ກອງປະຊຸມວຽກງານອົງການປົກຄອງແຂວງບໍລິຄຳໄຊ ປະຈຳເດືອນພຶດສະພາ

ກອງປະຊຸມວຽກງານອົງການປົກຄອງແຂວງ ປະຈຳເດືອນ ພຶດສະພາ ໄດ້ຈັດຂຶ້ນໃນວັນທີ 2 ມິຖຸນາ 2021 ຢູ່ຫ້ອງວ່າການແຂວງບໍລິຄຳໄຊ ໂດຍພາຍໃຕ້ການເປັນປະທານຂອງທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ, ມີຄະນະປະຈຳພັກແຂວງ, ຫົວໜ້າພະແນກການອ້ອມຂ້າງແຂວງ, ເມືອງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ກອງປະຊຸມ ໄດ້ຮັບຟັງການສະຫຼຸບຕີລາຄາ ການປະຕິບັດທິດຊີ້ນຳໃນກອງປະຊຸມວຽກງານປົກຄອງ ໃນເດືອນຜ່ານມາ ເຫັນວ່າ ຫຼາຍວຽກງານໄດ້ຖືກຈັດຕັ້ງປະຕິບັດ ດ້ວຍຄວາມເອົາໃຈໃສ່ສູງ ແລະ ໄປຕາມທິດທາງທີ່ກຳນົດໄວ້.

ວຽກງານ ປກສ-ປກຊ ມີສະພາບອາຊະຍາກຳທາງອາຍາເກີດຂຶ້ນ 13 ກໍລະນີ ມ້າງໄດ້ 8, ຄະດີຢາເສບຕິດເກີດຂຶ້ນ 47 ກໍລະນີ, ມີຜູ້ຕ້ອງຫາ 57 ຄົນ, ຂອງກາງຢາບ້າ 13.986 ເມັດ, ລົດຈັກ 1 ຄັນ.

ແຜນການຜະລິດເຂົ້ານາປີ 2021 ແມ່ນ 37.119 ເຮັກຕາ ສາມາດຕົກກ້າແລ້ວ 10% ແລະ ກຽມດິນ 10%, ແຜນການປູກພືດລະດູຝົນ 16.829 ເຮັກຕາ ປະຕິບັດໄດ້ 223 ເຮັກຕາ, ສາມາດສັກຢາປ້ອງກັນພະຍາດສັດ 2.972 ໂຕ, ນອກຈາກ ວຽກງານແຜນການ ແລະ ການລົງທຶນ, ການເງິນ, ອຸດສາຫະກຳ ແລະ ການຄ້າ, ວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ວຽກງານອື່ນໆ ກໍ່ໄດ້ຮັບການເອົາໃຈໃສ່ ແລະ ຖືກຈັດຕັ້ງປະຕິບັດຢ່າງຕັ້ງໜ້າ.

ສຳລັບວຽກງານປ້ອງກັນ, ຄວບຄຸມສະກັດກັ້ນ ແລະ ແກ້ໄຂການລະບາດ ຂອງພະຍາດໂຄວິດ-19 ຮອດວັນທີ 17 ພຶດສະພາ ໄດ້ເກັບຕົວຢ່າງ 5.623 ຕົວຢ່າງ, ໃຫ້ຜົນເປັນລົບ 5.584 ຕົວຢ່າງ, ລໍຖ້າຜົນ 36 ຕົວຢ່າງ ແລະ ມີຜູ້ຕິດເຊື້ອ 3 ຕົວຢ່າງ ສາມາດປິ່ນປົວຫາຍດີແລ້ວທັງ 3 ກໍລະນີ, ມີຜູທີ່ໄດຮັບວັກຊີນກັນພະຍາດໂຄວິດ-19 ຄົບ 2 ເຂັມ ໄດ້ 4.101 ໂດສ໌ ເທົ່າກັບ 2,56% ຂອງປະຊາກອນກຸ່ມເປົ້າໝາຍ.

ຫຼັງຈາກນັ້ນ ໄດ້ຮັບຟັງວຽກງານທິ່ພົ້ນເດັ່ນຈາກບັນດາພະແນກການ ເປັນຕົ້ນແມ່ນວຽກງານປ້ອງກັນ, ຄວບຄຸມສະກັດກັ້ນ ແລະ ແກ້ໄຂການລະພາດຂອງພະຍາດໂຄວິດ-19, ການລະບາດຂອງສັດ ແລະ ພືດ, ການຕ້ານໄຂ້ຍຸງລາຍ ແລະ ພະຍາດຕາມລະດູການ, ການຕິດຕາມກວດກາ ແລະ ຄຸ້ມຄອງລາຄາສິນຄ້າ ແລະ ການກວດກາສິນຄ້າ ທີ່ພົວພັນກັບ 4 ເຖື່ອນ, ມາດຕະການປ້ອງກັນການລັກລອບເຂົ້າເມືອງບໍ່ຖືກຕ້ອງ ແລະ ວຽກງານອື່ນໆ.

• Facebook
• Twitter
• Line