັດຈັດສັນທີມງານແພດໝໍເຂົ້າປະຈຳແຕ່ລະສູນ, ໂຮງໝໍແຂວງ ບໍລິການໃຫ້ວັກຊີນຊີໂນຟ່າມ ເຂັມ 1 ແລະ ເຂັມ 2 ໄດ້ 12.574 ເຂັມ, ແອດສ໌ຕ່າຊີເນກ່າ 676 ເຂັມ, ລວມ 2 ຊະນິດ 13.250 ເຂັມ. ພ້ອມກັນນັ້ນ ຍັງໄດ້ສຸມໃສ່ຈັດຕັ້ງປະຕິບັດວຽກ 5 ດີ 1 ພໍໃຈ ໃຫ້ໄດ້ຄຸນນະພາບ, ລົງຊຸກຍູ້ຕິດຕາມວຽກບໍລິການຂອງໂຮງໝໍນ້ອຍ ແລະ ວຽກງານພະຍາບານຂອງໂຮງໝໍຊຸມຊົນ ຢ່າງຕໍ່ເນື່ອງ.
ຫຼັງຈາກນັ້ນ ກໍ່ໄດ້ມີການສະເໜີແລກປ່ຽນບົດຮຽນເຊິ່ງກັນ ແລະ ກັນ ໃນຫຼາຍວຽກງານສໍາຄັນ ເພື່ອເປັນການສົ່ງເສີມຜົນງານດ້ານດີ ແລະ ນໍາເອົາບາງຂໍ້ຄົງຄ້າງ ໄປປັບປຸງແກ້ໄຂ ແລະ ພັດທະນາໃຫ້ດີຂຶ້ນໃນຕໍ່ໜ້າ.
ໂອກາດນີ້ ຍັງໄດ້ມີພິທີມອບໃບຍ້ອງຍໍຂອງທ່ານເຈົ້າແຂວງບໍລິຄຳໄຊ ໃຫ້ແກ່ພະນັກງານໂຮງໝໍແຂວງ 33 ທ່ານ ທີ່ມີຜົນງານດີເດັ່ນໃນການເຄື່ອນໄຫວວຽກງານການເຝົ້າລະວັງ ແລະ ປິ່ນປົວພະຍາດໂຄວິດ-19 ໃຫ້ກຽດມອບໂດຍ ທ່ານ ດຣ ສອນໄຊ ປັນຍານຸວົງ ແລະ ຕາງໜ້າຮັບໂດຍ ທ່ານ ດຣ ບຸນຍັງ ພົມມະຈັນ.
Users Today : 526
Users Yesterday : 409
This Month : 10789
This Year : 130826
Total Users : 517050
Who's Online : 10