ກອງປະຊຸມ ທາບທາມບຸກຄະລາກອນ ກະກຽມກອງປະຊຸມໃຫຍ່ ຄັ້ງທີ V ຄະນະພັກຮາກຖານຫ້ອງວ່າການແຂວງ ໄດ້ຈັດຂຶ້ນໃນວັນທີ 24 ທັນວາ 2021 ຢູ່ຫ້ອງປະຊຸມຂອງຕົນ ເປັນປະທານໂດຍ ສະຫາຍ ຄໍາແຫວນ ປັນຍານຸວົງ ຄະນະປະຈໍາພັກແຂວງ ຮອງເຈົ້າແຂວງບໍລິຄຳໄຊ ມີຄະນະຮັບຜິດຊອບຈາກຄະນະຈັດຕັ້ງແຂວງ, ຄະນະພັກຮາກຖານ ແລະ ສະມາຊິກພັກພາຍໃນເຂົ້າຮ່ວມ.
ໃນກອງປະຊຸມ ໄດ້ຮັບຟັງ ການຜ່ານຮ່າງບົດລາຍງານການເມືອງທັງ 2 ພາກ ແລະ ບົດສໍາຫຼວດການນໍາພາລວມ ຮອບທີ 1 ທີ່ໄດ້ຍົກໃຫ້ເຫັນຜົນງານດ້ານດີ ແລະ ບາງຈຸດອ່ອນຂໍຄົງຄ້າງ ໃນໄລຍະຜ່ານມາ, ພ້ອມນັ້ນ ຄະນະພັກ ແລະ ສະມາຊິກພັກ ໄດ້ປະກອບຄໍາຄິດເຫັນໃສ່ຮ່າງບົດລາຍງານດັ່ງກ່າວ ເພື່ອເຮັດໃຫ້ມີເນື້ອໃນຄົບຖ້ວນສົມບູນຂຶ້ນ.
ຫຼັງຈາກນັ້ນ ກໍ່ໄດ້ຂຶ້ນຜ່ານມາດຖານເງື່ອນໄຂຜູ້ທີ່ຈະຮັບສະໝັກເລືອກຕັ້ງ ເຊິ່ງຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ ເປັນຕົ້ນແມ່ນຍຶດໝັ້ນອຸດົມການສັງຄົມນິຍົມ, ມີຄຸນສົມບັດສິນທຳປະຕິວັດ, ມີທັດສະນະການເມືອງໜັກແໜ້ນ, ມີຄວາມຈົງຮັກພັກດີຕໍ່ປະເທດຊາດຕໍ່ປະຊາຊົນ, ເປັນແບບຢ່າງໃນການປະຕິບັດກົດລະບຽບຂອງພັກ ກົດໝາຍຂອງລັດຢ່າງເຂັ້ມງວດ, ມີຄວາມຮູ້ຄວາມສາມາດ, ມີແບບແຜນວິທີເຮັດວຽກຖືກຕ້ອງ, ເຄົາລົບ ແລະ ປະຕິບັດຫຼັກການລວມສູນປະຊາທິປະໄຕ, ມີສຸຂະພາບສົມບູນແຂງແຮງດີ, ມີຄວາມສາມາດນໍາພາ – ບັນຊາກົມກອງ, ມີຄຸນສົມບັດສິນທຳປະຕິວັດ ແລະ ອື່ນໆ.
ພ້ອມນັ້ນໄດ້ຮັບຟັງການອະທິບາຍວິທີການ ແລະ ຂັ້ນຕອນ ການຈັດຕັ້ງປະຕິບັດ ໃນບາດກ້າວຕ່າງໆ ແລະ ສະມາຊິກພັກທັງໝົດ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດທາບທາມເອົາຄະນະພັກຮາກຖານຫ້ອງວ່າການແຂວງ ຮອບທີ I ເພື່ອກະກຽມບຸກຄະລາກອນເຂົ້າໃນກອງປະຊຸມໃຫຍ່ ຄັ້ງທີ V ຂອງຄະນະພັກຮາກຖານຫ້ອງວ່າການແຂວງ.
Users Today : 682
Users Yesterday : 494
This Month : 8523
This Year : 128560
Total Users : 514784
Who's Online : 34