ກອງປະຊຸມ ເຜີຍແຜ່ຄະນະກຳມະການສຶກສາອົບຮົມ ວຽກງານປ້ອງກັນຊາດ – ປ້ອງກັນຄວາມສະຫງົບຂັ້ນສູນກາງ ແລະ ເຄື່ອນໄຫວເກັບກຳຂໍ້ມູນຢູ່ ແຂວງບໍລິຄຳໄຊ ໄດ້ຈັດຂື້ນໃນວັນທີ 19 ມັງກອນ 2022 ຢູ່ທີ່ກອງບັນຊາການທະຫານແຂວງ ໂດຍເປັນກຽດເຂົ້າຮ່ວມຂອງທ່ານ ວັນສີ ກົ່ວມົ່ວ ກຳມະການສຳຮອງສູນກາງພັກ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຄະນະກໍາມະການສຶກສາອົບຮົມວຽກງານ ປກຊ – ປກສ ຂັ້ນສູນກາງ, ທ່ານ ຄໍາແຫວນ ປັນຍານຸວົງ ຄະນະປະຈຳພັກແຂວງ ຮອງເຈົ້າແຂວງ ປະທານຄະນະກໍາມະການສຶກສາອົບຮົມວຽກງານ ປກຊ – ປກສ ຂັ້ນແຂວງ, ພ້ອມດ້ວຍຄະນະຮັບຜິດຊອບ ເຂົ້າຮ່ວມ.
ການຈັດຕັ້ງປະຕິບັດ ການຮຽນ – ການສອນ ວິຊາສຶກສາປ້ອງກັນຊາດ – ປ້ອງກັນຄວາມສະຫງົບ ໃຫ້ແກ່ນັກຮຽນ – ນັກສຶກສາ ຢູ່ແຂວງບໍລິຄໍາໄຊ ແມ່ນໄດ້ຈັດຕັ້ງປະຕິບັດຢ່າງຕໍ່ເນື່ອງ ເຊີ່ງໄດ້ເລີ່ມແຕ່ປີ 2009 ເປັນຕົ້ນມາ ໂດຍໄດ້ຈັດຕັ້ງປະຕິບັດຕາມເນື້ອໃນຫຼັກສູດ ຂອງກະຊວງສຶກາທິການ ແລະ ກິລາວາງອອກ.
ປະຈຸບັນ ແມ່ນໄດ້ດໍາເນີນການຮຽນ – ການສອນຢ່າງເປັນລະບົບຄົບຖ້ວນ, ມີຈໍານວນໂຮງຮຽນ ມໍສ, ມໍປາຍ, ວິທະຍາໄລທັງພາກລັດ ແລະ ເອກະຊົນ 30 ແຫ່ງ, ມີຈໍານວນນັກຮຽນ ມໍປາຍ ໃນສົກປີຜ່ານມາ 8,648 ຄົນ, ຍິງ 4,417 ຄົນ, ນັກສຶກສາ 576 ຄົນ, ຍິງ 256 ຄົນ.
ເນື້ອໃນການຮຽນ – ການສອນ ວຽກງານປ້ອງກັນຊາດ – ປ້ອງກັນຄວາມສະຫງົບ ມໍ5 ມີ 4 ບົດ, ມໍ6 ມີ 5 ບົດ, ມໍ7 ມີ 3 ບົດ, ໂຮງຮຽນເຕັກນິກວິຊາຊີບ, ວິທະຍາໄລ ແລະ ໂຮງຮຽນການເມືອງ – ການປົກຄອງມີ 11 ບົດ.
ປະເມີນຜົນໄດ້ຮັບ ໃນການຈັດຕັ້ງປະຕິບັດການຮຽນ – ການສອນ, ນັກຮຽນຊັ້ນມັດທະຍົມ ພາກທິດສະດີ ສະເລ່ຍລວມ 80%, ພາກລະບຽບ ສະເລ່ຍລວມ 65%, ພາກສິນລະປະຍຸດ ສະເລ່ຍລວມ 70%, ພາກຍຸດທະວິທີ ສະເລ່ຍລວມ 60%.
ນັກສຶກສາທັງພາກລັດ ແລະ ເອກະຊົນ, ພາກທິດສະດີ ສະເລ່ຍ 85%, ພາກລະບຽບ ສະເລ່ຍລວມ 75%, ພາກສິນລະປະຍຸດ ສະເລ່ຍລວມ 70%, ພາກຍຸດທະວິທີ ເກັ່ງ ຈໍານວນ 17 ຄົນ 2,95%, ຈໍານວນ 163 ຄົນ 28,29%, ຄາດໝາຍ ຈໍານວນ 396 ຄົນ 68,75%.
Users Today : 136
Users Yesterday : 209
This Month : 7561
This Year : 44966
Total Users : 431190
Who's Online : 8