ໃນວັນທີ 23 ພະຈິກ 2022 ຢູ່ຫ້ອງວ່າການເມືອງປາກກະດິງ ແຂວງບໍລິຄຳໄຊ ທ່ານ ອຸດອນ ສອນສຸລິນ ຫົວໜ້າໂຄສະນາອົບຮົມແຂວງ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ ແລະ ຊຸກຍູ້ວຽກງານຮາກຖານຕາມສາຍຕັ້ງ ກັບຄະນະໂຄສະນາອົບຮົມເມືອງ.
ໃນການລົງມາເຮັດວຽກສາຍຕັ້ງຄັ້ງນີ້ ເພື່ອເປັນການກະຕຸກຊຸກຍູ້, ຕິດຕາມວຽກງານໂຄສະນາອົບຮົມເມືອງ ໃນການຈັດຕັ້ງປະຕິບັດວຽກງານ ປະຈໍາປີ 2022, ແລກປ່ຽນບົດຮຽນເຊິ່ງກັນ ແລະ ກັນ ໃນການເຄື່ອນໄຫວວຽກງານຂອງ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງ, ພ້ອມທັງລົງຝຶກອົບຮົມສ້າງຄວາມເຂັ້ມແຂງ ຄວາມຮູ້ພື້ນຖານດ້ານການເມືອງ-ການປົກຄອງ ແລະ ການສ້າງບ້ານພັດທະນາ ໃຫ້ແກ່ 5 ຕໍາແໜ່ງງານຂັ້ນບ້ານ ຈໍານວນ 6 ບ້ານຂອງເມືອງປາກກະດິງ.
ຈາກນັ້ນ, ໄດ້ເຮັດວຽກຮ່ວມກັບ ຄະນະໂຄສະນາອົບຮົມເມືອງ ໄດ້ຮັບຟັງການລາຍງານຫຍໍ້ວຽກງານໂຄສະນາອົບຮົມຂອງເມືອງ ໃນໄລຍະຜ່ານມາຈາກ ທ່ານ ນາງ ສົມຮັກ ແກ້ວມະນີ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ພ້ອມນັ້ນກອງປະຊຸມໄດ້ມີຄໍາເຫັນແລກປ່ຽນບົດຮຽນເຊິ່ງກັນ ແລະ ກັນ ໃນວຽກງານຕ່າງໆຮ່ວມກັນ.
Users Today : 533
Users Yesterday : 752
This Month : 9583
This Year : 46988
Total Users : 433212
Who's Online : 13