ໃນຕອນເຊົ້າວັນທີ 23 ກັນຍາ 2021 ບໍລິສັດສະຕຣາໂທລະຄົມ ສາຂາແຂວງບໍລິຄຳໄຊ ໄດ້ນຳເອົາເຄື່ອງບໍລິໂພກ ປະເພດ ນ້ຳດື່ມ 20 ແພັກ, ໝີ່ສຳເລັດຮູບ 1 ແກັດໃຫຍ່ ແລະ 4 ແກັດນ້ອຍ ລວມມູນຄ່າ 1.000.000 ກີບ ມາມອບໃຫ້ຄະນະສະເພາະກິດ ຕ້ານພະຍາດໂຄວິດ-19 ຂັ້ນເມືອງປາກກະດິງ ເປັນການປະກອບສ່ວນຊ່ວຍວຽກງານດັ່ງກ່າວຕາມເງື່ອນໄຂທີ່ມີ, ກ່າວມອບໂດຍທ່ານນາງ ດາວວອນ ເພັດສານຸພົນ ອຳນວຍການ ບໍລິສັດສະຕຣາໂທລະຄົມ ສາຂາແຂວງບໍລິຄຳໄຊ, ກ່າວຮັບໂດຍ ທ່ານ ບຸນຍັງ ອຸ່ນຊຽງໃໝ່ ຮອງເຈົ້າເມືອງປາກກະດິງ ຫົວໜ້າຄະນະສະເພາະກິດຂັ້ນເມືອງ ປ້ອງກັນພະຍາດໂຄວິດ-19, ມີພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.
ແລະ ໃນຕອນທ່ຽງຂອງວັນດຽວກັນ, ຄະນະສະເພາະກິດ ປ້ອງກັນພະຍາດໂຄວິດ-19 ຂັ້ນເມືອງພ້ອມດ້ວຍຄະນະກໍ່ໄດ້ນຳເອົາອາຫານ ຈຳນວນ 100 ກ່ອງ ແລະ ນ້ຳດື່ມຕຸກນ້ອຍ ຈຳນວນ 100 ຕຸກ ລົງໄປແຈກຢາຍໃຫ້ປະຊາຊົນຢູ່ 4 ສູນກັກກັນອ້ອມຂ້າງເມືອງ ຄື: ສູນສະໂມສອນດອກປີກໄກ່ຂອງເມືອງ, ສູນປະຖົມໂພນງາມ, ສູນປະຖົມໂພນສີ ແລະ ສູນ ມໍຕົ້ນ ໂພນສີ.
ເຖິງແມ່ນວ່າມີຈຳນວນບໍ່ຫລາຍ ແຕ່ກໍ່ຫວັງວ່າຈະສາມາດແບ່ງເບົາທາງດ້ານການກິນຢູ່ຂອງບັນດາອ້າຍນ້ອງທີ່ຢູ່ໃນສູນກັກກັນບໍ່ຫຼາຍກໍ່ໜ້ອຍ. ພ້ອມທັງໄດ້ໂອ້ລົມການເມືອງແນວຄິດ, ໃຫ້ຄວາມອົບອຸ່ນກັບບຸກຄົນທີ່ຢູ່ໃນສູນກັກກັນໃຫ້ເຊື່ອໝັ້ນຕໍ່ການຊີ້ນຳ-ນຳພາຂອງພັກ-ລັດຂັ້ນເທີງ.
Users Today : 448
Users Yesterday : 494
This Month : 8289
This Year : 128326
Total Users : 514551
Who's Online : 28