ໃນຕອນເຊົ້າວັນທີ 20 ສິງຫາ 2021 ບ້ານໃຫຍ່ນໍ້າຢ້າງ, ເມືອງວຽງທອງ, ແຂວງບໍລິຄໍາໄຊ ໄດ້ຈັດພິທີປະກາດຮັບຮອງ ບ້ານໃຫຍ່ນໍ້າຢ້າງ ເປັນບ້ານພັດທະນາດ້ານແຮງງານ ແລະ ສະຫວັດດີການສັງຄົມ ຂື້ນຢູ່ຫ້ອງການບ້ານດັ່ງກ່າວ ໂດຍເປັນກຽດເຂົ້າຮ່ວມຂອງ ທ່ານ ບົວພັນ ອິນຄໍາມະວົງ ຮອງເຈົ້າເມືອງວຽງທອງ.
ບ້ານໃຫຍ່ນໍ້າຢ້າງ ປະກອບມີ 713 ຫຼັງຄາເຮືອນ, ມີຈໍານວນພົນທັງໝົດ 3.839 ຄົນ, ຍິງ1.889 ຄົນ, ແບ່ງອອກເປັນ 3 ຄຸ້ມ ຄື: ຄຸ້ມນໍ້າຢ້າງ, ຄຸ້ມນໍ້າງອມ ແລະ ຄຸ້ມຜາທອງ, ມີ 3 ຊົນເຜົ່າຢູ່ຮ່ວມກັນ ຄື: ເຜົ່າລາວໄຕ, ເຜົ່າມົ້ງ ແລະ ເຜົ່າຜ້ອງ.
ຜ່ານການປະເມີນຕົວຈິງ ຂອງຄະນະຮັບຜິດຊອບ ເຫັນວ່າ ບ້ານນໍ້າຢ້າງມີການປະຕິບັດໄດ້ຄົບຕາມ 3 ມາດຖານຂອງຄອບຄົວດ້ານແຮງງານສະຫວັດດີການສັງຄົມ ແລະ 6 ມາດຖານການປະເມີນບ້ານພັດທະນາດ້ານແຮງງານສະຫວັດດີການສັງຄົມ ທີກໍານົດໄວ້.
ຈຶ່ງໄດ້ມອບໃບຢັ້ງຢືນບ້ານພັດທະນາດ້ານແຮງງານ ແລະ ສະຫວັດດີການສັງຄົມ ໃຫ້ບ້ານ ແລະ ຄອບຄົວ ເພື່ອເປັນຫຼັກຖານ.
Users Today : 180
Users Yesterday : 1488
This Month : 1668
This Year : 74091
Total Users : 833543
Who's Online : 5