ວັນທີ 10 ກຸມພາ 2022 ອົງການຈັດຕັ້ງມະຫາຊົນຊາວໜຸ່ມ – ແມ່ຍິງ ປກສ ແຂວງບໍລິຄຳໄຊ ໄດ້ຈັດພິທີເປີດຂະບວນການ ບໍລິຈາກເລືອດຊ່ວຍເຫຼືອສັງຄົມ ພາຍໃຕ້ຄຳຂັວນຂອງຊາວໜຸ່ມທີ່ວ່າ: “ຍາມເມື່ອຊາດຮຽກຮ້ອງຕ້ອງການ ຊາວໜຸ່ມຂານອາສາ”, ໂດຍໃຫ້ກຽດເຂົ້າຮ່ວມທ່ານ ພັທ ອວດ ວົງໄຊ ຄະນະບໍລິຫານງານພັກ, ຫົວໜ້າຫ້ອງການເມືອງ ປກສ ແຂວງ, ມີ ຄະນະຈາກອົງການກາແດງແຂວງ, ປະທານສະຫະພັນແມ່ຍິງ ກອງບັນຊາການ ປກສ ແຂວງ, ເລຂາຊາວໜຸ່ມ ປກສ ແຂວງ ພ້ອມດ້ວຍສະມາຊິກຊາວໜຸ່ມ – ແມ່ຍິງອາສາສະໝັກບໍລິຈາກເລືອດ ເຂົ້າຮ່ວມ.
ສະຫາຍ ພັທ ກອງລະສັກ ສີສຸກລາດ ເລຂາຊາວໜຸ່ມ ປກສ ແຂວງ ໃນນາມປະທານພິທີ ໄດ້ກ່າວວ່າ: ເພື່ອເປັນການສ້າງຂະບວນການຂ່ຳນັບຮັບຕ້ອນ ວັນສຳຄັນຕ່າງໆຂອງຊາດ, ຂອງພັກ, ຂອງກຳລັງປະກອບອາວຸດ ເປັນຕົ້ນກໍ່ແມ່ນວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ, ວັນສ້າງຕັ້ງກໍາມະບານລາວຄົບຮອບ 66 ປີ, ວັນແມ່ຍິງສາກົນ ທີ 8 ມີນາ ທີ່ຈະມາເຖິງ ໃຫ້ມີບັນຍາກາດຟົດຟື້ນ, ກ້ວາງຂວາງ ແລະ ມີຄວາມໝາຍ, ຄວາມສໍາຄັນຢ່າງເລິກເຊິ່ງ.
ການບໍລິຈາກເລືອກໃນຄັ້ງນີ້ ກໍ່ເພື່ອແນ່ໃສ່ສະໜອງເລືອດໃຫ້ ບັນດາໂຮງໝໍແຫ່ງຕ່າງໆ ທັງຢູ່ສູນກາງກໍ່ຄືທ້ອງຖິ່ນ ໃຫ້ມີເລືອດໄວ້ຕອບສະໜອງຕາມຄວາມຕ້ອງການຂອງຄົນເຈັບ, ປັດຈຸບັນ ເຫັນວ່າຢູ່ໂຮງໝໍຫຼາຍແຫ່ງ ເລືອດແມ່ນມີຄວາມຂາດແຄນຫລາຍ, ເລືອດ ແມ່ນມີຄວາມສຳຄັນ ແລະ ຈໍາເປັນທີ່ສຸດ ເພື່ອໄປຊ່ວຍກອບກູ້ເອົາຊີວິດ ຜູ້ທີ່ພວມເຈັບປ່ວຍ, ໂດຍສະເພາະແມ່ນຜູ້ທີ່ຕ້ອງການເລືອດ.
ພ້ອມທັງສະແດງໃຫ້ເຫັນເຖິງນ້ຳໃຈເສຍສະຫຼະ ແລະ ນ້ຳໃຈສາມັກຄີຊ່ວຍເຫຼືອເຊິ່ງກັນ ແລະ ກັນ ໃນຍາມປະເທດຊາດ, ປະຊາຊົນ ກໍ່ຄືສັງຄົມ ພວມພົບຄວາມຫຍຸ້ງຍາກບໍ່ວ່າໃນໄລຍະຕໍ່ສູ້ກູ້ຊາດ ກໍ່ຄືໄລຍະປົກປັກຮັກສາ ແລະ ສ້າງສາພັດທະນາ ປະເທດຊາດ ຊາວໜຸ່ມປະຊາຊົນປະຕິວັດລາວພວກເຮົາແມ່ນກຽມພ້ອມປະຈັນບານ ໃນທຸກໜ້າທີ່ວຽກງານຂອງຊາວໜຸ່ມ ດ້ວຍຈິດໃຈຟົດຟື້ນປະຕິວັດ.
ການບໍລິຈາກເລືອດໃນຄັ້ງນີ້ໄດ້ມີຜູ້ບໍລິຈາກເລືອດ 11 ຄົນ ຍິງ 1 ຄົນ ໄດ້ເລືອດທັງໝົດຈໍານວນ 11 ຖົງ.
Users Today : 95
Users Yesterday : 487
This Month : 6583
This Year : 43988
Total Users : 430212
Who's Online : 7