ພິທີປະກາດ ການປ່ຽນຊື່ພະແນກໄປສະນີ ໂທລະຄົມມະນາຄົມ ແລະ ການສື່ສານ ມາເປັນພະແນກ ເຕັກໂນໂລຊີ ແລະ ການສື່ສານ ພ້ອມປະກາດແຕ່ງຕັ້ງ ຫົວໜ້າ-ຮອງຫົວໜ້າພະແນກດັ່ງກ່າວ ໄດ້ຈັດຂຶ້ນໃນຕອນເຊົ້າ ວັນທີ 23 ກໍລະກົດ 2021 ຢູ່ຫ້ອງປະຊຸມຫ້ອງວ່າການແຂວງ ໂດຍການເຂົ້າຮ່ວມຂອງທ່ານ ວັນວິໄລ ແດນພູຫຼວງ ຮອງເລຂາພັກແຂວງ ຜູ້ຊີ້ນໍາວຍກງານພັກ-ພະນັກງານ, ມີບັນດາຕາງໜ້າພະແນກການທີກ່ຽວຂ້ອງຂັ້ນແຂວງ-ເມືອງ, ພະນັກງານທີ່ກ່ຽວຂ້ອງ ເຂົ້າຮ່ວມ.
ອີງຕາມກົດໝາຍວ່າດ້ວຍການປົກຄອງທ້ອງຖິ່ນ ສະບັບເລກທີ 68 ລົງວັນທີ 14 ທັນວາ 2015 ໝວດທີ 3 ມາດຕາ 11, ອີງຕາມກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ 9 ວ່າດ້ວຍການຮັບຮອງເອົາໂຄງປະກອບກົງຈັກລັດຖະບານ ແລະ ສະມາຊິກລັດຖະບານ ສະບັບເລກທີ 9 ລົງວັນທີ 22 ມີນາ 2021, ອີງຕາມ ມະຕິຄະນະປະຈໍາສະພາປະຊາຊົນແຂວງບໍລິຄໍາໄຊ ວ່າດ້ວຍການຮັບເອົາ ການຍຸບເລິກ ປ່ຽນຊື່ພະແນກ, ຍົກຍ້າຍ ແລະ ແຕ່ງຕັ້ງຫົວໜ້າພະແນກຂອງແຂວງ ແລະ ຂໍ້ຕົກລົງຂອງທ່ານ ເຈົ້າແຂວງ ບໍລິຄໍາໄຊ ສະບັບເລກທີ 518 ລົງວັນທີ 22 ກໍລະກົດ 2021 ວ່າດ້ວຍການ ປ່ຽນຊື່ ພະແນກໄປສະນີ ໂທລະຄົມມະນາຄົມ ແລະ ການສືສານ ມາເປັນ ພະແນກ ເຕັກໂນໂລຊີ ແລະ ການສື່ສານ.
ກອງປະຊຸມຍັງໄດ້ຮັບຟັງການຂຶ້ນຜ່ານຂໍ້ຕົກລົງຂອງທ່ານ ເຈົ້າແຂວງ ບໍລິຄໍາໄຊ ສະບັບເລກທີ 465 ແລະ 466 ວ່າດ້ວຍການແຕ່ງຕັ້ງ ຫົວໜ້າ ແລະ ຮອງຫົວໜ້າພະແນກ ເຕັກໂນໂລຊີ ແລະ ການສື່ສານ, ໂດຍອີງຕາມມະຕິຕົກລົງຂອງກົມການເມືອງສູນກາງພັກ ສະບັບເລກທີ 06 ລົງວັນທີ 25 ກຸມພາ 2021 ວ່າດ້ວຍການຍຸບເລີກ ກະຊວງ ວິທະຍາສາດ ແລະ ເຕັກໂນໂລຊີ, ເຈົ້າແຂວງ ບໍລິຄໍາໄຊ ຕົກລົງ ແຕ່ງຕັ້ງ ທ່ານ ລັງສີ ແກ້ວວິເສດ ເປັນຫົວໜ້າ ພະແນກ ເຕັກໂນໂລຊີ ແລະ ການສື່ສານແຂວງບໍລິຄໍາໄຊ ແລະ ເຫັນດີແຕ່ງຕັ້ງ ຮອງຫົວໜ້າພະແນກ ຈໍານວນ 3 ທ່ານ ຄື ທ່ານ ປິ່ນທອງແກ້ວ ສິງຫາກ້ອນຄໍາ, ທ່ານ ວັດທະນາ ໄຊຍະແສງ ແລະ ທ່ານ ວັດທະນາ ສີສຸວັງທອງ ເປັນຮອງຫົົວໜ້າ ພະແນກ ເຕັກໂນໂລຊີ ແລະ ການສື່ສານແຂວງບໍລິຄໍາໄຊ.
Users Today : 528
Users Yesterday : 494
This Month : 8369
This Year : 128406
Total Users : 514630
Who's Online : 38