ໃນວັນທີ 1 ກໍລະກົດ 2021 ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄໍາໄຊ ປະທານປ້ອງກັນຊາດ-ປ້ອງກັນຄວາມສະຫງົບແຂວງ ພ້ອມດ້ວຍຄະນະ ໄດ້ລົງພົບປະຢ້ຽມຢາມໂອ້ລົມ ນາຍ ແລະ ພົນທະຫານ ກອງຮ້ອຍຊາຍແດນ 252.
ໂອກາດດັ່ງກ່າວ ທ່ານ ພັນຕີ ຄໍາພູ ທອງວິໄລ ຫົວໜ້າການທະຫານ ກອງຮ້ອຍຊາຍແດນ 252 ຕ່າງໜ້າໃຫ້ກັບ ຄະນະພັກຄະນະບັນຊາ ໄດ້ຂຶ້ນລາຍງານສະພາບລວມໂດຍຫຍໍ້ ໃນການຈັດຕັ້ງປະຕິບັດວຽກງານພາຍໃນກົມກອງຂອງຕົນໃນໄລຍະຜ່ານມາ ວ່າ ກອງຮ້ອຍຊາຍແດນ 252 ແມ່ນມີພາລະບົດບາດໜ້າທີ່ ໃນການປົກປ້ອງເຂດແດນບໍລິເວນຊາຍແດນລາວ-ຫວຽດນາມ ລວມທັງໝົດ 120 ກິໂລແມັດ, ມີ 31 ຫຼັກໝາຍ ນັບແຕ່ຫຼັກໝາຍທີ 439 ຫາ ຫຼັກໝາຍ 469.
ຕະຫຼອດໄລຍະຜ່ານມາຄະນະພັກ-ຄະນະບັນຊາ, ພະນັກງານ-ນັກຮົບ ໄດ້ສຸມສະຕີປັນຍາແບ່ງໜ້າທີ່ຄວາມຮັບຜິດຊອບໃຫ້ກັບນາຍ ແລະ ພົນທະຫານແຕ່ລະສະຫາຍ ເພື່ອເກັບກໍາສະພາບການແບບມູນເຊື້ອທີ່ເຄີຍຈັດຕັ້ງປະຕິບັດຕະຫຼອດໄລຍະຜ່ານມາ ແລະ ຈັດຕັ້ງລະບົບປະຈໍາການກຽມພ້ອມສູ້ຮົບຢ່າງຕໍ່ເນື່ອງ ແລະ ເປັນລະບົບຄົບຊຸດ, ຜ່ານການຈັດຕັ້ງປະຕິບັດວຽກງານວິຊາສະເພາະຕົວຈິງ ສາມາດເຄື່ອນໄຫວຕ້ານການຄ້າ-ຂາຍຢາເສບຕິດ, ການຄ້າຂາຍເຖື່ອນ ແລະ ການເຄື່ອນໄຫວບໍ່ຖືກຕ້ອງຕາມຊາຍແດນ.
ໂອກາດດັ່ງກ່າວ ທ່ານເຈົ້າແຂວງ ໄດ້ສະແດງຄວາມຍ້ອງຍໍ-ຊົມເຊີຍ ມາຍັງຄະນະພັກ-ຄະນະບັນຊາ, ນາຍ ແລະ ພົນທະຫານແຕ່ລະສະຫາຍ ທີ່ໄດ້ເອົາໃຈໃສ່ເຮັດລ້ອນໜ້າທີ່ ຈັດຕັ້ງປະຕິບັດວຽກງານ ຢ່າງມີຜົນສໍາເລັດຕາມຂັ້ນເທິງມອບໝາຍ.
ພ້ອມດຽວກັນນັ້ນ ທ່ານຍັງໄດ້ຮຽກຮ້ອງໃຫ້ ຄະນະພັກ-ຄະນະບັນຊາ ພາຍໃນກົມກອງຈົງໄດ້ເອົາໃຈໃສ່ສືບຕໍ່ເພີ່ມທະວີ ເອົາໃຈໃສ່ຄວາມສາມັກຄີພາຍໃນໃຫ້ມີຄວາມໜັກແໜ້ນ ແລະ ເຂັ້ມແຂງ, ຕໍ່ຕ້ານອິດທີກໍາລັງປໍລະປັກ ແລະ ເລລ່ຽມກົນອຸບາຍຂອງສັດຕູກຸ່ມຄົນບໍ່ຫວັງດີ ທີ່ເຂົ້າມາເຄື່ອນໄຫວ ໃນຂອບເຂດ ບໍລິເວນດັ່ງກ່າວ.
ຕໍ່ຈາກນັ້ນ ເຈົ້າແຂວງພ້ອມດ້ວຍຄະນະ ໄດ້ລົງກວດໂຄງການກໍ່ສ້າງດ່ານປະເພນີນໍ້າອ້ອນ ແລະ ລົງພົບປະຢ້ຽມຢາມພໍ່ແມ່ປະຊາຊົນ ບ້ານສົບເຕິງ ເພຶ່ອເປັນການຢ້ຽມຢາມຖາມຂ່າວ ໃນວີຖີການດໍາລົງຊີວິດຂອງພໍ່ແມ່ປະຊາຊົນ, ສຸກສາລາຂອງບ້ານ ສົບເຕິງ ທີ່ລັດຖະບານ ສສ ຫວຽດນາມ ໄດ້ໃຫ້ທຶນ ເຂົ້າໃນການປຸກສ້າງໃນໄລຍະຜ່ານມາ.
Users Today : 694
Users Yesterday : 494
This Month : 8535
This Year : 128572
Total Users : 514796
Who's Online : 40