ກອງປະຊຸມປຶກສາຫາລືແລກປ່ຽນບົດຮຽນພາກທຸລະກິດລະຫວ່າງກຸ່ມລ້ຽງໝູ ແລະ ກຸ່ມຊື້ສັດ ຂາຍຊີ້ນ ຢູ່ພາຍໃນເມືອງປາກກະດິງ ແຂວງບໍລິຄຳໄຊ ໄດ້ຈັດຂື້ນໃນຕອນເຊົ້າວັນທີ 18 ສິງຫາ 2021 ຢູ່ທີ່ຫ້ອງປະຊຸມກຸ່ມເສດຖະກິດຂອງເມືອງ, ພາຍໃຕ້ການເປັນປະທານຂອງທ່ານ ພົງສະຫວັດ ຄຳສຸກຖາວົງ ຮອງເຈົ້າເມືອງປາກກະດິງ ຜູ້ຊີ້ນຳວຽກງານເສດຖະກິດຂັ້ນເມືອງ, ມີຫ້ອງການທີ່ກ່ຽວຂ້ອງຂັ້ນເມືອງ ແລະ ກຸ່ມລ້ຽງໝູ ພ້ອມດ້ວຍກຸ່ມຊື້ສັດ ຂາຍຊີ້ນ ພາຍໃນເມືອງ ເຂົ້າຮ່ວມ.
ໃນກອງປະຊູມ ໄດ້ເຜີຍແຜ່ເອກະສານກ່ຽວກັບວຽກງານອຸດສາຫະກຳ ແລະ ການຄ້າ ໂດຍສະເພາະແມ່ນ ຄຳແນະນຳ ເລກທີ0045/ອຄ.ກທຄວ ລົງວັນທີ 18 ມັງກອນ 2019 ວ່າດ້ວຍການອະນຸຍາດດຳເນີນທຸລະກິດ ໃນກິດຈະການຂະແໜງອຸດສາຫະກຳ ແລະ ການຄ້າ, ບົດແນະນຳຂອງກະຊວງອຸດສາຫະກຳ ແລະ ການຄ້າ ເລກທີ 1405/ອຄ.ຄພນ ລົງວັນທີ 11 ກໍລະກົດ 2012 ວ່າດ້ວຍການຈັດຕັ້ງປະຕິບັດດຳລັດ ເລກທີ 474/ນຍ ວ່າດ້ວຍການຄຸ້ມຄອງສິນຄ້າ ແລະ ຄ່າບໍລິການ. ພ້ອມທັງຜ່ານແຈ້ງການຂອງທ່ານເຈົ້້າເມືອງປາກກະດິງ ເລກທີ 406/ມປດ ລົງວັນທີ 15 ກໍລະກົດ 2021 ວ່າດ້ວຍລາຄາ ຊື້-ຂາຍ ຊີ້ນໝູຕາມຕະຫຼາດພາຍໃນເມືອງປາກກະດິງ ເພື່ອແນໃສ່ໃຫ້ການຈັດຕັ້ງປະຕິບັດກິດຈະກຳຂອງກຸ່ມລ້ຽງສັດ ແລະ ກຸ່ມຊື້ສັດ ຂາຍຊີ້ນ ພາຍໃນເມືອງມີຄວາມສອດຄ່ອງກັບລະບຽບກົດຫມາຍ ແລະ ສະພາບການບ້ານເມືອງໃນປະຈຸບັນ.
ພ້ອມດຽວກັນນີ້, ບັນດາທ່ານທີ່ເຂົ້າຮ່ວມກອງປະຊຸມຕ່າງກໍ່ໄດ້ປະກອບຄຳຄິດຄຳເຫັນປຶກສາຫາລືຮ່ວມກັນຢ່າງກົງໄປກົງມາ ແລະ ເປັນເອກະພາບກັນໃຫ້ກຸ່ມຊື້ສັດ ຂາຍຊີ້ນ ຮັບຊື້ໝູນຳກຸ່ມລ້ຽງໝູພາຍໃນເມືອງເທົ່ານັ້ນ, ຫ້າມນຳເຂົ້າມາຈາກຕ່າງປະເທດ ແລະ ຕ່າງແຂວງ-ຕ່າງເມືອງ ໂດຍມີພາກສ່ວນທີ່ກ່ຽວຂ້ອງຕິດຕາມຢ່າງໃກ້ຊິດ.
Users Today : 509
Users Yesterday : 494
This Month : 8350
This Year : 128387
Total Users : 514611
Who's Online : 37