ເພື່ອເປັນການສ້າງຂະບວນການ ຂໍ່ານັບຮັບຕ້ອນໃນບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ທິມງາມຊາວໜຸ່ມອາສາທົ່ວເມືອງວຽງທອງ ແຂວງບໍລິຄຳໄຊ ໄດ້ຮ່ວມໃຈປະກອບສ່ວນທຶນຮອນ ແລະ ເຫື່ອແຮງ ແບ່ງເບົາທາງດ້ານທີ່ຢູ່ອາໃສໃຫ້ແກ່ຄອບຄົວ ທ້າວ ໂສດ ຢູ່ບ້ານ ວັງຫີນ, ເມືອງວຽງທອງ, ແຂວງບໍລິຄໍາໄຊ ເຊີ່ງເປັນບຸກຄົນໜຶ່ງ ທີ່ບໍ່ມີເຮືອນຢູ່ຖາວອນ.
ດັ່ງນັ້ນ ມາໃນວັນທີ 29 ມັງກອນ 2021 ທີມງານຊາວໜຸ່ມອາສາ ຈຶ່ງໄດ້ລະດົມກັນປຸກເຮືອນຫຼັງໃໝ່ ໂດຍການຊີ້ນຳ-ນຳພາຂອງທ່ານ ເຄນພອນ ໄຊຍະຈັກ ເລຂາຊາວໜຸ່ມເມືອງ, ມີ ຊາວໜຸ່ມອາສາທຸກຂົງເຂດ ແລະ ອຳນາດການປົກຄອງບ້ານ, ຊາວໝຸ່ມບ້ານ ເຂົ້າຮ່ວມ.
ການສ້າງເຮືອນ ມີຂະໜາດ 4X4 ແມັດ, ມຸ້ງດ້ວຍສັງກະສີ, ແອ້ມດ້ວຍແປ້ນ, ໄດ້ຕິດຕັ້ງໄຟຟ້າລະບົບແສງອາທິດ ແລະ ສ້າງຫ້ອງນໍ້າ 1 ຫ້ອງ, ວັດຖຸອຸປະກອນ ທີ່ນໍາມາປຸກເຮືອນໃນຄັ້ງນີ້ແມ່ນໄດ້ລະດົມນໍາບັນດານັກທຸລະກິດ, ຜູ້ປະກອບການ, ພໍ່ຄ້າ-ຊາວຂາຍ ແລະ ການຊ່ວຍເຫຼືອຈາກເມືອງ ເຊີ່ງຄິດເປັນມູນຄ່າທັງໝົດ 7 ລ້ານກ່ວາກີບ.
ພາຍຫຼັງສ້າງສໍາເລັດແລ້ວ ກໍ່ໄດ້ມອບໃຫ້ຜູ້ກ່ຽວເປັນຜູ້ຢູ່ອາໃສ ແລະ ນໍາໃຊ້ຕໍ່ໄປ.
Users Today : 712
Users Yesterday : 446
This Month : 9010
This Year : 46415
Total Users : 432639
Who's Online : 2