ກໍ່ເປັນອີກເມືອງໜຶ່ງທີ່ມີຈຸດເດັນດ້ານທີ່ຕັ້ງຍຸດທະສາດຂອງແຂວງ ເພາະວ່າມີເສັ້ນທາງເລກ 4B ຕັດຜ່ານ ແລະ ເຊື່ອມຕໍ່ໄປຫາແຂວງຊຽງຂວາງ ຈຶ່ງເປັນທ່າແຮງໄດ້ດີໃນການພັດທະຂອງພື້ນຖານໂຄງລ່າງຂອງເມືອງ ພ້ອມດຽວກັນນີ້ເມືອງດັ່ງກ່າວຍັງມີຄວາມອຸດົມສົມບຸນທາງດ້ານທຳມະຊາດ ບວກກັບຮິດຄອງປະເພນີທີ່ມີຄວາມຫຼາກຫຼາຍ ເຮັດໃຫ້ບໍລິຄັນກາຍເປັນເມື່ອງທີ່ໜ້າສົນໃຈຂອງນັກທ່ອງທ່ຽວຫຼາຍໆຄົນ.
ຖໍ້າຜາເມືອງ ຫຼື ຜາສາດນາງຜົມຫອມ ກໍ່ເປັນອີກແຫຼ່ງທ່ອງທ່ຽວໜຶ່ງທີ່ມີຊື່ສຽງຂອງເມືອງ ມີທີ່ຕັ້ງຢູ່ບ້ານຜາເມືອງ ເມືອງບໍລິຄັນ ຫ່າງຈາກເທດສະບານເມືອງ ໄປຕາມເສັ້ນທາງເລກ 4B ປະມານ 45 ກິໂລແມັດ. ເປັນແຫຼ່ງທ່ອງທ່ຽວແຫ່ງໜຶ່ງທີ່ມີເອກະລັກສະເພາະມີຄວາມສວຍງາມ ຕັ້ງສູງສະຫງ່າຢູ່ກາງທົ່ງນາ, ຢູຕາມຕີນຜາຈະຖືກອ້ອມຮອບດ້ວຍຕົ້ນໄມ້ໃຫ່ຍສີຂຽວສົດໃສ ແລະ ຈະມີໂຫງ່ນຫີນນ້ອຍໃຫ່ຍ ໃຫ້ນັ່ງພັກຜ່ອນຖ່າຍຮູບ ແລະ ສຳພັດກັບທຳມະຊາດທີ່ອຸດົມສົມບູນ ບວກກັບສາຍລົມເຢັນພັດມາເບົາໆ ເຮັດໃຫ້ຜູ້ທີ່ເຂົ່າມາທ່ຽວຊົມຮູ້ສຶກຜ່ອນຄາຍ ປານນັ່ງຢູ່ສວນອຸດທະຍານກໍ່ບໍ່ປານ, ເມື່ອຢ່າງເຂົາໄປໃນຢູ່ປາກຖ້ຳຈະມີສາຍນ້ຳທີ່ໃສເຢັນ ຕໍ່ຈາກນັ້ນທາງໃນຖຳຈະມີໂຫງ່ນຫີນນ້ອຍໃຫ່ຍ ທີ່ມີຄວາມສວຍງາມ ແລະ ຮູບຮາງລັກສະນະແຕກຕ່າງກັນ ຂື້ນກັບຈິນຕະນາການຂອງຜູ້ທີເຂົ້າມາທ່ຽວຊົມ.
ຖໍ້າແຫ່ງນີ້ແມ່ນຕິດພັນກັບການດຳລົງຊີວິດ, ຮິດຄອງປະເພນີ ແລະ ຄວາມເຊື່ອຂອງປະຊາຊົນ ເພາະວ່າຕາມການບອກເລົ່າຂອງຜູ້ເຖົ່າຜູ້ແກ່ ໄດ້ໃຫ້ຮູ້ວ່າ: ໃນເມື່ອກ່ອນໄດ້ມີພະເກສອນ, ພະພຸດທະຮູບອົງນ້ອຍ ທີ່ເກົ່າແກ່ທີ່ຢູ່ຕາມເຫງີບຫີນ ເຊື່ອກັນວ່າພະພຸດທະເຈົ້າເປັນຜູ້ທີ່ສ້າງຂຶ້ນ ເພື່ອໃຫ້ປະຊາຊົນຊາວພຸດທະສາສະໜາໄດ້ມາກາບໄຫວ້ ທີ່ເປັນຄວາມເຊື່ອຖືຂອງຄົນລາວເປັນໃນສະໄໝກ່ອນຮອດປັດຈຸບັນ ແລະ ຖໍ້າແຫ່ງນີ້ ຍັງມີປະຫວັດກ່ຽວຂ້ອງກັບນິທານພື້ນບ້ານອັນໂດ່ງດັງຂອງລາວ ນັ້ນກໍ່ຄືນິທານເລື່ອງ “ນາງຜົມຫອມ” ເຊິ່ງມີຫຼາຍຈຸດທີ່ມີຮ່ອງຮອຍທີ່ເຊື່ອມໂຍງກັບເລື່ອງລາວໃນນິທານດັ່ງກ່າວຄື: ຜາລ້ານ, ຜາສິງ, ຜາໂຖນ, ຜາແມ່ພາ ຫຼື ຜານາງໂພງ ນອກຈາກນັ້ນຖໍ້າຜາເມືອງ ຍັງມີຄວາມກ່ຽວພັນກັບປະຫວັດສາດຂອງຊາດຄືກັນ ເພາະເຄີຍຖືກນໍາໃຊ້ເປັນຫ້ອງປະຊຸມຫຼາຍຄັ້ງ ໃນສະໄໝຕໍ່ສູ້ກູ້ຊາດຕ້ານພວກຈັກກະພັດຕ່າງດ້າວອີກດ້ວຍ. ນັ້ນກໍ່ຄືເລື່ອງລາວຂອງ “ຖໍ້າຜາເມືອງ ຫຼື ຖໍ້ານາງຜົມຫອມ” ຮັບຮອງເລີຍວ່າຖ້າທ່ານມາທ່ຽວຊົມແລ້ວຈະບໍ່ຜິດຫວັງ ເພາະທ່ານຈະໄດ້ສຳພັດກັບທຳມະຊາດທີ່ງົດງາມ, ຮິດຄອງປະເພນີທີ່ເປັນເອກະລັກ ແລະ ຮ່ອງຮ້ອຍປະຫວັດຊາດ ທີ່ໜ້າຄົ້ນຫາ ທຸກສິງທີ່ກ່າວມາທ່ານຈະຫາໄດ້ທີ່ຖຳແຫ່ງນີ້.
Users Today : 58
Users Yesterday : 446
This Month : 8356
This Year : 45761
Total Users : 431985
Who's Online : 6