ການສັກວັກຊີນກັນພະຍາດໂຄວິດ-19 ແມ່ນວຽກງານໜຶ່ງທີ່ສໍາຄັນ ແລະ ໄດ້ຮັບຄວາມເອົາໃຈໃສ່ສູງ ເພື່ອສະກັດກັ້ນ ແລະ ປ້ອງກັນພະຍາດໂຄວິດ-19 ທ່ານ ດຣ ຟອງສາລີ ຫຼວງມີໄຊ ຮອງຫົວໜ້າພະແນກສາທາລະນະສຸກແຂວງ ໄດ້ລາຍງານກອງປະຊຸມວຽກງານອົງການປົກຄອງແຂວງ ເປີດກວ້າງ ປະຈຳ 6 ເດືອນຕົ້ນປີ ແລະ ແຜນການຈຸດສຸມ 6 ເດືອນທ້າຍປີ 2021 ທີ່ໄດ້ຈັດຂຶ້ນໃນວັນທີ 30 ກໍລະກົດ 2021 ຢູ່ຫ້ອງວ່າການແຂວງບໍລິຄໍາໄຊ.
ແຂວງບໍລິຄຳໄຊ ມີສູນຈຳກັດບໍລິເວັນ 12 ສູນ, ມີຜູ້ຈຳກັດບໍລິເວັນສະສົມ 2.349 ຄົນ, ຮອດປະຈຸບັນ ຍັງມີຜູ້ສືບຕໍ່ກັກບໍລິເວັນທັງໝົດ 304 ຄົນ, ທົ່ວແຂວງ ໄດ້ສັກວັກຊີນກັນພະຍາດໂຄວິດ-19 ເຂັມທີ 1 ແມ່ນ 33.695 ໂດສ໌ ແລະ ສັກຄົບ 2 ເຂັມ 29.249 ໂດສ໌, ລວມທັງໝົດ 62.944 ໂດສ໌ ເທົ່າກັບ 40,42% ຂອງປະຊາກອນກຸ່ມເປົ້າໝາຍໃນທົ່ວແຂວງ (ອາຍຸ 18 ປີຂຶ້ນໄປ).
ທ່ານ ດຣ ຟອງສາລີ ຫຼວງມີໄຊ ຍັງໄດ້ລາຍງານຕື່ມອີກວ່າ ແຂວງບໍລິຄໍາໄຊ ຍັງໄດ້ຮັບວັກຊີນກັນໂຄວິດ-19 ຊະນິດສັກເຂັມດຽວ ຢີ່ຫໍ້ ຈອນສັນ ແອນ ຈອນສັນ ຈໍານວນ 46.800 ໂດສ໌, ໂດຍຈະໄດ້ແຈກຢາຍສັກວັກຊີນດັ່ງກ່າວ ໃຫ້ບັນດາເມືອງ, ຄາດວ່າຈະໄດ້ເລີ່ມສັກວັກຊີນ ໃຫ້ກຸ່ມທີ່ມີຄວາມສ່ຽງສູງ ແລະ ກຸ່ມເປົ້າໝາຍຕ່າງໆ ໃນຕົ້ນເດືອນສິງຫາ 2021 ນີ້.
Users Today : 39
Users Yesterday : 409
This Month : 10302
This Year : 130339
Total Users : 516563
Who's Online : 22