ໃນຕອນເຊົ້າວັນທີ 12 ສິງຫາ 2021 ເມືອງວຽງທອງ ແຂວງບໍລິຄໍາໄຊ ໄດ້ຈັດກອງປະຊຸມເຜີຍແຜ່-ເຊື່ອມຊືມກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ໃຫ້ພະນັກງານຫຼັກແຫຼ່ງ ຊຸດທີ 1 ຂອງເມືຶອງ ຢູ່ຫ້ອງປະຊຸມຊັ້ນ III ຫ້ອງວ່າການເມືອງວຽງທອງ ພາຍໃຕ້ການເປັນປະທານຂອງ ສະຫາຍ ບຸນສົງ ເພັດຈະເລີນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ, ໂດຍການເຂົ້າຮ່ວມຂອງ ສະຫາຍ ພັອ ຄໍາແພນ ວິລືທໍາ ກໍາມະການພັກແຂວງ, ເລຂາພັກເມືອງ ເຈົ້າເມືອງວຽງທອງ , ມີຄະນະພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ເລຂາ, ຄະນະໜ່ວຍພັກທຸກຂົງເຂດ ເຂົ້າຮ່ວມ.
ກອງປະຊຸມ ໄດ້ຮັບຟັງການເຜີຍແຜ່-ເຊື່ອມຊືມລະບຽບພັກ ສະໄໝທີ XI ຈາກ ສະຫາຍ ບຸນສົງ ເພັດຈະເລີນ ຄະນະປະຈໍາພັກແຂວງ ຫົວໜ້າຄະນະຈັດຕັ້ງແຂວງ ໂດຍສະຫາຍໄດ້ອະທິບາຍ ແລະ ຍົກໃຫ້ເຫັນເນື້ອໃນແຕ່ລະໝວດແຕ່ລະມາດຕາໃຫ້ຈະແຈ້ງ ເພື່ອເຮັດໃຫ້ຄະນະພັກທຸກຂັ້ນ, ສະມາຊິກພັກກໍາແໜ້ນ ຮັບຮູ້ເຂົ້າໃຈເລີກເຊິ່ງ ແລະ ເປັນເຈົ້າການເຄົາລົບປະຕິບັດກົດລະບຽບພັກປະຊາຊົນປະຕິວັດລາວຢ່າງຄົບຖ້ວນ, ເຂັ້ມງວດ ແລະ ເອກະພາບໃນທົ່ວພັກ ກົດລະບຽບພັກ ສະໄໝທີ XI ປະກອບມີ 15 ໝວດ, 64 ມາດຕາ.
ຈາກນັ້ນ ສະຫາຍ ພັອ ຄໍາແພນ ວິລືທໍາ ໄດ້ເຜີຍແຜ່-ເຊື່ອມຊຶມຄໍາສັ່ງ ເລກທີ 01 /ກມສພ ວ່າດ້ວຍເພີ່ມທະວີການນໍາພາຊີ້ນໍາຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກດ້ານເສດ ຖະກິດ-ການເງີນ ແລະ ຄໍາສັ່ງ ເລກທີ 02 /ກມສພ ລົງວັນທີ 26 ກໍລະກົດ 2021 ວ່າດ້ວຍເພີ່ມທະວີການນໍາພາຊີ້ນໍາຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ.
Users Today : 510
Users Yesterday : 494
This Month : 8351
This Year : 128388
Total Users : 514612
Who's Online : 38