ຊາວໜຸ່ມແຂວງ ຝຶກອົບຮົມການນຳໃຊ້ຄອມພິວເຕິ່ ແລະ ການຮ່າງເອກະສານທາງລັດຖະການ

ຊຸດຝຶກອົບຮົມ ການນຳໃຊ້ຄອມພິວເຕີ ແລະ ຮ່າງເອກະສານທາງການ ໃຫ້ພະນັກງານ-ລັດຖະກອນ ຄະນະບໍລິຫານງານຊາວໜຸ່ມ ແຂວງບໍລິຄຳໄຊ ໄດ້ຈັດຂຶ້ນໃນວັນທີ 15-17 ກັນຍາ 2021 ຢູ່ຫ້ອງປະຊຸມຄະນະບໍລິຫານງານຊາວໜຸ່ມແຂວງ, ເປັນກຽດເຂົ້າຮ່ວມ ແລະ ເປີດພິທີໂດຍ ສະຫາຍ ທະນູວັນ ວົງມະນີ ຮອງເລຂາຄະນະບໍລິຫານງານຊາວໜຸ່ມແຂວງ, ມີວິທະຍາກອນຄະນະຊາວໜຸ່ມແຂວງ ແລະ ນັກສຳມະນາກອນ ພາຍໃນຄະນະບໍລິຫານງານຊາວໜຸ່ມແຂວງ ເຂົ້າຮ່ວມ.

ການຝຶກອົບຮົມຄັ້ງນີ້ ນັກສຳມະນາກອນ ໄດ້ຮຽນຮູ້ກ່ຽວກັບການນຳໃຊ້ຄອມພິວເຕີ, ເວີດ, ເອັກເຊວ, ພາເວີພອຍ ແລະ ການຮ່າງເອກະສານທາງການຕ່າງໆ ໃຫ້ຖືກຕາມຫຼັກການ ເພື່ອນຳໃຊ້ເຂົ້າໃນວຽກງານວິຊາສະເພາະຂອງຕົນ, ໂດຍໄດ້ມີການສົນທະນາແລກປ່ຽນບົດຮຽນເຊີ່ງກັນ ແລະ ກັນ, ພ້ອມທັງແບ່ງກຸ່ມອອກເປັນ 2 ກຸ່ມ ເພື່ອຄົ້ນຄວ້າແລກປ່ຽນຄຳຄິດຄຳເຫັນ ແລ້ວນຳໄປຈັດຕັ້ງ ໃນພາກປະຕິບັດຕົວຈິງ.

ຈຸດປະສົງຂອງການຈັດຝຶກອົບຮົມຄັ້ງນີ້ ກໍ່ເພື່ອຍົກລະດັບຄວາມຮູ້ຄວາມສາມາດໃຫ້ພະນັກງານ-ລັດຖະກອນ ພາຍໃນຄະນະບໍລິຫານງານຊາວໜຸ່ມແຂວງ ໄດ້ຮັບຮູ້ເຂົ້າໃຈໃນການນຳໃຊ້ຄອມພິວເຕີ ແລະ ການຮ່າງເອກະສານທາງການ ໃຫ້ຖືກຕ້ອງຕາມຫຼັກການທີ່ກຳນົດ.

ໃນພິທິຍັງໄດ້ມອບໃບຢັ້ງຢືນໃຫ້ບຸກຄະລາກອນ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານ, ໃຫ້ກຽດມອບໂດຍ ສະຫາຍ ທະນູວັນ ວົງມະນີ.

• Facebook
• Twitter
• Line