ກອງປະຊຸມເປີດກ້ວາງຄົບຄະນະບໍລິຫານງານເມືອງປາກຊັນ ຄັ້ງທີ II ສະໄໝທີ VII ໄດ້ໄຂຂຶ້້ນຢ່າງເປັນທາງການໃນ ວັນທີ 12 ແລະ ສຳເລັດລົງຕອນແລງຂອງວັນທີ 13 ພຶດສະພາ 2020 ທີ່ສະໂມສອນໃຫຍ່ຫ້ອງວ່າການເມືອງປາກຊັນ ໂດຍພາຍໃຕ້ການເປັນປະທານຂອງ ສະຫາຍ ໄມຈອມ ວັນນະສານຄຳ ກຳມະການພັກແຂວງ, ເລຂາຄະນະບໍລິຫານງານພັກເມືອງ, ເຈົ້້າເມືອງປາກຊັນ, ເປັນກຽດເຂົ້້າຮ່ວມຂອງ ສະຫາຍ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ ມີຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກ, ນາຍບ້ານ 54 ບ້ານທົ່ວເມືອງປາກຊັນ ເຂົ້າຮ່ວມ.

ໃນກອງປະຊຸມ ຜູ້ເຂົ້າຮ່ວມໄດ້ຮັບຟັງຮ່າງບົດສະຫລຸບຕີລາຄາຄືນ ການຜັນຂະຫຍາຍ ແລະ ການປະຕິບັດມະຕິກອງປະຊຸມໃຫຍ່ຄັ້ງທີ 7 ຂອງອົງຄະນະພັກເມືອງ ໄລຍະ 3 ເດືອນຜ່ານມາ, ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 2020 ແລະ ທິດທາງຕໍ່ໜ້າ, ຕີລາຄາຄືນຕໍ່ວຽກງານຮາກຖານການເມືອງ ພັດທະນາຊົນນະບົດ ແລະ ວຽກງານການປ້ອງກັນ, ຄວບຄຸມ, ແລະ ແກ້ໄຂການລະບາດຂອງເຊື້ອພະຍາດໂຄວິດ 19 ພ້ອມທັງຕີລາຄາຄືນການຈັດຕັ້ງປະຕິບັດວຽກງານອື່ນໆ ແລະ ບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນຢູ່ໃນສັງຄົມ ເວົ້າລວມ, ເວົ້້າສະເພາະ ຢູ່ພາຍໃນເມືອງປາກຊັນ ແລະ ບັນດາພາຍໃນບ້ານຂອງຕົນ ເພື່ອພ້ອມກັນເອົາໃຈໃສ່ປັບປຸ່ງ, ແກ້ໄຂ ແລະ ຈັດຕັ້ງປະຕິບັດຕາມທິດທາງແຜນການທີ່ຄາດໝາຍໄວ້ ໃຫ້ສຳເລັດດີຂຶ້ນ.