ກອງປະຊຸມໃຫຍ່ຜູ້ແທນຄັ້ງທີ VI ຂອງຄະນະພັກຮາກຖານພະແນກສຶກສາທິການ ແລະ ກິລາແຂວງບໍລິຄຳໄຊ ໄດ້ຈັດຂຶ້ນໃນວັນທີ 17 ທັນວາ 2021 ຢູ່ໂມສອນ ມສ ສີທ່ານາໄຊ ໂດຍການເປັນປະທານ ຂອງ ສະຫາຍ ລົມ ແພງສຸກ ເລຂາຄະນະພັກຮາກຖານ ຫົວໜ້າພະແນກສຶກສາທິການ ແລະ ກິລາແຂວງ, ໃຫ້ກຽດເຂົ້າຮ່ວມໂດຍ ສະຫາຍ ບຸນສົງ ເພັດຈະເລີນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ມີບັນດາຄະນະພັກ, ເລຂາ-ຮອງເລຂາ, ສະມາຊິກພັກ ແລະ ແຂກຖຶືກເຊີນ ເຂົ້າຮ່ວມ.
ໃນກອງປະຊຸມ ໄດ້ຮັບຟັງການຕີລາຄາຄືນ ຜົນການຈັດຕັ້ງປະຕິບັດວຽກງານແຕ່ລະດ້ານ ໃນໄລຍະ 5 ປີ ຜ່ານມາ ພ້ອມວາງທິດທາງແຜນການ 5 ປີ ໃນຕໍ່ໜ້າ ເຊິ່ງໄດ້ຍົກໃຫ້ເຫັນ ຜົນສຳເລັດໃນຫຼາຍດ້ານ ເປັນຕົ້ນ ວຽກງານການສຶກສາກ່ອນໄວຮຽນ ໄດ້ມີການຂະຫຍາຍຕົວຢ່າງທົ່ວເຖີງ ທຽບໃສ່ ສະໄໝຜ່ານມາ ເພີ່ມຂື້ນ 31 ແຫ່ງ ເທົ່າກັບ 60,78 %, ຫ້ອງກຽມປະຖົມ ເພີ່ມຂື້ນ 3,13%, ອັດຕາການເຂົ້າຮຽນຂອງເດັກໃນເກນອາຍຸ 5 ປີ ເພີ່ມຂື້ນ 15,7%, ອັດຕາເຂົ້າຮຽນໃໝ່ສຸດທິຊັ້ນປະຖົມ ປະຕິບັດໄດ້ 99,7%, ອັດຕາລອດເຫຼືອ ປ.5 ປະຕິບັດໄດ້ 89,1%, ໄດ້ຂະຫຍາຍໂຮງຮຽນມັດທະຍົມສຶກສາຕອນຕົ້ນໄປທຸກກຸ່ມບ້ານ, ທົ່ວແຂວງມີໂຮງຮຽນມັດທະຍົມສຶກສາທັງໝົດ 66 ແຫ່ງ, ອັດຕາເຂົ້າຮຽນຊັ້ນມັດທະຍົມສຶກສາຕອນຕົ້ນ ປະຕິບັດໄດ້ 84,7%, ໄດ້ເອົາໃຈໃສ່ ຍົກລະດັບຄວາມຮູ້ ແລະ ວິຊາຊີບຂັ້ນພື້ນຖານ ໃຫ້ປະຊາຊົນບັນດາເຜົ່າຢ່າງຕໍ່ເນື່ອງ, ທົ່ວແຂວງມີສູນການສຶກສານອກໂຮງຮຽນ 6 ແຫ່ງ, ພ້ອມກັນນັ້ນ ຍັງໄດ້ເອົາໃຈໃສ່ຈັດຕັ້ງການຮຽນ-ການສອນບໍາລຸງຊັ້ນປະຖົມໃຫ້ກຸ່ມເປົ້າໝາຍໃນເກນອາຍຸ 15-40 ປີ, ວຽກງານອະຊີວະສຶກສາ ແລະ ຝຶກອົບຮົມວິຊາຊີບ ແລະ ວຽກງານດ້ານອື່ນໆ ແມ່ນເຮັດໄດ້ດີຂື້ນເປັນກ້າວໆ.
ກອງປະຊຸມຄັ້ງນີ້ ຍັງໄດ້ປ່ອນບັດຄັດເລືອກເອົາຄະນະພັກຊຸດໃໝ່ ແລະ ໃນກອງປະຊຸມຄັ້ງປະຖົມມະລຶກ ໄດ້ເປັນເອກະສັນເລືອກເອົາສະຫາຍ ລົມ ແພງສຸກ ເປັນເລຂາຄະນະພັກຮາກຖານຊຸດໃໝ່, ສະຫາຍ ໂພເພັດ ກຸນນາວົງ ເປັນຮອງເລຂາ, ສະຫາຍ ຄຳເພັດ ໄຊປັນຍາ ເປັນປະທານກວດກາ, ສະຫາຍ ສົມຫັວງ ພົມແສງສຸລີນ ເປັນຮອງປະທານກວດກາ, ສະຫາຍ ນາງ ຄຳຮັກ ໄລວັນ, ສະຫາຍ ປອ ດາວເຮືອງ ກອງສົມບັດ ແລະ ສະຫາຍ ບຸນມະນີ ສຸລິວົງ ເປັນຄະນະພັກຮາກຖານ.
Users Today : 25
Users Yesterday : 409
This Month : 10288
This Year : 130325
Total Users : 516549
Who's Online : 18