ໂດຍປະຕິບັດຕາມມະຕິຕົກລົງຂອງຄະນະປະຈໍາພັກເມືອງວຽງທອງ ເລກທີ 93/ຄປພ.ມວທ, ລົງວັນທີ 21 ເມສາ 2020 ວ່າດ້ວຍການປັບປຸງຊັບຊ້ອນ, ຍົກຍ້າຍບ່ອນປະຈໍາການຂອງພະນັກງານ ໃນວັນທີ 19 ພຶດສະພາ 2020 ຢູ່ທີ່ຫ້ອງປະຊຸມຊັ້ນ 3 ສໍານັກງານຫ້ອງວ່າການປົກຄອງເມືອງວຽງທອງ ແຂວງບໍລິຄໍາໄຊ ໄດ້ມີພິທີມອບ-ຮັບໜ້າທີພະນັກງານນໍາພາ-ຄຸ້ມຄອງ ລະຫວ່າງຜູ້ເກົ່າ-ຜູ້ໃໝ່ ຂຶ້ນ ໂດຍໃຫ້ກຽດເຂົ້າຮ່ວມຂອງ ທ່ານ ວົງສີ ທອງສີອິນທິປັນຍາ ກໍາມະການພັກແຂວງ ເລຂາພັກເມືອງ ເຈົ້າເມືອງວຽງທອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ຮອງຫ້ອງການ, ບັນດາຫ້ອງການອອ້ມຂ້າງ ເຂົ້າຮ່ວມ.

 

 

ເພື່ອເປັນການປັບປຸງລະບົບກົງຈັກການຈັດຕັ້ງລັດໃຫ້ມີຄວາມສອດຄ່ອງກັບສະພາບຄວາມເປັນຈິງ ໃຫ້ພະນັກງານຄຸ້ມຄອງນຳພາແຕ່ລະພາກສ່ວນ ໄດ້ທຸ່ມເທທັງກາຍ ແລະ ໃຈ ເຂົ້າໃສ່ວຽກງານທີ່ຕົນຮັບຜິດຊອບ ດ້ວຍຄວາມຮູ້ ຄວາມສາມາດຂອງຕົນ ໂດຍໄດ້ມີການມອບ - ຮັບໜ້າທີ່ ຂອງບັນດາຫ້ອງການພາຍໃນເມືອງ ຄື: ທ່ານ ບົວພັນ ອິນຄໍາມະວົງ ຫົວໜ້າຫ້ອງວ່າການຜູ້ເກົ່າ ແລະ ທ່ານ ສົມພອນ ລາດຊະວົງ ຫົວໜ້າຫ້ອງວ່າການຜູ້ໃໝ່, ທ່ານ ສົມພອນ ລາດຊະວົງ ຫົວໜ້າຫ້ອງການແຮງງານສະຫວັດດີການ-ສັງຄົມຜູ້ເກົ່າ ແລະ ທ່ານ ນາງ ພູວາ ຈັນທະສອນ ຫົວໜ້າຫ້ອງການແຮງງານສະຫວັດດີການ-ສັງຄົມຜູ້ໃໝ່, ທ່ານ ນາງ ພູວາ ຈັນທະສອນ ປະທານສະຫະພັນກໍາມະບານເມືອງຜູ້ເກົ່າ ແລະ ທ່ານ ດາ ເຈີ່ຕົ່ງວ່າງ ປະທານສະຫະພັນກໍາມະບານຜູ້ໃໝ່, ທ່ານ ດາ ເຈີ່ຕົ່ງວ່າງ ຫົວໜ້າຄະນະໂຄສະນາອົບຮົມຜູ້ເກົ່າ ແລະ ທ່ານ ດວງໃຈ ພົມມີໄຊ ຫົວໜ້າຄະນະໂຄສະນາອົບຮົມຜູ້ໃໝ່,  ທ່ານ ດວງໃຈ ພົມມີໄຊ ຫົວໜ້າຫ້ອງການເງິນຜູ້ເກົ່າ ແລະ ທ່ານ ບິ້ ສຸລິ ຮັກສາການຫົວໜ້າຫ້ອງການເງິນເມືອງ, ໂດຍຊ່ອງໜ້າທ່ານ ວົງສີ ທອງສີອິນທິປັນຍາ ເຈົ້າເມືອງວຽງທອງ ແລະ ບັນດາຫົວໜ້າຫ້ອງການ, ພະນັກງານພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.