ເພື່ອຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ທີ່ລັດຖະບານ ແຫ່ງ ສປປ ລາວ ວາງອອກ ໃຫ້ປະກົດຜົນເປັນຈິງ ໃນວັນທີ 23 ພະຈິກ 2021 ເຈົ້າໜ້າທີ່ ປກຊ – ປກສ ເມືອງ, ຊາວໝຸ່ມເມືອງ, ພາກສ່ວນກ່ຽວຂ້ອງຂອງເມືອງ ແລະ ປກສ ກຸ່ມນາຊວງ, ອໍານາດການປົກຄອງບ້ານ, ຊາວໝຸ່ມບ້ານ , ບ້ານ ອຸດົມໄຊ, ເມືອງວຽງທອງ, ແຂວງບໍລິຄໍາໄຊ ໄດ້ລົງກວດກາພ້ອມທັງທຳລາຍສວນຄັນຊາຂອງປະຊາຊົນທີ່ລັກລອບປູກຢູ່ເຂດບ້ານດັ່ງກ່າວ.
ໃນການລົງໄປກວດກາຄັ້ງນີ້ ໄດ້ພົບເຫັນສວນປູກຄັນຊາ ຈໍານວນ 17 ສວນ ຢູ່ໃນ 3 ຈຸດ ເຂດບ້ານ ອຸດົມໄຊ ມີເນື້ອທີ 9,9 ເຮັກຕ່າ, ມີ 10.180 ຂຸມ, ປະເມີນນໍ້າໜັກປະມານ 54.195 ກິໂລກຼາມ ,ພ້ອມທັງກັກຕົວເຈົ້າຂອງສວນໄດ້ 1 ຄົນ, ສ່ວນ 16 ສວນແມ່ນຍັງບໍ່ທັນຮູ້ເຈົ້າຂອງ.
ສວນທີ່ຍັງບໍ່ທັນຮູ້ເຈົ້າຂອງນັ້ນ ເຈົ້າໜ້າທີ່ຈະໄດ້ສືບຕໍ່ຕິດຕາມກວດກາຄືນ ເພື່ອນໍາມາດໍາເນີນຄະດີຕາມລະບຽບກົດໝາຍ. ສ່ວນສວນຄັນຊາທີ່ພົບເຫັນ ເຈົ້າໜ້າທີໄດ້ພ້ອມກັນທໍາລາຍດ້ວຍການຕັດ, ຈູດໄຟຖີ້ມ.
ການລົງແກ້ໄຂບັນຫາການລັກລອບປູກຄັນຊາ ຂອງປະຊາຊົນຄັ້ງນີ້ ແມ່ນເພື່ອເປັນການເຮັດໃຫ້ການລັັກລອບປູກຄັນຊາ ຂອງປະຊາຊົນຢູ່ເມືອງວຽງທອງ ເວົ້າລວມ, ເວົ້າສະເພາະ ຢູ່ຂອບເຂດບ້ານອຸດົມໄຊໃຫ້ຫຼຸດໜ້ອຍຖອຍລົງເທື່ອລະກ້າວ.
Users Today : 691
Users Yesterday : 494
This Month : 8532
This Year : 128569
Total Users : 514793
Who's Online : 36