ໃນວັນທີ 12 ພຶດສະພາ 2020 ຢູ່ຫ້ອງວ່າການແຂວງ ທ່ານ ນາງ ບຸນໂຮມ ເຮືອງສີໄຊຍະສິດ ຕາງໜ້າບໍລິສັດສະແກນເນີ່ປະກອບໝໍ້ ຫຼັກ 20 ໄດ້ນຳເງິນສົດຈຳນວນ 3.000.000 ກີບ ແລະ ເຄື່ອງຊ່ວຍເຫຼືອປະເພດນ້ຳດື່ມ, ຜ້າປິດປາກ ແລະ ເຈວລ້າງມື ມູນຄ່າ 2.075.000 ກີບ ລວມທັງໝົດ 5.075.000 ກີບ ເພື່ອປະກອບສ່ວນໃຫ້ແຂວງບໍລິຄຳໄຊ ໃນການປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດອັກເສບປອດ ເຊື້ອຈຸລະໂລກສາຍພັນໃໝ່ໂຄວິດ-19 ແລະ ຕາງໜ້າກ່າວຮັບໂດຍ ທ່ານ ບຸນສົງ ເພັດຈະເລີນ ຫົວໜ້າຫ້ອງວ່າການແຂວງ ມີພາກສ່ວນທີ່ກຽ່ວຂ້ອງ ເຂົ້າຮ່ວມເປັນສັກຂີພິຍານ.

     ໃນໂອກາດ​ນີ້​ ທ່ານ ບຸນສົງ ເພັດຈະເລີນ ກໍ່ໄດ້ກ່າວຄຳຂອບໃຈຕໍ່ບໍລິສັດສະແກນເນີ່ ທີ່ເປັນສ່ວນໜຶ່ງໃນການປະກອບສ່ວນຊຸກຍູ້ ແຂວງບໍລິຄຳໄຊໃນການເຄື່ອນໄຫວປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ COVID-19 ໃນຄັ້ງນີ້.