ເມືອງວຽງທອງ ເປີດວຽກງານກໍ່ສ້າງຮາກຖານການເມືອງ ເຂດຈຸດສຸມໃຈກາງ ບ້ານ ນາໂທ ແລະ ບ້ານ ຜາບໍ

ວັນທີ 15 ມິຖຸນາ 2020 ຢູ່ທີ່ຫ້ອງການບ້ານ ນາໂທ ແລະ ບ້ານ ຜາບໍ ເມືອງວຽງທອງ, ແຂວງ ບໍລິຄໍາໄຊ ໄດ້ຈັດພິທີເປີດການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ເຂດຈຸດສຸມຫຼໍ່ແຫຼມໃຈກາງ ບ້ານ ນາໂທ ແລະ ບ້ານ ຜາບໍ ໂດຍເປັນກຽດເຂົ້າຮ່ວມຂອງ ທ່ານ ຄຳມອນ ໄຊພົມມີ ຮອງເລາພັກເມືອງວຽງທອງ, ທ່ານ ພັທ ຈອນ ອຸດລາຍັນ ຫົວໜ້າກອງບັນຊາການ ປກສ ເມືອງ, ທ່ານ ພັທ ໜາວຕູ້ ກາງປາວວື່ ຫົວໜ້າການທະຫານກອງບັນຊາການທະຫານເມືອງ, ມີຄະນະທີມງານພະນັກງານຮາກຖານທີ່ລົງປະຈໍາບ້ານ, ການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນພາຍໃນ 2 ບ້ານ ເຂົ້າຮ່ວມ.

ໃນພິທີ ໄດ້ຜ່ານຂໍ້ຕົກລົງຂອງ ທ່ານ ເຈົ້າແຂວງເລກທີ 153/ຂບຊ ແລະ ຂໍ້ຕົກລົງຂອງ ທ່ານ ເຈົ້າເມືອງ ເລກທີ 308/ຈມ.ວທ ວ່າດ້ວຍການແຕ່ງຕັ້ງຄະນະຊີ້ນໍາລວມຢູ່ຂັ້ນແຂວງ-ຂັ້ນເມືອງ ລົງປະຕິບັດຕົວຈິງຢູ່ເຂດຈຸດສຸມຫຼໍ່ແຫຼມ, ໄດ້ຜ່ານເອກະສານກ່ຽວກັບສະພາບການຂອງໂລກ ແລະ ພາກພື້ນ ໂດຍສະເພາະແມ່ນກົນອຸບາຍຂອງສັດຕູ, ອິດທິກໍາລັງປໍລະປັກຕໍ່ປະເທດເຮົາ, ຜ່ານທິດທາງໜ້າທີ່ ,ວິທິຊີ້ນໍາການຕໍ່ສູ້ ແລະ ບັນດາວຽກງານ ປ້ອງກັນຄວາມສະຫງົບ ໃນສະພາບການໃໝ່ ແລະ ຜ່ານບັນດາເອກະສານ ເປັນຕົ້ນແມ່ນ: ມະຕິ 103/ກມສພ ວ່າດ້ວຍການເພີ່ມທະວີ ວຽກງານປ້ອງກັນຄວາມສະຫງົບໃນສະພາບການໃໝ່, ເອກະສານ ຕ້ານຍຸດທະສາດຫັນປ່ຽນ ໂດຍສັນຕິຂອງສັດຕູ້, ດຳລັດເລກທີ 315/ລບ ວ່າດ້ຍການຄຸ້ມຄອງ ແລະ ປົກປ້ອງການເຄື່ອນໄຫວສາສະໜາຢູ່ ສປປ ລາວ, ບັນດານິຕິກໍາທີ່ ກ່ຽວພັນກັບ ການກະທໍາຜິດທາງອາຍາ ໂດຍສະເພາະແມ່ນບັນຫາ 4 ເຖື່ອນ, ການປູກສິ່ງທີ່ຜິດກົດໝາຍ, ການຄ້າ-ຂາຍສິ່ງເສບຕິດ, ການລ່າສັດຫວງຫ້າມ, ການທໍາລາຍປ່າໄມ້ ແລະ ການກໍ່ຄວາມວຸ້ນວາຍໃນສັງຄົມ ທີ່ຜິດຕໍ່ລະບຽບກົດໝາຍ. ຈຸດປະສົງ ກໍ່ເພື່ອລົງຕິດຕາມກວດກາ ແລະ ແກ້ໄຂບັນດາເປົ້າໝາຍໜໍ່ແໜງ, ປະກົດການຫຍໍ້ທໍ້ຕ່າງໆ ພາຍໃນບ້ານໃຫ້ມີຄວາມສະຫງົບສຸກ ຕາມແຜນຍຸດທະສາດ ຂອງພັກລັດວາງອອກ.

About admins12