ໃນວັນທີ 22 ພະຈິກ 2021 ບ້ານ ມີໄຊ, ເມືອງວຽງທອງ, ແຂວງບໍລິຄຳໄຊ ໄດ້ດຳເນີນກອງປະຊຸມໃຫຍ່ຄັ້ງທີ VII ຂອງຕົນຂື້ນ ຢູ່ຫ້ອງປະຊຸມຂອງບ້ານ ພາຍໃຕ້ການເປັນປະທານຂອງ ທ່ານ ໄມສູງ ວົງນາສານ ເລຂາພັກບ້ານ – ນາຍບ້ານມີໄຊ, ໂດຍເປັນກຽດເຂົ້າຮ່ວມຂອງ ທ່ານ ດວງໃຈ ພົມມີໄຊ ຄະນະປະຈໍາພັກເມືອງ, ຫົວໜ້າຄະນະໂຄສະນາອົບຮົມເມືອງວຽງທອງ, ມີພະນັກງານກໍ່ສ້າງຮາກຖານ, ສະມາຊິກພັກ, ອຳນາດການປົກຄອງບ້ານຕາມ 5 ໜ່ວຍງານ, ພໍ່ແມ່ປະຊາຊົນພາຍໃນບ້ານ ແລະ ແຂກຖືກເຊີນເຂົ້າຮ່ວມ.
ກອງປະຊຸມ ທ່ານ ໄມສູງ ວົງນາສານ ນາຍບ້ານມີໄຊ ໄດ້ຜ່ານບົດລາຍງານການເມືອງທັງສອງພາກຕໍ່ກອງປະຊຸມທ່ານໄດ້ຕີລາຄາຄືນການຊີ້ນຳ- ນຳພາຂອງຄະນະພັກໃນການປະຕິບັດວຽກງານຢ່າງຮອບດ້ານໄລຍະ 5 ປີ. ຜ່ານມາຄະນະພັກໄດ້ພ້ອມກັນສຶກສາອົບຮົມແນວຄິດການເມືອງໃຫ້ສະມາຊີກພັກ ແລະ ພໍ່ແມ່ປະຊາຊົນ, ເຊື່ອມຊືມແນວທາງການເມືອງຂອງພັກ – ລັດ, ປຸກລະດົມທົ່ວປວງຊົນເຂົ້າຮ່ວມຂະບວນການປ້ອງກັນຊາດປ້ອງກັນຄວາມສະຫງົບຂອງບ້ານ, ຍົກໃຫ້ເຫັນຜົນງານຫຼາຍດ້ານມີທັງດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຈະໄດ້ແກ້ໄຂໃນຕໍ່ໜ້າ. ບ້ານມີ 143 ຫຼັງຄາເຮືອນ, ມີ 172 ຄອບຄົວ, ມີພົນລະ ເມືອງ 893 ຄົນຍິງ 423 ຄົນ, ໃນນັ້ນ ມີສະມາຊິກພັກ 19 ສະຫາຍ, ຍິງ 2 ສະຫາຍ, ອາຊີບຕົ້ນຕໍຂອງປະຊາຊົນແມ່ນເຮັດນາ, ເຮັດໄຮ່, ປູກພືດ ແລະ ຄ້າຂາຍ, ລ້ຽງສັດເປັນສຳຮອງ, ໃນບ້ານມີເນື້ອທີນາ 21 ເຮັກຕ່າ, ເນື້ອທີ່ໄຮ່ໝູນວຽນ 122 ເຮັກຕ່າ, ມີສັດລ້ຽງປະເພດງົວ ຈໍານວນ 200 ໂຕ, ຄວາຍ 95 ໂຕ, ໝູ່ 50 ໂຕ, ແບ້ 40 ໂຕ ແລະ ສັດປີກຈໍານວນ 530 ໂຕ, ບ້ານມີຄອບຄົວພົ້ນທຸກຈຳນວນ 104 ຄອບຄົວ, ຄອບຄົົວແບບຢ່າງທາງດ້ານສາທາລະນະສຸກ 172 ຄອບຄົວ, ຄອບຄົວປອດຢາເສບຕິດ 165 ຄອບຄົວ. ກອງປະຊຸມໄດ້ຜ່ານທິດທາງແຜນການ 5 ປີຕໍ່ໜ້າເພື່ອເປັນບ່ອນອີງໃນການນຳພາ-ຊີ້ນໍາພັດທະນາ ບ້ານ. ກອງປະຊຸມໄດ້ປ່ອນບັດຄັດເລືອກເອົາຄະນະພັກບ້ານ ແລະ ຄະນະບ້ານຊຸດໃໝ່ເຊີ່ງໄດ້ເລືອກເອົາ ທ່ານ ໄມສູງ ວົງນາສານ ເປັນເລຂາພັກບ້ານ-ເປັນນາຍບ້ານ, ທ່ານ ໄຊເກົາວ່າງ ບຼົ່ງຫວັງຊົວ ເປັນຮອງເລຂາພັກບ້ານ-ເປັນຮອງນາຍບ້ານ, ທ່ານ ຄໍາອອນ ສີສະເກດ ເປັນກຳມະການເປັນຜູ້ກວດກາພັກ-ເປັນຮອງນາຍບ້ານ.
Users Today : 673
Users Yesterday : 446
This Month : 8971
This Year : 46376
Total Users : 432600
Who's Online : 6