ໃນວັນທີ 8 ມິຖຸນາ 2021 ຢູ່ຫ້ອງປະຊຸມຫ້ອງວ່າການເມືອງວຽງທອງ ແຂວງບໍລິຄຳໄຊທ່ານ ວັນວິໄລ ແດນພູຫຼວງ ຮອງເລຂາຄະນະບໍລິຫານງານພັກແຂວງ ຜູ້ຊີ້ນຳວຽກງານການເມືອງ-ແນວຄິດ ພ້ອມດ້ວຍຄະນະ ໄດ້ລົງຊຸກຍູ້, ຕິດຕາມ ວຽກງານກໍ່ສ້ງຮາຖານການເມືອງ ພັດທະຊົດນະບົດຮອບດ້ານ ແລະ ວຽກງານ 3 ສ້າງ ຢູ່ເມືອງວຽງທອງ ໂດຍມີຄະນະຊີ້ນຳ, ຊຸຸກຍູ້ວຽກງານຂັ້ນເມືອງເຂົ້າຮ່ວມ.
ທ່ານ ຄຳມອນ ໄຊພູມມີ ຮອງເລຂາພັກເມືອງ ຫົວໜ້າຄະນະຮັບຜິດຊອບຊີ້ນຳວຽກງານກໍ່ສ້າງຮາການການເມືອງພັດທະຊົດນະບົດຮອບດ້ານ ແລະ ວຽກງານ 3 ສ້າງຂັ້ນເມືອງ ໄດ້ລາຍງານສະພາບໂດຍລວມ ໃນການນຳພາ-ຊີ້ນຳວຽກງານຕະຫຼອດໄລຍະ 5 ເດືອນປະຈຳປີ 2021 ຜ່ານມາ ວ່າ: ເມືອງວຽງທອງປະກອບມີ 34 ບ້ານ, ມີ 6 ກູ່ມບ້ານ, 5.062 ຄອບຄົວ, 32.035 ຄົນ, ຍິງ 15.573 ຄົນ, ອາຊີບຕົ້ນຕໍຂອງປະຊາຊົນ ແມ່ນຜະລິດກະສິກຳ, ປູກຝັງ, ລ້ຽງສັດ ແລະ ປະກອບອາຊີບຄ້າຂາຍ.
ໄດ້ແບ່ງຄວາມຮັບຜິດຊອບ ໃຫ້ຄະນະປະຈໍາລົງຊີ້ນໍາແຕ່ລະກຸ່ມບ້ານ, ມີພະນັກງານລົງກໍ່ສ້າງຮາກຖານການເມືອງ ປະຈຳກຸ່ມບ້ານລະ 3-5 ສະຫາຍ. ນອກນັ້ນກໍ່ຍັງມີກອງກໍ່ສ້າງຮາກຖານ 215 ( ກອງບັນຊາການທະຫານແຂວງ ) ປະຈໍາບ້ານຈອມທອງ, ກອງກໍ່ສ້າງຮາກຖານ 921 ( ກະຊວງປ້ອງກັນຄວາມສະຫງົບ ) ປະຈໍາຢູ່ກຸ່ມບ້ານທອງມີໄຊ, ພະນັກງານລົງກໍ່ສ້າງຮາກຖານການເມືອງປະຈຳບ້ານຫຼໍ່ແຫຼມ ບ້ານຜາບໍ່, ນາໂທ, ວັງພຽງ ແລະ ຈຸດສຸມໃຈກາງ ບ້ານຜາຂອດ, ຄະນະຮັບຜິດຊອບກຸ່ມບ້ານ ແລະ ເຂດຈຸດສູມໃຈກາງ ໄດ້ນຳເອົາບັນດາຄຳສັ່ງ, ນິຕິກຳຂອງຂັ້ນເທິງ ລົງເຜີຍແຜ່ໃຫ້ປະຊາຊົນໄດ້ຮັບຮູ້ເຂົ້າໃຈ ຕໍ່ແຜນພັດທະນາເສດຖະກິດ-ສັຄົມໃນແຕ່ລະໄລຍະ.
ມາຮອດປະຈຸບັນ ທົ່ວເມືອງ ມີບ້ານພົ້ນທຸກ 16 ບ້ານ ເທົ່າກັບ 47%, ບ້ານທຸກຍາກ 18 ບ້ານ ເທົ່າກັບ 53%, ຄອບຄົວພົ້ນທຸກ 3.838 ຄອບຄົວ ເທົ່າກັບ 75,82% ເພີ່ມຂື້ນ 21 ຄອບຄົວ, ຄອບຄົວທຸກຍາກ 1.224 ຄອບຄົວ ເທົາກັບ 24,18%, ມີບ້ານພັດທະນາ 7 ບ້ານ ເທົ່າກັບ 20,59% ຄອບຄົວພັດທະນາ 3.179 ຄອບຄົວ ເທົາກັບ 62,80% ເພີ່ມຂື້ນ 15 ຄອບຄົວ.
ໄດ້ສຸມໃສ່ວຽກງານປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໂດຍເລັ່ງໃສ່ວຽກງານໂຄສະນາໃຫ້ພໍ່ແມ່ປະຊາຊົນຮູ້ວິທີການປ້ອງກັນ, ຈໍາກັດການເຂົ້າອອກ, ກັກກັນຄົນທີ່ມາຈາກຕ່າງປະເທດ ແລະ ມາແຕ່ຕ່າງແຂວງທີ່ມີຄວາມສ່ຽງ, ຊຸກຍູ້, ຕິດຕາມ, ກວດກາບັນດາບ້ານທີ່ບໍ່ບັນລຸມາດຖານຂອງດໍາລັບ 348/ລບ ແລະ ຊຸກຍູ້ບ້ານເປົ້າໝາຍ ສ້າງບ້ານພັດທະນາໃໝ່ 3 ບ້ານ ຄື: ບ້ານກົກຂາມ, ບ້ານວັງຫີນ, ບ້ານທ່າແພ. ບ້ານພົ້ນທຸກ 3 ບ້ານ ຄື: ບ້ານຜາບໍ່, ບ້ານມີໄຊ ແລະ ບ້ານວັງແປ້ນ.
ສ້າງບ້ານແບບຢ່າງສາທາລະນະສຸກ 8 ບ້ານ ເພື່ອໃຫ້ໄດ້ປະກາດເປັນເມືອງແບບຢ່າງສາທາລະນະສຸກທ້າຍປີ 2021, ປັບປຸງກໍາລັງ ປກສ, ກອງຫຼອນບ້ານ ໃຫ້ມີຄວາມເຂັ້ມແຂງ.
ໄດ້ແກ້ໄຂປະກົດການຫຍໍ້ທໍ້ຕ່າງໆ, ຂໍ້ຂັດແຍ່ງການຖາງປ່າເຮັດໄຮ່, ການຈັບຈອງດິນທີ່ບໍ່ຖຶກຕ້ອງ, ການຕັ້ງສະນໍາ, ບັນຫາສາສະໜາ.
ສໍາເລັດລົງສ້າງແຜນກໍານົດພະນັກງານນໍາພາ-ຄຸ້ມຄອງຂັ້ນບ້ານ, ພ້ອມນັ້ນ ຍັງໄດ້ຮັບຟັງການລາຍງານຂໍ້ສະດວກ, ຂໍ້ຫຍູ້ງຍາກຈາກຄະນະຮັບຜິດຊອບກູ່ມບ້ານຕື່ມອີກ.
ໃນຕອນທ້າຍ ທ່ານ ວັນວິໄລ ແດນພູຫຼວງ ໄດ້ຍ້ອງຍໍຊົມເຊີຍຄະນະນຳພາ-ຊີ້ນຳຂັ້ນເມືອງ ສາມາດປະຕິບັດໜ້າທີ່ມີຜົນສຳເລັດ ພ້ອມນັ້ນ ທ່ານຍັງໄດ້ເນັ້ນໃຫ້ຄະນະຮັບຜິດຊອບວຽກງານກໍ່ສ້ງຮາການການເມືອງ ພັດທະຊົນນະບົດຮອບດ້ານ ແລະ ວຽກງານ 3 ສ້າງຂັ້ນເມືອງ ຈົ່ງໄດ້ຖືເອົາມະຕິກອງປະຊຸມກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ແລະ ວຽກງານ 3 ສ້າງ ທົ່ວປະເທດເປັນບ່ອນອິງໃນການປະຕິບັດໜ້າທີ່ວຽກງານ, ມີການສະຫຼຸບຖອດຖອນບົດຮຽນ, ຕີລາຄາຄືນຜົນສຳເລັດ, ຂໍ້ຄົງຄ້າງ ແລະ ບົດຮຽນທີ່ສາມາດຖອດຖອນໄດ້ ໃນແຕ່ລະໄລຍະ, ປັບປຸງຄືນຄະນະຊີ້ນຳ, ກອງເລຂາຊ່ວຍວຽກໃຫ້ຄົບຖ້ວນຕາມສິດ ແລະ ພາລະບົດບາດໜ້າທີ່, ມອບສິດໃຫ້ຂະແໜງສາຍຕັ້ງ, ສືບຕໍ່ລົງຕິດຕາມ, ຊຸກຍູ້ເປັນປົກກະຕິ ເພື່ອເຮັດໃຫ້ບັນດາຄາດໝາຍທີ່ວາງໄວ້ນັ້ນ ມີຜົນສຳເລັດ.
Users Today : 687
Users Yesterday : 494
This Month : 8528
This Year : 128565
Total Users : 514789
Who's Online : 35