ໃນຕອນເຊົ້າຂອງວັນທີ 14 ກໍລະກົດ 2021 ຢູ່ທີ່ສະໂມສອນຂອງຫ້ອງວ່າການເມືອງໄຊຈຳພອນ ແຂວງບໍລິຄຳໄຊ ໄດ້ຈັດກອງປະຊຸມເຊື່ອມຊຶມຜັນຂະຫຍາຍ ມະຕິ 25 / ກມສພ ວ່າການການເພີ່ມທະວີ ການນໍາພາຂອງພັກ ຕໍ່ວຽກງານວັດທະນະທຳ ໃນໄລຍະໃໝ່ ຊຸດທີ I ໃນຮອບທີ 2 ໂດຍການເປັນປະທານ ຂອງທ່ານ ສ້ອຍມະນີ ຈັນເນັ່ງປາວ ຮອງເລຂາພັກເມືອງ ປະທານກວດກາພັກ-ລັດເມືອງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫ້ອງການ ພ້ອມດ້ວຍພະນັກງານລັດຖະກອນທົ່ວເມືອງ ເຂົ້າຮ່ວມ.
ໃນກອງປະຊຸມ ທ່ານປະທານ ໄດ້ຜ່ານມະຕິວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນະທຳໃນໄລຍະໃໝ່ ຊື່ງຕະຫຼອດໄລຍະແຫ່ງການຈັດຕັ້ງຜັນຂະຫຍາຍແນວທາງປ່ຽນແປງໃໝ່ ທຸກອົງການຈັດຕັ້ງພັກ-ລັດ ແນວລາວສ້າງຊາດ ແລະ ບັນດາອົງການຈັດຕັ້ງມະຫາຊົນ ໄດ້ນຳເອົາເນື້ອໃນຈິດໃຈ, ບັນດາມະຕິຂອງພັກ ມາຄົ້ນຄວ້າປຶກສາຫາລື ແລະ ຫັນເປັນອັນລະອຽດ ສ້າງເປັນປື້ມຄູ່ມື ສຳລັບຊຸດຝຶກອົບຮົມ ຕາມຫົວຂໍ້ສະເພາະ ສອດຄ່ອງກັບຄວາມຮັບຜິດຊອບຂອງຕົນ ໃຫ້ແຕ່ລະເປົ້າໝາຍ ທັງດຳເນີນການຝຶກອົບຮົມ ນຳພາຈັດຕັ້ງປະຕິບັດ ຢ່າງປົກກະຕິ ຈາກນັ້ນເຄື່ອນໄຫວຢ່າງຕັ້ງໜ້າ ໃນຂົງເຂດການເມືອງແນວຄິດ ຈຶ່ງເຮັດໃຫ້ທັນແຖວພະນັກງານ, ສະມາຊິກພັກ ແລະ ປະຊາຊົນບັນດາເຜົ່າ, ມີຄວາມຮັບຮູ້ແນວທາງເຂົ້າໃຈນະໂຍບາຍຂອງພັກ, ລະບຽບກົດໝາຍຂອງລັດ ແລະ ແຜນພັດທະນາເສດຖະກິດສັງຄົມ ຂອງລັດ ໃນແຕ່ລະໄລຍະ ທັງເປັນເຈົ້າການເຂົ້າຮ່ວມພາລະກິດປົກປັກຮັກສາ ແລະ ສ້າງສາປະເທດຊາດຂອງພວກເຮົາ ໃຫ້ມີສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ ເສດຖະກິດມີການຂະຫຍາຍຕົວ, ວັດທະນະທຳອັນດີງາມຂອງຊາດຂອງເຜົ່າ ໄດ້ຮັບການປັບປຸງດີຂື້ນເປັນກ້າວໆ.
ກອງປະຊຸມ ຍັງໄດ້ເຜີຍແຜ່ ມະຕິ 312/ ຄປພ ຂບຊ ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່ ທີ່ເປັນໜ້າທີ່ສຳຄັນພື້ນຖານ, ເປັນວຽກກົກ ເປັນວຽກທີ່ຕ້ອງເຮັດກ່ອນ ເຮັດເປັນປະຈຳ ແລະ ສອດຫ້ອຍໄປທຸກຂົງເຂດວຽກງານຂອງພັກ-ລັດ ໂດຍສະເພາະແມ່ນພະນັກງານສະມາຊິກພັກ, ອຳນາດການປົກຄອງ, ເຈົ້າກົກເຈົ້າເຫລົ່າ ຕະຫຼອດຮອດປະຊາຊົນບັນດາເຜົ່າ.
ທ່ານປະທານ ຍັງໄດ້ຮຽກຮ້ອງຄະນະພັກແຕ່ລະຂັ້ນ ຕ້ອງຈັດຕັ້ງການຄົ້ນຄວ້າເຜີຍແຜ່ເຊື່ອມຊຶມ ເນື້ອໃນຂອງມະຕິໃຫ້ເລິກເຊີ່ງ ກ້ວາງຂວາງ ພ້ອມທັງຫັນເປັນແຜນການອັນລະອຽດປະກອບສ່ວນ ເຂົ້າໃນການຟື້ນຟູ ອານຸລັກພັດທະນາ ແລະ ສົ່ງເສີມວັດທະນະທຳລາວ ຕາມບົດບາດຄວາມຮັບຜິດຊອບຂອງຕົນ.
Users Today : 670
Users Yesterday : 494
This Month : 8511
This Year : 128548
Total Users : 514772
Who's Online : 36