ອຸດສາຫະກໍາ ແລະ ການຄ້າແຂວງ ຫວນຄືນມູນເຊື້ອ ວັນລັດຖະທຳມະນູນ

ໃນວັນທີ 6 ສິງຫາ 2021 ຢູ່ຫ້ອງປະຊຸມຂອງຕົນ, ພະແນກອຸດສາຫະກໍາ ແລະ ການຄ້າແຂວງບໍລິຄຳໄຊ ໄດ້ຈັດພິທີປາຖະກະຖາວັນສ້າງຕັ້ງລັດຖະທຳມະນູນ ຄົບຮອບ 30 ປີ ( 15 ສິງຫາ 1991 – 15 ສິງຫາ 2021 ) ເຂົ້າຮ່ວມ ແລະ ຫວນຄືນມູນເຊື້ອໂດຍ ທ່ານ ໄກສອນ ຈັນສີນາ ເລຂາຄະນະພັກຮາກຖານ ຫົວໜ້າພະແນກອຸດສາຫະກໍາ ແລະ ການຄ້າແຂວງບໍລິຄຳໄຊ, ມີຄະນະພັກ, ຄະນະພະແນກ, ສະມາຊິກພັກ ແລະ ພະນັກງານລັດຖະກອນ ເຂົ້າຮ່ວມ.

ພາຍຫຼັງທີ່ປະເທດຊາດໄດ້ຮັບການປົດປ່ອຍຢ່າງສົມບູນ ໄລຍະທຳອິດ ເປັນໄລຍະຮຳບາດແຜຈາກສົງຄາມ, ເຕົ້າໂຮມສາມັກຄີອັນເປັນປຶກແຜ່ນ ແລະ ວຽກງານປອງດອງຊາດ.

ຮອດປີ 1986 ພັກໄດ້ວາງແນວທາງປ່ຽນແປງໃໝ່ຮອບດ້ານ ໂດຍໄດ້ຫັນການຄຸ້ມຄອງລັດ, ຄຸ້ມຄອງເສດຖະກິດສັງຄົມ ໄປສູ່ລັດຖະທຳມະນູນ ແລະ ກົດໝາຍຢ່າງເປັນເອກະພາບໃນຂອບເຂດທົົ່ວປະເທດ.

ສະນັັ້ນ, ສະພາປະຊາຊົນສູງສຸດ ຊຸດທີ II ຈຶ່ງໄດ້ພິຈາລະນາ, ຮັບຮອງເອົາລັດຖະທຳມະນູນສະບັບທຳອິດ ຢູ່ໃນກອງປະຊຸມສະໄໝສາມັນ ເທື່ອທີ 6 ໃນຄັັ້ງວັນທີ 14 ສິງຫາ ປີ 1991 ແລະ ປະທານປະເທດ ໄດ້ອອກລັດຖະດຳລັດປະກາດໃຊ້ ໃນວັນທີ 15 ສິງຫາ ປີ 1991, ປະກອບມີ 10 ໝວດ, 80 ມາດຕາ.

ເພື່ອຈັດຕັັ້ງຜັນຂະຫຍາຍ ແນວທາງປ່ຽນແປງໃໝ່ຂອງພັກ ສະພາແຫ່ງຊາດ ຊຸດທີ V ໄດ້ພິຈາລະນາ ແລະ ຮັບຮອງເອົາ ລັດຖະທຳມະນູນສະບັບປັບປຸງ ແລະ ຖືກປະກາດໃຊ້ ໃນວັນທີ 28 ພຶດສະພາ 2003, ປະກອບມີ 11 ໝວດ 98 ມາດຕາ ແລະ ເພື່ອຜັນຂະຫຍາຍມະຕິກອງປະຊຸມ ໃຫຍ່ຄັັ້ງທີ IX ຂອງພັກ ໃຫ້ເຂົ້າສູ່ວຽກງານຕົວຈິງ ເປັນຕົ້ນ ການປັບປຸງລະບົບອຳນາດແຫ່ງລັດ ແຕ່ສູນກາງລົງຮອດທ້ອງຖິ່ນ ໃຫ້ມີປະສິດທິພາບສູງ, ມີຄວາມເໝາະສົມກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ, ສ້າງບາດລ້ຽວໃໝ່ໃຫ້ແກ່ການປົກປັກຮັກສາ ແລະ ສ້າງສາປະເທດຊາດ ແລະ ການເຊື່ອມໂຍງກັບພາກພື້ນ ແລະ ສາກົນ ໃນໄລຍະໃໝ່ ສະພາແຫ່ງຊາດໄດ້ພິຈາລະນາ ແລະ ຮັບຮອງເອົາ ລັດຖະທຳມະນູນສະບັບປັບປຸງ ປີ 2015 ທີ່ປະກອບມີ 14 ໝວດ 119 ມາດຕາ.

ຫຼັງຈາກນັ້ນ, ຍັງໄດ້ຮັບຟັງການເຜີຍແຜ່ – ເຊື່ອມຊຶມ ບົດແນະນໍາຂອງຄະນະກວດກາສູນກາງພັກ ວ່າດ້ວຍການຈັດຕັ້ງປະຕິບັດ ກົດລະບຽບຂອງພັກ ສະໄໝທີ XI ກ່ຽວກັບວຽກງານຕິດຕາມ, ກວດກາຂອງພັກ, ຄະນະກວດກາພັກ ແລະ ຄະນະວິໄນ ຂອງພັກແຕ່ລະຂັ້ນ, ພ້ອມກັນນັ້ນ ຍັງໄດ້ມີການປະປາດແຕ່ງຕັ້ງ, ຊັບຊ້ອນ ພະນັກງານ-ລັດຖະກອນພາຍໃນພະແນກ.

• Facebook
• Twitter
• Line