ທ່າພະບາດ ຝຶກອົບຮົມ ເຕັກນິກການລ້ຽງສັດໃຫຍ່

 

ໃນວັນທີ 16 ກຸມພາ 2021 ຢູ່ຫ້ອງການກະສິກໍາ ແລະ ປ່າໄມ້ ເມືອງທ່າພະບາດ ແຂວງບໍລິຄຳໄຊ ໄດ້ຈັດຊຸດຝຶກອົບຮົມ ເຕັກນິກການລ້ຽງສັດໃຫຍ່ ໃຫ້ແກ່ເຈົ້າຂອງຟາມ ແລະ ພໍ່-ແມ່ ປະຊາຊົນ ຜູ້ທີ່ລ້ຽງສັດໃຫຍ່ ພາຍໃນເມືອງ, ເປັນກຽດເຂົ້າຮ່ວມຝຶກອົບຮົມໃນຄັ້ງນີ້ໂດຍ ທ່ານ ສົມສະໜິດ ປະເສີດສິດ ຮອງຫົວໜ້າຫ້ອງການກະສິກໍາ ແລະ ປ່າໄມ້ເມືອງທ່າພະບາດ, ມີ ຄູຝຶກວິຊາການຂອງຫ້ອງການກະສິກໍາ ແລະ ປ່າໄມ້ເມືອງ ພ້ອມດ້ວຍນັກສໍາມະນາກອນຈໍານວນ 24 ທ່ານ, ຍິງ 2 ທ່ານ ເຂົ້າຮ່ວມ.

ຜູ້ເຂົ້າຮ່ວມຝຶກອົບຮົມ ໄດ້ຮຽນຮູ້ກ່ຽວກັບເຕັກນິກການລ້ຽງສັດໃຫຍ່, ການຄັດເລືອກແນວພັນສັດ, ການຈັດການທົ່ງຫຍ້າ ແລະ ວິທີການເຮັດຫຍ້າໝັກ, ເຟືອງໝັກ ແລະ ກ້ອນແຮ່ທາດ.

ພ້ອມດຽວກັນນີ້ ກໍ່ໄດ້ນໍາພານັກສໍາມະນາກອນ ລົງທັດສະນະສຶກສາຢູ່ຟາມລ້ຽງງົວທອມ ຂອງ ນາງ ສຸກສາໝອນ ປ້ອງຄໍາແສງ ຢູ່ບ້ານສາມະຄີໄຊ ເມືອງທ່າພະບາດ ພ້ອມທັງລົງປະຕິບັດຕົວຈິງ ວິທີການເຮັດຫຍ້າໝັກ ແລະ ເຟືອງໝັກ.

ຫຼັງຈາກນັ້ນ ກໍ່ໄດ້ມອບໃບຢັ້ງຢືນໃຫ້ນັກສໍາມະນາກອນ ໃຫ້ກຽດກ່າວມອບໂດຍທ່ານ ສົມສະໜິດ ປະເສີດສິດ.

• Facebook
• Twitter
• Line