ກອງປະຊຸມເປີດກວ້າງຄົບຄະນະບໍລິຫານງານພັກເມືອງ ວຽງທອງ ແຂວງບໍລິຄຳໄຊ ຄັ້ງທີ 5 ສະໄໝທີ VII ໄດ້ໄຂຂື້ນໃນຕອນເຊົ້າຂອງ ວັນທີ 29 ກໍລະກົດ 2021 ແລະ ໄດ້ສໍາເລັດລົງຢ່າງເປັນທາງການໃນຕອນບ່າຍຂອງ ວັນທີ 30 ກໍລະກົດ 2021 ຢູ່ຫ້ອງປະຊຸມຊັ້ນ III ຫ້ອງວ່າການເມືອງວຽງທອງ, ແຂວງບໍລິຄຳໄຊ ພາຍໃຕ້ການເປັນປະທານຂອງ ສະຫາຍ ພັອ ຄໍາແພນ ວິລື້ທໍາ ກໍາມະການພັກແຂວງ, ເລຂາພັກເມືອງ, ເຈົ້າເມືອງວຽງທອງ, ໃຫ້ກຽດເຂົ້າຮ່ວມໂດຍທ່ານ ບຸນສົງ ເພັດຈະເລີນ ຄະນະປະຈໍາພັກແຂວງ, ຫົວໜ້າຄະນະຈັດຕັ້ງແຂວງ, ມີຄະນະປະຈໍາພັກເມືອງ, ກຳມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກ, ເລຂາພັກບ້ານ, ແຂກຖືກເຊີນເຂົ້າຮ່ວມ.
ກອງປະຊຸມຜູ້ເຂົ້າຮ່ວມໄດ້ຮັບຟັງການເຜີຍແຜ່ເຊື່ອມຊືມນິຕິກໍາຕ່າງໆຂອງຂັ້ນເທິງ ແລະ ຮັບຟັງການສະຫຼຸບຕີລາຄາຄືນການປະຕິບັດວຽກງານຮອບດ້ານໄລຍະ 6 ເດືອນຕົ້ນປີ ແລະ ວາງທິດທາງແຜນການທ້າຍປີ 2021.
ໄດ້ຮັບຮອງເອົາຜົນສໍາເລັດການຈັດຕັ້ງປະຕິບັັດວຽກງານຮອບດ້ານຂອງເມືອງໃນ 6 ເດືອນຕົ້ນປີ 2021, ສືບຕໍ່ເສີມຂະຫຍາຍຜົນສໍາເລັດ ແລະ ປັບປຸງແກ້ໄຂຈຸດອ່ອນ-ຂໍ້ຄົງຄ້າງໃນໄລຍະຜ່ານມາ ເພື່ອເຮັດໃຫ້ເມືອງວຽງທອງມີຄວາມສະຫງົບ, ປະຊາຊົນບັນດາເຜົ່າມີຄວາມອຸ່ນອ່ຽນທຸ່ນທ່ຽງມີຄວາມເຊື່ອໝັ້ນຕໍ່ການນໍາພາຂອງພັກ, ເອົາໃຈໃສ່ພັດທະນາຊີວິດການເປັນຢູ່ໃຫ້ນັບມື້ນັບດີຂຶ້ນ.
ກອງປະຊຸມໄດ້ຕີລາຄາທາບທາມບຸກຄະລິກກະພາບຂອງຂອງຄະນະພັກ. ຈາກນັ້ນ ແຕ່ລະຂົງເຂດ ແລະ ບ້ານ ໄດ້ຜັດປ່ຽນກັນປະກອບຄໍາຄິດ-ຄໍາເຫັນໃສ່ບົດສະຫຼຸບ, ທິດທາງແຜນການ ແລະ ວິທີແກ້ໄຂຂໍ້ຄົງຄ້າງຕ່າງໆເພື່ອຄວາມເປັນເອກພາບແລ້ວນໍາໄປຈັດຕັ້ງປະຕິບັດ.
Users Today : 543
Users Yesterday : 494
This Month : 8384
This Year : 128421
Total Users : 514645
Who's Online : 40