ໃນວັນທີ 17 ຕຸລາ 2022 ຄະນະພັກຮາກຖານ, ຄະນະໜ່ວຍພັກ, ສະມາຊິກພັກ ອ້ອມຂ້າງສຳນັກງານເມືອງໄຊຈຳພອນ ໄດ້ຈັດກອງປະຊຸມເຜີຍແຜ່ເຊື່ອມຊຶມຄຳສັ່ງ ຂອງກົມການເມືອງສູນກາງພັກ ໂດຍໃຫ້ກຽດເຂົ້າຮ່ວມເຜີຍແຜ່ຂອງ ສະຫາຍ ອຸດົມ ໄຊຍວນຕາ ຮອງເລຂາພັກເມືອງ, ຜູ້ຊີ້ນຳວຽກພັກ – ພະນັກງານ, ມີບັນດາຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ເຂົ້າຮ່ວມ.
ເອກະສານທີ່ນໍາມາເຊື່ອມຊຶມໃນຄັ້ງນີ້ ປະກອບມີ: ຄໍາສັ່ງຂອງຄະນະເລຂາທິການສູນກາງພັກ ສະບັບເລກທີ 04/ຄລສພ, ລົງວັນທີ 7 ພຶດສະພາ 2018 ວ່າດ້ວຍການກະກຽມດໍາເນີນກອງປະຊຸມໃຫຍ່ອົງຄະນະພັກກະຊວງ – ອົງການ – ແຂວງ, ນະຄອນຫຼວງ – ອົງຄະນະພັກເມືອງ – ນະຄອນ ແລະ ຮາກຖານພັກໃນຂອບເຂດທົ່ວປະເທດ ພ້ອມດ້ວຍເອກະສານທີ່ກ່ຽວຂ້ອງ 3 ບົດ ຄື: ເອກະສານເສີມຂະຫຍາຍມູນເຊື້ອ ແລະ ຄວາມສາມັກຄີເປັນເອກະພາບພາຍໃນພັກ, ເອກະສານຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງພັກ ແລະ ເອກະສານຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ.
ຈຸດປະສົງ ກໍ່ເພື່ອເປັນການກວດກາຄືນ ການຊີ້ນໍານໍາພາຂອງຄະນະພັກຮາກຖານ, ໜ່ວຍພັກຕະຫຼອດໄລຍະການນໍາພາຜ່ານມາ ແລະ ທັງເຮັດໃຫ້ສະມາຊິກພັກ ເຂົ້າໃຈ ໃນການກະກຽມດໍາເນີນກອງປະຊຸມໃຫຍ່ຂອງພັກ ທັງຮັບປະກັນການຊີ້ນໍາ – ນໍາພາຂອງຄະນະພັກຂັ້ນເທິງ ໃຫ້ມີຄວາມໜັກແໜ້ນເຂັ້ມແຂງ ເພື່ອຍົກສູງຄວາມສາມາດນໍາພາຂອງຄະນະພັກ ໃຫ້ຄຽງຄູ່ກັບການເລັ່ງທວງຂອງໜ້າທີ່ການເມືອງໃນໄລຍະໃໝ່ ຮັບປະກັນເລືອກເຟັ້ນບຸກຄະລາກອນເຂົ້າໃນຄະນະພັກແຕ່ລະຂັ້ນ ໃຫ້ຖືກຕ້ອງຕາມມາດຖານເງື່ອນໄຂທີ່ກໍານົດໄວ້ ແລະ ອີກດ້ານໜຶ່ງກໍ່ເພື່ອຍົກລະດັບຄຸນນະພາບ ຂອງໜ່ວຍພັກ – ສະມາຊິກພັກໃຫ້ມີການປ່ຽນແປງຢ່າງຕັ້ງໜ້າ ຮັບປະກັນສ້າງພັກປອດໃສ ເຂັ້ມແຂງ ໜັກແໜ້ນ ທາງດ້ານປະລິມານ ແລະ ຄຸນນະພາບ.
Users Today : 1198
Users Yesterday : 494
This Month : 9039
This Year : 129076
Total Users : 515300
Who's Online : 14