ປະກາດຮອງຮັບເອົາບ້ານໜອງດົງເປັນບ້ານພັດທະນາທາງດ້ານແຮງງານ ແລະ ສະຫວັດດີການສັງຄົມ

ໃນວັນທີ 30 ພະຈິກ 2022 ທີ່ຫ້ອງການບ້ານໜອງດົງ ເມືອງຄຳເກີດ ໄດ້ຈັດພິທີປະກາດຮອງຮັບເອົາບ້ານໜອງດົງເປັນບ້ານພັດທະນາທາງດ້ານແຮງງານ ແລະ ສະຫວັດດີການສັງຄົມ ເຂົ້າຮ່ວມໂດຍ ທ່ານ ຜາສຸກ ຈຸມມະລາວົງ ຮອງເຈົ້າເມືອງຄໍາເກີດ ແລະ ທ່ານ ຄຳສະຫວາດ ວຸດທະຈັກ ຮອງຫົວໜ້າພະແນກແຮງງານສະຫວັດດີສັງຄົມ ແຂວງບໍລິຄຳໄຊ ມີບັນດາຫົວໜ້າຫ້ອງການ, ອົງການປົກຄອງບ້ານ ຕະຫຼອດຮອດພໍ່ແມ່ ປະຊາຊົນພາຍໃນບ້ານ ເຂົ້າຮ່ວມ.

ໃນພິທີ ໄດ້ຜ່ານບົດສະຫຼູບ ການສ້າງບ້ານພັດທະນາທາງດ້ານແຮງງານ ແລະ ສະຫວັດດີການສັງຄົມ, ບ້ານໜອງດົງ ມີເນື້ອທີ່ລວມທັງໝົດ 231,25 ເຮັກຕາ, ເນື້ອທີ່ດິນປຸກສ້າງ 43 ເຮັກຕາ, ເນື້ອທີ່ດິນກະສິກໍາ 188,25 ເຮັກຕາ, ມີ 222 ຫຼັງຄາເຮືອນ, ມີພົນລະເມືອງທັງໝົດ 1.216 ຄົນ, ຍິງ 630 ຄົນ, ການປະເມີນຄອບຄົວຕາມ 3 ມາດຖານຕົວຊີ້ວັດ ສາມາດປະເມີນຄອບຄົວທີ່ໄດ້ຮັບການປະເມີນແລ້ວລວມທັງໝົດມີ 222 ຄອບຄົວ, ແຮງງານສຳຮອງໃນເກນອາຍຸ 0-14 ປີ ມີ 299 ຄົນ, ຍິງ 164 ຄົນ, ກວມ 24,58 %, ແຮງງານສໍາຮອງໃນເກນອາຍຸ 15-17 ປີມີ 56 ຄົນ, ຍິງ 20 ຄົນ,ກວມ 4,60%, ແຮງງານຕົ້ນຕໍໃນເກນອາຍຸ 18-60 ມີ 825 ຄົນຍິງ 418 ຄົນກວມ 67,84%, ໃນເກນອາຍຸ 61 ປີຂື້ນໄປມີ 57 ຄົນ, ຍິງ 26 ຄົນກວມ 4,68%, ປະກອບອາຊີບເປັນຊາວກະສິກໍາມີ 279 ຄົນ, ຍິງ 148 ຄົນ ກວມເອົາ 22,94 %, ເປັນຊ່າງຫັດຕະກໍາມີ 34 ຄົນ, ຍິງ 15 ຄົນກວມ 2,79 %.

ຈາກນັ້ນກໍ່ໄດ້ຜ່ານຂໍ້ຕົກລົງທ່ານເຈົ້າເມືອງສະບັບເລກທີ 599/ມຄກ,ລົງວັນທີ 31 ຕຸລາ 2022 ວ່າດ້ວຍການຮອງຮັບເອົາ 222 ຄອບຄົວຂອງບ້ານໜອງດົງ ເປັນຄອບຄົວພັດທະນາດ້ານແຮງງານ ແລະ ສະຫວັດດີການສັງຄົມ, ຂໍ້ຕົກລົງທ່ານເຈົ້າເມືອງສະບັບເລກທີ 598/ມຄກ,ລົງວັນທີ 31 ຕຸລາ 2022 ວ່ານດ້ວຍການຮອງຮັບເອົາບ້ານໜອງດົງ ເປັນບ້ານພັດທະນາທັງດ້ານແຮງງານ ແລະ ສະຫວັດດີການສັງຄົມ, ເປັນກຽດມອບໃບຢັ້ງຢືນໂດຍ ທ່ານ ຜາສຸກ ຈຸມມະລາວົງ ຮອງເຈົ້າເມືອງຄຳເກີດ ແລະ ຮັບໂດຍ ທ່ານ ນາງ ແກ້ວມະນີ ຄຳມະວົງໄຊ ນາຍບ້ານໜອງດົງ.

• Facebook
• Twitter
• Line