ກະຊວງສຶກສາທິການ ແລະ ກິລາ ລົງຕິດຕາມການສອບເສັງຈົບຊັ້ນ ມໍ.7

ໃນຕອນເຊົ້າຂອງວັນທີ 15 ກໍລະກົດ 2022 ທ່ານ ໄຊຍະກອນ ປັນຍາທອນ ຕາງໜ້າກະຊວງສຶກສາທິການ ແລະ ກິລາ ຜູ້ຮັບຜິດສອບສູນສອບເສັງທົ່ວແຂວງບໍລິຄຳໄຊ ແລະ ທ່ານໂພເພັດກຸນນາວົງ ຮອງຫົວໜ້າພະແນກສຶກສາທິການ ແລະ ກິລາແຂວງບໍລິຄຳໄຊ ພ້ອມດ້ວຍຄະນະ ໄດ້ລົງຕິດຕາມສູນສອບເສັງຈົບຊັ້ນມັດທະຍົມຕອນປາຍ ມໍ.7 ຢູ່ເມືອງຄຳເກີດ ໂດຍມີຄະນະກຳມະການຊີ້ນຳລວມການສອບເສັງ ພ້ອມດ້ວຍອຳນວຍການໂຮງຮຽນ ເຂົ້າຮ່ວມ.

ການລົງຕິດຕາມການສອບເສັງຈົບຊັ້ນມັດທະຍົມຕອນປາຍ ມໍ.7 ແມ່ນໄດ້ລົງຕິດຕາມ 2 ສູນທົ່ວເມືອງ ຄື: ສູນສອບເສັງ ມໍສໍ ຊົນເຜົ່າ ແລະ ສູນ ມໍສໍ ນະຄອນໄຊ, ໂອກາດນີ້ ທ່ານຍັງໄດ້ຮັບຟັງການລາຍງານສະພາບລວມຂອງການສອບເສັງທັງສອງສູນ, ການສອບເສັງໃນຄັ້ງນີ້ ແມ່ນມີຄວາມເປັນລະບຽບຮຽບຮ້ອຍດີ, ນັກສອບເສັງມາຕາມໂມງ – ເວລາທີ່ກຳນົດ ແລະ ປະຕິບັດກົດລະບຽບການສອບເສັງໄດ້ດີ.

• Facebook
• Twitter
• Line