ໃນວັນວັນທີ 22 ພະຈິກ 2022 ທ່ານ ພັນເອກ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງບໍລິຄໍາໄຊ ພ້ອມດ້ວຍຄະນະ ໄດ້ລົງໃຫ້ການຊ່ວຍເຫຼືອຄອບຄົວ ສະຫາຍ ຮ້ອຍຕີ ສໍາລານ ອິນທິລາດວົງສີ ນາຍຕໍາຫຼວດ ທີ່ສັງກັດຢູ່ ຫ້ອງ 504 ກອງບັນຊາການ ປກສ ແຂວງບໍລິຄໍາໄຊ ທີ່ຄອບຄົວໄດ້ຮັບຜົນກະທົບຈາກການເກີດອັກຄີໄພ-ໄຟໄໝ້ເຮືອນ ໃນຕອນບ່າຍວັນທີ 18 ພະຈິກ 2022.
ທ່ານ ພັນເອກ ກົງຈັນ ໄຊປັນຍາ ໄດ້ກ່າວວ່າ: ເພື່ອສະແດງຄວາມເປັນຫ່ວງເປັນໄຍຕໍ່ນາຍ ແລະ ພົນຕໍາຫຼວດໃນກໍາລັງປ້ອງກັນຄວາມສະຫງົບ ແຂວງບໍລິຄໍາໄຊ ທີ່ໄດ້ຮັບຜົນກະທົບຈາກການເກີດອັກຄີໄພ – ໄຟໄໝ້ເຮືອນ ຈຶ່ງໄດ້ປຸກລະດົມທຸກພາກສ່ວນການຈັດຕັ້ງ ແລະ ພະນັກງານ ພາຍໃນກຳລັງ ປກສ ແຂວງ ເພື່ອລະດົມທືນຮອນທາງດ້ານວັດຖຸອຸປະກອນ ແລະ ເງີນ ເພື່ອນໍາມາຊ່ວຍເຫຼືອໃນຄັ້ງນີ້.
ເງິນ ຈໍານວນ 17.000.000 ກີບ ທີ່ນຳມາມອບ ເປັນເງີນນະໂຍບາຍຈາກກອງບັນຊາການ ແລະ ຈາກບັນດາຫ້ອງ, ກອງ, ຄຸມຂັງ – ດັດສ້າງ, ໂຮງຮຽນ ແລະ ບັນດາດ່ານສາກົນ, ພ້ອມທັງອຸປະກອນຮັບໃຊ້ພາຍໃນເຮືອນຈໍານວນໜື່ງ ມາມອບໃຫ້ຜູ້ກ່ຽວພ້ອມດ້ວຍຄອບຄົວ ເພື່ອເປັນກໍາລັງໃຈ ແລະ ແບ່ງເບົາຄວາມທຸກໂສກ ໃນເບື້ອງຕົ້ນ.
ພ້ອມທັງສະແດງຄວາມເປັນຫ່ວງເປັນໄຍ ຕໍ່ກັບຄອບຄົວທີ່ໄດ້ຮັບຜົນກະທົບໃນຄັ້ງນີ້ ຍັງໄດ້ຮຽກຮ້ອງໃຫ້ສະຫາຍພ້ອມຄອບຄົວ ໃຫ້ມີແນວຄິດອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນນໍາພາຂອງການຈັດຕັ້ງ, ຈະສືບຕໍ່ໃຫ້ການຊ່ວຍເຫຼືອແຮງງານ ແລະ ທືນຮອນ ເພື່ອກໍ່ສ້າງສະຖານທີ່ພັກເຊົາທົດແທນ ເຮືອນທີ່ໄດ້ຮັບຜົນກະທົບຈາກເຫດການທີ່ໄດ້ສູນເສຍໄປແລ້ວນັ້ນ.
ໂອກາດດຽວກັນ ສະຫາຍ ຮ້ອຍຕີ ສໍາລານ ອິນທິລາດວົງສີ ຍັງໄດ້ກ່າວສະແດງຄວາມຮູ້ບຸນຄຸນ ແລະ ຂອບໃຈ ຕໍ່ຄະນະພັກ-ຄະນະກອງບັນຊາການ, ການຈັດຕັ້ງທຸກຂັ້ນ ທີ່ໄດ້ໃຫ້ການຊ່ວຍເຫຼືອແບ່ງເບົາຄວາມທຸກຄວາມໂສກ ແລະ ອົບອຸ່ນເປັນກໍາລັງໃຈ ໃຫ້ຄອບຄົວຜູ້ກ່ຽວ.
Users Today : 567
Users Yesterday : 446
This Month : 8865
This Year : 46270
Total Users : 432494
Who's Online : 10