ໃນວັນທີ 13 ພຶດສະພາ 2020 ຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍລິຄຳໄຊ, ບໍລິສັດ ຊີເອັສຊີ ຄອມເພລັກເຊັນເຕີ ( CSC Complex Center ) ໄດ້ນຳເອົາໂທລະໂຄ່ງ MISUMI MP-7 ຈຳນວນ 3 ໜ່ວຍ ມາມອບໃຫ້ແກ່ພະແນກ ຖວທ ແຂວງ ລວມມູນຄ່າ 885.000 ກີບ, ຕາງໜ້າມອບໂດຍທ່ານ ສາດຕະສິນ ວິໄລຈິດ ແລະ ໃຫ້ກຽດຮັບໂດຍທ່ານ ສົນທອງ ວີບຸນກວ້າງ ຮອງຫົວໜ້າພະແນກ ຖວທ ແຂວງບໍລິຄຳໄຊ ຊ້ອງໜ້າຂອງພະນັກງານທັງສອງຝ່າຍເຂົ້າຮ່ວມເປັນສັກຂີພິຍານ.

     ໂອກາດ​ນີ້ ​ທ່ານ ສົນທອງ ວີບຸນກວ້າງ ກໍ່ໄດ້ກ່າວຄຳຂອບໃຈ ທີ່ບໍລິສັດດັ່ງກ່າວ ທີ່ເປັນສ່ວນໜຶ່ງໃນການປະກອບສ່ວນເຂົ້າໃນການເຄື່ອນໄຫວວຽກງານຂອງພັກ-ລັດ ກໍ່ຄືຂອງພະແນກ ຖວທ ແຂວງ ພ້ອມນີ້ ຈະນຳໃຊ້ເຄື່ອງດັ່ງກ່າວໃຫ້ເກີດຜົນປະໂຫຍດສູງສຸດ.