ໃນວັນທີ 24 ສິງຫາ 2021 ຢູ່ຫ້ອງປະຊຸມລັດວິສາຫະກິດໄຟຟ້າລາວ ສາຂາແຂວງບໍລິຄໍາໄຊ ໄດ້ຈັດພິທີມອບ-ຮັບໃບຢັ້ງຢືນຊາວໜຸ່ມ 4 ບຸກ ຂຶ້ນ ໂດຍການເປັນປະທານຂອງ ສະຫາຍ ວິໄລພອນ ຈັນທະມີນາວົງ ຄະນະບໍລິຫານງານຊາວໜຸ່ມແຂວງ, ເລຂາຊາວໜຸ່ມຮາກຖານລັດວິສາຫະກິດໄຟຟ້າລາວ ສາຂາແຂວງບໍລິຄຳໄຊ, ເປັນກຽດເຂົ້າຮ່ວມພິທີໃນຄັ້ງນີ້ໂດຍ ສະຫາຍ ວັນນະສິນ ສອນວິໄລ ຮອງເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ, ສະຫາຍ ຕາ ພົງອາດີດ ວ່າການຫົວໜ້າລັດວິສາຫະກິດໄຟຟ້າລາວ ສາຂາ ແຂວງບໍລິຄຳໄຊ, ມີແຂກຖືກເຊີນ ພ້ອມດ້ວຍສະມາຊິກຊາວໜຸ່ມ ເຂົ້າຮ່ວມ.
ໃນພິທີ ສະຫາຍ ວິໄລພອນ ຈັນທະມີນາວົງ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປີ 2020 ແລະ ທິດທາງແຜນການປີ 2021 ວ່າ ໄລຍະຜ່ານມາ ພາຍໃຕ້ການນຳພາ-ຊີ້ນຳຂອງຄະນະພັກ, ຄະນະບໍລິຫານງານຊາວໜຸ່ມແຂວງ, ຊາວໜຸ່ມຮາກຖານລັດວິສາຫະກິດໄຟຟ້າລາວ ສາຂາ ແຂວງບໍລິຄຳໄຊ ປະຈຸບັນ ມີສະມາຊິກຊາວໜຸ່ມທັງໜົດ 63 ສະຫາຍ, ຍິງ 11 ສະຫາຍ, ມີ 4 ໜ່ວຍຂຶ້ນກັບ.
ຜ່ານການຈັດຕັ້ງປະຕິບັດຂໍ້ແຂ່ງຂັນ 4 ບຸກ ເຫັນວ່າຖືກຕ້ອງຕາມເງື່ອນໄຂ, ມາດຖານ ທີ່ສູນກາງຊາວໜຸ່ມ ປະຊາຊົນ ປະຕິວັດລາວວາງອອກ ເຊິ່ງສາມາດສະແດງອອກແຕ່ລະດ້ານ ດັ່ງນີ້: ດ້ານການເມືອງແນວຄິດ ໄດ້ 95,60%, ດ້ານຝຶກຝົນຫຼໍ່ຫຼອມຮໍ່າຮຽນບັນລຸໄດ້ 96,88%, ດ້ານການຈັດຕັ້ງ ບັນລຸໄດ້ 98,90% ແລະ ດ້ານວິຊາຊີບສ້າງວຽກເຮັດງານທຳ ບັນລຸ ໄດ້ 90,98%.
ເພື່ອເປັນການຢັ້ງຢືນ ເຖີງຜົນງານທີ່ຍາດມາໄດ້ນັ້ນ ສະຫາຍ ວັນນະສິນ ສອນວິໄລ ກໍໄດ້ເປັນກຽດມອບໃບຢັ້ງຢືນ 4 ບຸກ ໃຫ້ຊາວໜຸ່ມຮາກຖານລັດວິສາຫະກິດໄຟຟ້າລາວ ສາຂາ ແຂວງບໍລິຄຳໄຊ ພ້ອມມີຄຳເຫັນໂອ້ລົມ ເຊິ່ງກ່ອນອື່ນ ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຄະນະ ແລະ ສະມາຊິກຊາວໜຸ່ມຍາດມາໄດ້ໃນໄລຍະຜ່ານມາ ພ້ອມເນັ້ນໜັກໃຫ້ສະມາຊິກຊາວໜຸ່ມ ຈົ່ງເອົາໃຈໃສ່ຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ເປັນເຈົ້າການເຕົ້າໂຮມຄວາມສາມັກຄີ, ເພີ່ມທະວີການສ້າງຂະບວນການໃຫ້ຟົດຟື້ນ-ຕໍ່ເນື່ອງ ໂດຍຕິດພັນກັບໜ້າທີ່ວິຊາສະເພາະ ເປັນເສນາທິການທີ່ຫ້າວຫັນເຂັ້ມແຂງໃຫ້ແກ່ຄະນະພັກ ແລະ ຮັກສາມູນເຊື້ອນາມມະຍົດຊາວໜຸ່ມ 4 ບຸກໄວ້ໃຫ້ໝັ້ນຄົງຕະຫຼອດໄປ.
Users Today : 431
Users Yesterday : 494
This Month : 8272
This Year : 128309
Total Users : 514533
Who's Online : 10