ວັນທີ 24 ພະຈິກ 2020 ຢູ່ທີ່ຫ້ອງປະຊຸມກອງບັນຊາການ ປກສ ເມືອງຄໍາເກີດ ແຂວງບໍລິຄຳໄຊ ໄດ້ຈັດກອງປະຊຸມໃຫຍ່ຄັ້ງທີ III ຂອງໜ່ວຍພັກ ພະແນກຄຸ້ມຄອງສຳມະໂນຄົວ ແລະ ກໍ່ສ້າງຮາກຖານຂຶ້ນ ພາຍໃຕ້ການເປັນປະທານໂດຍ ສະຫາຍ ພັທ ດາພອນ ໄພມະນີ ຮັກສາການເລຂາໜ່ວຍພັກ ພະແນກຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ, ໃຫ້ກຽດເຂົ້າຮ່ວມໂດຍ ສະຫາຍ ວິໄລ ສີສະມຸດ ຄະນະປະຈຳພັກເມືອງ, ປະທານກວດກາພັກ-ລັດເມືອງຄຳເກີດ, ມີຫົວໜ້າກອງບັນຊາການ ປກສ ເມືອງ, ຄະນະປັບປຸງຂັ້ນເມືອງ, ແຂກຖືກເຊີນ ແລະ ສະມາຊິກພັກສົມບູນ-ສຳຮອງເຂົ້າຮ່ວມ.
ກອງປະຊຸມ ໄດ້ຮັບຟັງລາຍງານການເມືອງທັງສອງພາກ ຈາກສະຫາຍ ດາພອນ ໄພມະນີ ວ່າ: ໜ່ວຍພັກພະແນກຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ເປັນໜ່ວຍພັກໜຶ່ງທີ່ຂຶ້ນກັບຄະນະພັກຮາກຖານກອງບັນຊາການ ປກສ ເມືອງຄຳເກີດ ແລະ ເປັນເສນາທິການໃຫ້ແກ່ຄະນະພັກຮາກຖານໃນການຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ລວມທັງ 8 ກຸ່ມບ້ານ, ພະນັກງານສະມາຊິກພັກສ່ວນຫຼາຍ ລົງປະຈຳການຢູ່ແຕ່ລະກຸ່ມບ້ານທົ່ວເມືອງ ເພື່ອເຮັດໜ້າທີ່ການເມືອງ ແລະ ຮັກສາຄວາມສະຫງົບ, ໜ່ວຍພັກມີສະມາຊິກພັກທັງໝົດ 73 ສະຫາຍ, ຍີງ 8 ສະຫາຍ.
ສະມາຊິກພັກຕະຫຼອດຮອດພະນັກງານ-ນັກຮົບທຸກສະຫາຍ ໄດ້ນຳເອົາແນວທາງນະໂຍບາຍຂອງພັກ, ກົດໝາຍຂອງລັດ, ມະຕິຄໍາສັ່ງ, ຂໍ້ກຳນົດລະບຽບການ ແລະ ບັນດານິຕິກໍາ ມາເຜີຍແຜ່ເຊຶ່ອມຊຶມໃຫ້ກໍາລັງປ້ອງກັນຄວາມສະຫງົບ ແລະ ພໍ່ແມ່ປະຊາຊົນບັນດາເຜົ່າໄດ້ຮັບຮູ້ ແລະ ເຂົ້າໃຈ ຈຸດປະສົງ ກໍ່ເພື່ອເດັດດ່ຽວຕໍ່ສູ້ຕ້ານກັບກົນອຸບາຍຂອງພວກສັດຕູ ແລະ ກຸ່ມຄົນບໍ່ດີຢູ່ບັນດາກຸ່ມບ້ານ ໃຫ້ມີຄວາມສະຫງົບໂດຍພື້ນຖານ.
ສະມາຊິກພັກທຸກສະຫາຍ ມີຄວາມເຊື້ອໝັ້ນຕໍ່ແນວທາງຂອງພັກ, ມີຄວາມສາມັກຄີເປັນເອກະພາບສູງຕໍ່ການຊີ້ນຳ-ນຳພາຂອງຄະນະພັກ. ໃນໄລຍະ 5 ປີຜ່ານມາໜ່ວຍພັກສາມາດຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນປີ 2019 ແລະ ຍັງໄດ້ແກ້ໄຂປະກົດການຫຍໍ້ທໍ້ ອື່ນໆອີກ.
ພາຍຫລັງຄະນະພັກຊຸດເກົ່າກ່າວອຳລາໜ້າທີ່, ກອງປະຊຸມ ໄດ້ຜ່ານມາດຖານເງື່ອນໄຂຜູ້ສະໝັກເລືອກຕັ້ງຄະນະພັກຊຸດໃໝ່ ໂດຍມີຜູ້ສະໝັກ 5 ສະຫາຍ ຄັດເລືອກເອົາ 3 ສະຫາຍ, ຜົນຂອງການປ່ອຍບັດ ແລະ ກອງປະຊຸມຄັ້ງປະຖົມມະລືກ ຕົກລົງເລືອກຄະນະພັກຊຸດໃໝ່ ຄື: ສະຫາຍ ພັທ ດາພອນ ໄພມະນີ ເປັນເລຂາໜ່ວຍພັກ, ສະຫາຍ ພັຕ ໄພມະນີ ກຸລະວົງສາ ເປັນຮອງເລຂາ ແລະ ສະຫາຍ ພັຕ ນາງ ຈັນຫອມ ຍົດບຸນເຮືອງ ເປັນກຳມະການຜູ້ກວດກາໜ່ວຍພັກ.
ໃນໂອກາດນີ້ ສະຫາຍ ວິໄລ ສີສະມຸດ ໄດ້ໂອ້ລົມ ແລະ ມີຄຳເຫັນຕໍ່ກອງປະຊຸມ ເຊິ່ງກ່ອນອື່ນ ສະຫາຍໄດ້ຍ້ອງຍໍຊົມເຊີຍຕໍ່ກັບຜົນງານດີເດັ່ນທີ່ຍາດໄດ້ມາ ແລະ ສະຫາຍ ໄດ້ຮຽກຮ້ອງມາຍັງຄະນະພັກຊຸດໃໝ່ ທີ່ໄດ້ຮັບໜ້າທີ່ອັນໜັກໜ່ວງ ໃຫ້ມີຄວາມຮັບຜິດຊອບສູງຕໍ່ໜ້າທີ່ການເມືອງຂອງພັກ ເປັນຕົ້ນ ໃຫ້ສ້າງຄວາມສາມາດໃນການຊີ້ນຳ-ນຳພາ, ສຶກສາອົບຮົມບັນດາສະມາຊິກພັກ – ສ້າງພະນັກງານ ໃຫ້ມີຄວາມຮັກຊາດ, ສ້າງຄວາມເອກະພາບພາຍໃນຄະນະ, ມີຄວາມໂປ່ງໃສ, ຍຸຕິທຳ, ສ້າງຄວາມເຊື່ອໝັ້ນພາຍໃນພັກ, ເອົາໃຈໃສ່ວຽກງານກວດກາ – ແກ້ໄຂບັນຫາຫາງສຽງຂອງສັງຄົມ, ບັນຫາປະກົດການຫຍໍ້ທໍ້ຕ່າງໆ, ເພີ່ມຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ, ຊີ້ນຳ-ນຳພາໜ່ວຍພັກໃຫ້ມີຄວາມເຂັ້ມແຂງຂຶ້ນໄປເລື້ອຍໆ.
Users Today : 248
Users Yesterday : 421
This Month : 6249
This Year : 43654
Total Users : 429878
Who's Online : 8