ເພື່ອເປັນການປະກອບສ່ວນ ເຂົ້າໃນວັນສະເຫຼີມສະຫຼອງວັນສິ່ງແວດລ້ອມແຫ່ງຊາດ ແລະ ວັນສິ່ງແວດລ້ອມໂລກ ຄົບຮອບ 49 ປີ ໃຫ້ເປັນຂະບວນການຟົດຟື້ນ ແລະ ມີຄວາມໝາຍຄວາມສຳຄັນ. ໃນວັນທີ 4 ມິຖຸນາ 2021 ບໍລິສັດເຂື່ອນໄຟຟ້ານ້ຳເທີນ 1 ໄດ້ນຳເອົາເສື້ອ 150 ຜືນ, ປ້າຍຄໍາຂວັນ 8 ປ້າຍ, ປ້າຍຕົບແຕ່ງລົດໂຄສະນາ 2 ປ້າຍ, ນໍ້າດື່ມ 10 ແກັດ ແລະ ຖ່ານໄມໂຄໂຟນ 5 ຄູ່ ລວມມູນຄ່າ 10.700.000 ກີບ ມາມອບໃຫ້ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງບໍລິຄຳໄຊ ຕາງໜ້າບໍລິສັດມອບໂດຍທ່ານ ນາງ ສິລິລັກ ສີມຸກດາ ແລະ ຮັບໂດຍທ່ານ ສົມສະຫງວນ ສຸວັນນະລາດ ຫົວໜ້າພະແນກຊັບພະຍາກອນ ທຳມະຊາດ ແລະ ສິ່ງແວດລ້ອມແຂວງ, ມີພະນັກງານທັງສອງຝ່າຍ ເຂົ້າຮ່ວມເປັນສັກຂີພິຍານ.
ທ່ານຫົວໜ້າພະແນກ ຍັງໄດ້ກ່າວຂອບໃຈມາຍັງບໍລິສັດດັ່ງກ່າວ ທີ່ເປັນສ່ວນໜຶ່ງໃນການປະກອບສ່ວນເຂົ້າໃນວັນສະເຫຼີມສະຫຼອງວັນສິ່ງແວດລ້ອມແຫ່ງຊາດ ແລະ ວັນສິ່ງແວດລ້ອມໂລກ ພ້ອມນີ້ ພະແນກ ຊສ ແຂວງ ຈະໄດ້ນຳໃຊ້ລົດທີ່ຕິດປ້າຍຄຳຂວັນ ໂຄສະນາໄປຕາມເສັ້ນທາງເທດສະບານເມືອງປາກຊັນ ເພື່ອເປັນການສ້າງຈິດສຳນຶກ ໃຫ້ແກ່ປະຊາຊົນ ໃຫ້ມີຄວາມສົນໃຈ, ເຂົ້າໃຈ ໃນວຽກງານຄຸ້ມຄອງ ປົກປັກຮັກສາສິ່ງແວດລ້ອມ.
Users Today : 724
Users Yesterday : 494
This Month : 8565
This Year : 128602
Total Users : 514826
Who's Online : 48