ຊາວໜຸ່ມບໍລິຄຳໄຊ ຈັດກິດຈະກຳປູກຕົ້ນໄມ້

ໃນວັນທີ 31 ພຶດສະພາ 2021 ຢູເດີ່ນຫ້ອງການຄະນະບໍລິຫານງານຊາວໜຸ່ມແຂວງ ໄດ້ຈັດກິດຈະກໍາປູກຕົ້ນໄມ້ຂຶ້ນ ນຳພາຂະບວນໂດຍ ສະຫາຍ ທອງມະນີ ໂຄດປັນຍາ ເລຂາຄະນະບໍລິຫານງານຊາວໜຸ່ມແຂວງບໍລິຄໍາໄຊ ໂດຍມີຄະນະບໍລິຫານງານຊາວໜຸ່ມແຂວງ ແລະ ພະນັກງານພາຍໃນຫ້ອງການ ເຂົ້າຮ່ວມ.

ຕົ້ນໄມ້ທີ່ນຳມາປູກໃນຄັ້ງນີ້ ແມ່ນປະເພດຕົ້ນໄມ້ກິນໝາກ ເຊັ່ນ: ຕົ້ນໝາກມ່ວງ, ລຳໄຍ, ລຳມຸດ ແລະ ຕົ້ນອະໂວຄາໂດ່.

ກິດຈະກໍາຄັ້ງນີ້ ເພື່ອສ້າງຂະບວນການຂໍ່ານັບຮັບຕ້ອນ ວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ໃຫ້ເປັນຂະບວນຟົດຟື້ນ, ພ້ອມນັ້ນ ຍັງເປັນການປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມ ໃຫ້ເປັນຮູບປະທໍາ ແລະ ເປັນການຟື້ນຟູທໍາມະຊາດໃຫ້ເປັນສີຂຽວ ເພື່ອອະນຸລັກຮັກສາສິ່ງແວດລ້ອມ ໃຫ້ມີຄວາມຍືນຍົງຕະຫຼອດໄປ.

• Facebook
• Twitter
• Line