ປະກາດສ້າງຕັ້ງຄະນະພັກຮາກຖານພະແນກແຜນການ ແລະ ການລົງທຶນແຂວງ

ພິທີປະກາດສ້າງຕັ້ງຄະນະພັກຮາກຖານ ພະແນກແຜນການ ແລະ ການລົງທຶນແຂວງ ໄດ້ຈັດຂຶ້ນ ໃນວັນທີ່ 12 ມິຖຸນາ 2020 ຢູ່ຫ້ອງປະຊຸມພະແນກຂອງຕົນ ໃຫ້ກຽດເຂົ້າຮ່ວມຂອງ ສະຫາຍ ບຸນເສັງ ປະທໍາມະວົງ ຄະນະປະຈໍາພັກແຂວງ ຮອງເຈົ້າແຂວງບໍລິຄໍາໄຊ ມີບັນດາເລຂາໜ່ວຍພັກ ທັງສາມໜ່ວຍທີ່ຂື້ນກັບຮາກຖານພັກ, ສະມາຊິກພັກພາຍໃນ ແລະ ຮາກຖານພັກອ້ອມຂ້າງເຂົ້າຮ່ວມ.

ໃນພິທີ ສະຫາຍ ວັນໄຊ ເງຍຈັນທິສອນ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການອະນຸມັດສ້າງຕັ້ງຄະນະພັກ ຮາກຖານພະແນກແຜນການ ແລະ ການລົງທຶນແຂວງ ອິງຕາມກົດລະບຽບ ຂອງພັກປະຊາຊົນ ປະຕິວັດລາວສະໄໝທີ X ໜວດທີ VI ມາດຕາ 29 ຂໍ້ 4 ວ່າດ້ວຍທີ່ຕັ້ງ ແລະ ຫຼັກການຈັດຕັ້ງຮາກຖານພັກ ອິງຕາມໃບສະເໜີຂອງຄະນະຈັດຕັ້ງແຂວງ ສະບັບເລກທີ່ 356/ຄຈ,ຂບຊ, ລົງວັນທີ 21 ເມສາ 2020 ຄະນະປະຈໍາພັກແຂວງບໍລິຄໍາໄຊ ຕົກລົງເຫັນດີອະນຸມັດ ສ້າງຕັ້ງຄະນະພັກຮາກຖານ ພະແນກແຜນການ ແລະ ການລົງທຶນແຂວງບໍລິຄໍາໄຊ ເຊີ່ງປະກອບມີ 3 ໜ່ວຍພັກຂື້ນກັບຄື: ໜ່ວຍພັກບໍລິຫານ, ສົ່ງເສີມ ແລະ ຮ່ວມມືສາກົນ, ໜ່ວຍພັກກວດກາ, ແຜນການ, ປະເມີນຜົນ ແລະ ໜ່ວຍພັກສູນສະຖິຕິປະຈໍາແຂວງບໍລິຄໍາໄຊ ພ້ອມທັງເຫັນດີ ບົ່ງຕົວແຕ່ງຕັ້ງຄະນະພັກ ຮາກຖານພະແນກແຜນການ ແລະ ການລົງທຶນແຂວງ ຈໍານວນ 5 ສະຫາຍຄື: ສະຫາຍ ເລື່ອນວິໄລ ຈັນທະລາພັນ ເປັນເລຂາຄະນະພັກຮາກຖານ, ສະຫາຍ ເນດສາຄອນ ໂນວັນນະຈິດ ເປັນຮອງເລຂາຄະນະພັກຮາກຖານ, ສະຫາຍ ບຸນຍອດ ລໍວັນໄຊ ເປັນຜູ້ກວດກາ, ສະຫາຍ ບົວໄຂ ວົງສົມພູ ສະຫາຍ ພັນແສງ ວິພາວັນ ເປັນກໍາມະການຄະນະພັກຮາກຖານ ແລະ ບົ່ງໂຕແຕ່ງຕັ້ງ ສະຫາຍ ນາງ ນິດດາພອນ ໄຊຍະພອນ ເປັນຮອງປະທານກວດກາ ຄະນະພັກຮາກຖານ ພະແນກແຜນການ ແລະ ການລົງທຶນແຂວງ ແລະ ຍົກຍ້າຍທ່ານ ນາງ ແກ້ວວິໄລ ບຸນໂຮມ ຮອງຫົວໜ້າພະແນກແຜນການ ແລະ ການລົງທຶນແຂວງ ໄປປະຈໍາການຮັບໜ້າທີ່ໃໝ່ ຢູ່ອົງການກວດກາລັດແຂວງ, ຕົກລົງແຕ່ງຕັ້ງ ທ່ານ ພັນແສງ ວິພາວັນ ເປັນຮອງຫົວໜ້າ ພະແນກແຜນການ ແລະ ກາລົງທຶນແຂວງບໍລິຄໍາໄຊ.

ຫຼັງຈາກນັ້ນຍັງໄດ້ມີພິທີມອບໃບຢັ້ງຢຶນໜ່ວຍພັກປອດໃສເຂັ້ມໜັກແໜ້ນ ໃຫ້ແກ່ 2 ໜ່ວຍພັກ ພ້ອມທັງໃບຍ້ອງຍໍໃຫ້ແກ່ພະນັກງານ-ລັດຖະກອນ ທີ່ມີຜົນງານດີເດັ່ນ ໃນການປະກອບສ່ວນ ເຂົ້າໃນວຽກງານໄລຍະຜ່ານມາ ຈໍານວນ 26 ທ່ານ ກອງປະຊຸມຄັ້ງນີ້ ຍັງໄດ້ປ່ອນບັດເອົາຜູ້ແທາສົມບູນ ເພື່ອເຂົ້າຮ່ວມກອງປະຊຸມໃຫຍ່ອົງຄະນະພັກແຂວງບໍລິຄໍາໄຊ ຄັ້ງທີ່ VII ເຊີ່ງຈະໄຂຂຶ້ນໃນຕໍ່ໜ້ານີ້.

About admins12