ໃນວັນທີ 12 ພຶດສະພາ 2020 ຢູ່ຫ້ອງປະຊຸມຊັ້ນ III ຫ້ອງວ່າການປົກຄອງ ເມືອງ ວຽງທອງ, ແຂວງ ບໍລິຄໍາໄຊ ໄດ້ມີພິທີປັບປຸງການຈັດຕັ້ງພະນັກງານນໍາພາ-ຄຸ້ມຄອງຂອງເມືອງ ໂດຍເປັນກຽດເຂົ້າຮ່ວມຂອງ ທ່ານ ວົງສີ ທອງສີອິນທິປັນຍາ ກໍາມະການພັກແຂວງ, ເລຂາພັກເມືອງ ເຈົ້າເມືອງວຽງທອງ,ມີຄະນະປະຈໍາພັກເມືອງ, ກໍາມະການພັກເມືອງ,ຫົວໜ້າຫ້ອງການ, ຮອງຫ້ອງການ, ແລະ ພະນັກງານຫຼັກແຫຼ່ງເຂົ້າຮ່ວມ.

 

 ອີງຕາມກົດໝາຍວ່າດ້ວຍພະນັກງານລັດຖະກອນສະບັບ ເລກທີ 74/ສພຊ, ລົງວັນທີ 18 ທັນວາ 2018 , ອີງຕາມຜົນສໍາເລັດກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງວຽງທອງ ຄັ້ງວັນທີ 11-12 ກຸມພາ 2020 ແລະ ອີງຕາມການຄົ້ນຄ້ວາຕົກລົງເຫັນດີປັບປຸງຊັບຊ້ອນ, ຍົກຍ້າຍໜ້າທີ່ ແລະ ບ່ອນປະຈໍາການຂອງພະນັກງານນໍາພາ-ຄຸ້ມຄອງ ບາງຫ້ອງການ ຄື: ສະຫາຍ ສົມໃຈ ຊົງລາວ່າງ ຮອງເລຂາພັກເມືອງ, ປະທານແນວລາວສ້າງຊາດ, ຍ້າຍໄປປະຈໍາການຢູ່ຫ້ອງການກວດກາພັກ-ລັດເມືອງ ເປັນປະທານ, ສະຫາຍ ວັນຄໍາ ເພັດໄຊຍະວົງ ຄະນະປະຈໍາພັກເມືອງ, ປະທານກວດກາພັກ-ລັດເມືອງ, ຍ້າຍໄປປະຈໍາການຢູ່ຫ້ອງການແນວລາວສ້າງຊາດເມືອງ ເປັນປະທານ, ສະຫາຍ ດວງໃຈ ພົມມີໄຊ ກໍາມະການພັກເມືອງ, ຫົວໜ້າຫ້ອງການ-ການເງິນ ປະຈຸບັນເປັນຄະນະປະຈໍາພັກເມືອງ ຍ້າຍໄປປະຈໍາການຢູ່ຫ້ອງການໂຄສະນາ-ອົບຮົມ ເປັນຫົວໜ້າ, ສະຫາຍ ບົວພັນ ອິນຄໍາມະວົງ ກໍາມະການພັກເມືອງ ຫົວໜ້າຫ້ອງວ່າການເມືອງ ເປັນຮອງເຈົ້າເມືອງ ຊີ້ນໍາຂົງເຂດວັດທະນະທໍາ-ສັງຄົມ ແລະ ການປົກຄອງຂັ້ນເມືອງ, ສະຫາຍ ສົມພອນ ລາດຊະວົງ ກໍາມະການພັກເມືອງ ຫົວໜ້າຫ້ອງການແຮງງານ ແລະ ສະຫວັດດີການ-ສັງຄົມ ຍ້າຍໄປປະຈໍາການຢູ່ຫ້ອງວ່າການເມືອງ ເປັນຫົວໜ້າ, ສະຫາຍ ນາງ ພູວາ ຈັນທະສອນ ກໍາມະການພັກເມືອງ ປະທານສະຫະພັນກໍາມະບານເມືອງ ຍ້າຍໄປປະຈໍາການຢູ່ຫ້ອງການແຮງງານ ແລະ ສະຫວັດດີການ-ສັງຄົມ  ເປັນຫົວໜ້າ, ສະຫາຍ ດາ ເຈີຕົງວ່າງ ຫົວໜ້າຄະນະໂຄສະນາ-ອົບຮົມເມືອງ ຍ້າຍໄປປະຈໍາການຢູ່ຫ້ອງການສະຫະພັນກໍາມະບານເມືອງ ເປັນປະທານ, ສະຫາຍ ຕຽງ ໄຊຍະສານ ຫົວໜ້າຫ້ອງການຍຸຕິທໍາ ປະຈຸບັນ ກໍາມະການພັກເມືອງ ຍ້າຍໄປປະຈໍາການຢູ່ບ້ານຫ້ວຍຫອຍ ເປັນນາຍບ້ານ, ສະຫາຍ ບີ້ ສຸລິ ຮອງຫົວໜ້າຫ້ອງການເງິນ ແຕ່ງຕັ້ງເປັນຜູ້ຮັກສາການຫົວໜ້າຫ້ອງການເງິນເມືອງ, ສະຫາຍ ບຸນມາ ຢົ້ງໜ້າວ່າງ ຮອງຫົວໜ້າຫ້ອງການຍຸຕິທໍາເມືອງ ແຕ່ງຕັ້ງເປັນຜູ້ຮັກສາການຫົວໜ້າຫ້ອງການຍຸຕິທໍາເມືອງ, ສະຫາຍ ເພຍວ່າງ ວ່າງເຊົ່າ ຫົວໜ້າໜ່ວຍງານບໍລິຫານຫ້ອງການຊັບພະຍາກອນ ແລະສິ່ງແວດລ້ອມເມືອງ ແຕ່ງຕັ້ງເປັນຮອງຫົວໜ້າຫ້ອງການຊັບພະຍາກອນ ແລະ ສິ່ງແວດລ້ອມເມືອງ, ສະຫາຍ ວົງວິໄລ ທິບສີດາຄົມ ຮັກສາການຫົວໜ້າຫ້ອງການພະລັງງານ ແລະ ບໍ່ແຮ່ ຂຶ້ນເປັນຫົວໜ້າຫ້ອງການ.