ຕອນເຊົ້າວັນທີ 14 ທັນວາ 2021 ຄະນະພັກຮາກຖານດ່ານຊາຍແດນສາກົນປາກຊັນ ແຂວງບໍລິຄຳໄຊ ໄດ້ເປີດບັ້ນດຳເນີນຊີວິດການເມືອງ, ກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳ 06 ເດືອນ ທ້າຍປີ 2021 ພາຍໃຕ້ການເປັນປະທານຂອງສະຫາຍ ພັນໂທ ວົງວິໄລ ອິນທິສານ, ເລຂາຄະນະພັກຮາກຖານ ຫົວໜ້າຄຸ້ມຄອງດ່ານຊາຍແດນສາກົນປາກຊັນ ແຂວງບໍລິຄຳໄຊ, ມີຄະນະພັກຮາກຖານ, ຄະນະໜ່ວຍພັກ ພ້ອມດ້ວຍສະມາຊິກພັກສົມບູນ-ສຳຮອງເຂົ້າຮ່ວມ.
ບັ້ນດຳເນີນຊີວິດການເມືອງ, ກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ, ປະຈໍາ 6 ເດືອນທ້າຍປີ 2021 ເປັນການສ່ອງແສງເຖິງການເຮັດວຽກງານສຶກສາອົບຮົມການເມືອງ-ແນວຄິດ ເຂົ້າໃນທຸກຂົງເຂດວຽກງານຂອງພັກ-ລັດ ທັງເປັນການເສີມຂະຫຍາຍລະບອບປະຊາທິປະໄຕພາຍໃນພັກໃຫ້ກວ້າງຂວາງຂື້ນ, ເປັນການກະຕຸກຊຸກຍູ້ ການເຄື່ອນໄຫວວຽກງານວິຊາສະເພາະຂອງບັນດາສະຫາຍສະມາຊິກພັກ, ພະນັກງານ-ນັກຮົບ ໃຫ້ມີຫົວຄິດປະດິດສ້າງ, ມີແບບແຜນວິທີເຮັດວຽກທີ່ທັນສະໄໜ, ຮູ້ຈັກຊີ້ນໍາ-ນໍາພາ, ຈັດຕັ້ງປະຕິບັດໜ້າທີ່ວຽກງານໃຫ້ມີປະສິດທິພາບ ແລະ ມີຜົນສໍາເລັດ.
ກອງປະຊຸມ ໄດ້ເຜີຍແຜ່ເຊື່ອມຊືມ ຄໍາສັ່ງຂອງກົມການເມືອງສູນກາງພັກ ເລກທີ 01/ກມສພ, ລົງວັນທີ 03 ມັງກອນ 2018 ວ່າດ້ວຍການເພີ່ມທະວີມາດຕະການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຄໍາແນະນໍາຂອງຄະນະຈັດຕັ້ງສູນກາງພັກ ເລກທີ 291/ຄຈສພ, ລົງວັນທີ 26 ເມສາ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຄໍາສັ່ງຄຳແນະນຳ ເລກທີ 0569/ຄຈ.ຂບຊ ລົງວັນທີ 07 ສິງຫາ ຂອງຄະນະປະຈໍາພັກແຂວງ ບໍລິຄໍາໄຊກ່ຽວກັບການກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ.
ພາຍຫຼັງເປີດກອງປະຊຸມບັ້ນດໍາເນີນຊີວິດການເມືອງແລ້ວ ທົ່ວຄະນະພັກຮາກຖານດ່ານຊາຍແດນສາກົນປາກຊັນ ແຂວງບໍລິຄຳໄຊ, ບັນດາສະຫາຍຄະນະໜ່ວຍພັກ, ສະມາຊິກພັກ ຈະໄດ້ພ້ອມກັນຂຽນໃບສຳຫຼວດຕົນເອງ, ຜ່ານໃບສໍາຫຼວດກວດກາຕີລາຄາຕົນເອງ ແລະ ຕໍານິສົ່ງຂ່າວ ກໍ່ສ້າງຊ່ວຍເຫຼືອເຊິ່ງກັນ ແລະ ກັນ ເພື່ອຈັດແບ່ງປະເພດໜ່ວຍພັກ, ສະມາຊິກພັກ ໂດຍອີງໃສ່ 05 ເນື້ອໃນຂອງພັກວາງອອກ. ກອງປະຊຸມດັ່ງກ່າວຈະໄດ້ດໍາໄປເປັນເວລາ 03 ວັນ ແຕ່ວັນທີ 14 – 16 ທັນວາ ຈື່ງຈະສໍາເລັດ.
Users Today : 580
Users Yesterday : 494
This Month : 8421
This Year : 128458
Total Users : 514682
Who's Online : 42