ເພື່ອປະຕິບັດຕາມວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ທີ່ລັດຖະບານ ແຫ່ງ ສປປ ລາວ ວາງອອກໃຫ້ປະກົດຜົນເປັນຈີງ. ໃນວັນທີ 3 ທັນວາ 2021 ຜ່ານມາເຈົ້າໜ້າທີ ປກຊ-ປກສ ເມືອງ, ຊາວໝຸ່ມເມືອງ, ພາກສ່ວນກ່ຽວຂ້ອງຂອງເມືອງ ແລະ ປກສ ກຸ່ມນາຊວງ, ອໍານາດການປົກຄອງບ້ານ, ຊາວໝຸ່ມບ້ານອຸດົມໄຊ, ເມືອງວຽງທອງ, ແຂວງບໍລິຄໍາໄຊ ໄດ້ລົງກວດກາພ້ອມທັງທຳລາຍສວນຄັນຊາຂອງປະຊາຊົນທີ່ລັກລອບປູກຢູ່ເຂດບ້ານດັ່ງກ່າວ.
ໃນການລົງໄປກວດກາຄັ້ງນີ້ໄດ້ພົບເຫັນສວນປູກຄັນຊາ ຈໍານວນ 08 ສວນ ຢູ່ໃນ 3 ຈຸດ ເຂດບ້ານ ອຸດົມໄຊ ມີເນື້ອທີ 2,3 ເຮັກຕາ, ມີ 2.535 ຂຸມ, ປະເມີນນໍ້າໜັກປະມານ 8.593 ກິໂລກຼາມ ທີ່ຍັງບໍ່ທັນຮູ້ເຈົ້າຂອງສວນ, ປະຈຸບັນເຈົ້າໜ້າທີ່ໄດ້ສືບຕໍ່ຕິດຕາມກວດກາຄືນຫາເຈົ້າຂອງເພື່ອນໍາມາດໍາເນີນຄະດີຕາມລະບຽບກົດໝາຍ. ສ່ວນສວນຄັນຊາທີ່ພົບເຫັນເຈົ້າໜ້າທີໄດ້ພ້ອມກັນທໍາລາຍດ້ວຍການຕັດ, ຈູດໄຟຖີ້ມ. ການລົງແກ້ໄຂບັນຫາການລັກລອບ ປູກຄັນຊາ ຂອງປະຊາຊົນຄັ້ງນີ້ແມ່ນເພື່ອເປັນການເຮັດໃຫ້ການລັກລອບປູກຄັນຊາຂອງປະຊາຊົນຢູ່ເມືອງວຽງທອງໃຫ້ຫຼຸດໜ້ອຍຖອຍລົງຈົນກ່ວາບໍ່ມີ.
Users Today : 120
Users Yesterday : 409
This Month : 10383
This Year : 130420
Total Users : 516644
Who's Online : 19