ໃນຕອນເຊົ້າຂອງວັນທີ 16 ສິງຫາ 2021 ຢູ່ສະໂມສອນໂຮງຮຽນ ມສ ນະຄອນໄຊ ເມືອງຄຳເກີດ ແຂວງບໍລິຄຳໄຊ ໄດ້ຈັດກອງປະຊຸມເຜີຍແຜ່ເຊື່ອມຊຶມບັນດານິຕິກຳ ກ່ຽວກັບຂະແຫນງການສຶກສາທິການ ແລະ ກິລາ ປະຈຳປີ 2021 ໂດຍພາຍໃຕ້ການເປັນປະທານຂອງທ່ານ ອາຈານ ວຽງພອນ ແສງຈັນທະຜິວ ຫົວຫນ້າຫ້ອງການສຶກສາທິການ ແລະ ກິລາເມືອງ, ມີ ອໍານວຍການໂຮງຮຽນ, ຫົວໜ້າໜ່ວຍງານ, ພ້ອມດ້ວຍຄູ-ອາຈານ ທົ່ວເມືອງ ເຂົ້າຮ່ວມ.
ໃນພິທີ ທ່ານ ອາຈານ ວຽງພອນ ແສງຈັນທະຜິວ ຫົວຫນ້າຫ້ອງການສຶກສາທິການ ແລະ ກິລາເມືອງ ໄດ້ຂຶ້ນຜ່ານດໍາລັດ ເລກທີ 184/ລບ, ລົງວັນທີ 26 ມິຖຸນາ 2019 ວ່າດ້ວຍຈັນຍາບັນຂອງພະນັກງານ-ລັດຖະກອນ ເຊິ່ງບາງຕອນທ່ານກ່າວວ່າ: ຈັນຍາບັນ ແມ່ນການປະພຶດ ທີ່ພະນັກງານ-ລັດຖະກອນແຕ່ລະຄົນຕ້ອງເຄົາລົບ ແລະ ປະຕິບັດຢ່າງເຂັ້ມງວດ, ຫຼັກການຈັນຍາບັນຂອງພະນັກງານ-ລັດຖະກອນ ແມ່ນເຄົາລົບ, ປະຕິບັດໜ້າທີ່ ຕາມແນວທາງຂອງພັກ, ລັດຖະທໍາມະນູນ, ກົດໝາຍ, ລະບຽບການຂອງລັດດ້ວຍຄວາມຈົງຮັກພັກດີ ແລະ ຊື່ສັດ, ຍົກສູງສະຕິຕໍ່ຊາດ ໂດຍຖືເອົາຜົນປະໂຫຍດລວມຂອງຊາດ, ປະຊາຊົນ, ສັງຄົມ ແລະ ການຈັດຕັ້ງ ສູງກວ່າຜົນປະໂຫຍດສ່ວນຕົວ, ປະພຶດ ແລະ ປະຕິບັດຢ່າງຖືກຕ້ອງ ໃນທຸກເວລາ ແລະ ສະຖານທີ່, ຮັບປະກັນຄວາມສະເໝີພາບ ລະຫວ່າງເພດ ແລະ ເຜົ່າ ຂອງພະນັກງານ-ລັດຖະກອນ, ພະນັກງານ-ລັດຖະກອນ ຕ້ອງຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ຈົງຮັກພັກດີຕໍ່ອຸດົມການສັງຄົມນິຍົມ, ເປັນເອກະພາບສູງຕໍ່ແນວທາງນະໂຍບາຍຂອງພັກ, ລັດຖະທໍາມະນູນ ແລະ ກົດໝາຍຂອງລັດ, ມີຫຼັກໝັ້ນ ສາມາດຈຳແນກມິດ-ສັດຕູຈະແຈ້ງ, ບໍ່ຫວັ່ນໄຫວຄອນແຄນຕໍ່ສະພາບການຕ່າງໆທີ່ເກີດຂຶ້ນທັງພາຍໃນ ແລະ ຕ່າງປະເທດ.
ໃນກອງປະຊຸມ ຍັງໄດ້ຜ່ານບາງເນື້ອໃນຂອງກົດໝາຍວ່າດ້ວຍການສຶກສາ ( ສະບັບປັບປຸງ ), ເອກະສານ 3 ລັກສະນະ, 5 ຫຼັກມູນ ແລະ 3 ຂໍ້ແຂ່ງຂັນ, ແຜນພັດທະນາຂະແໜງການສຶກສາ ແລະ ກິລາ 2021-2025 ຂອງສູນກາງ ແລະ ແຂວງ, ຜົນສໍາເລັດການຈັດຕັ້ງປະຕິບັດ 15 ຄາດໝາຍຂອງແຂວງ ແລະ ເມືອງ, ຄຸນສົມບັດ ແລະ ຈັນຍາບັນຄູ, ຄວາມເປັນຜູ້ນໍາ ( ການນໍາພາ ແລະ ການຄຸ້ມຄອງ ) ແລະ ເອກະສານການຝຶກຝົນຫຼໍ່ຫຼອມຄຸນທາດການເມືອງ ຄຸນສົມບັດສິນທໍາປະຕິວັດ ແລະ ແບບແຜນວິທີເຮັດວຽກ.
Users Today : 8
Users Yesterday : 421
This Month : 6009
This Year : 43414
Total Users : 429638
Who's Online : 5