ກອງປະຊຸມໃຫຍ່ ຄັ້ງທີ V ຂອງໜ່ວຍພັກຮາກຖານອົງການໄອຍະການປະຊາຊົນແຂວງ ບໍລິຄຳໄຊ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 17 ມີນາ 2020 ນີ້ ຢູ່ທີຫ້ອງປະຊຸມຊັ້ນ 2 ຂອງອົງການໄອຍະການປະຊາຊົນແຂວງ ໂດຍພາຍໃຕ້ການເປັນປະທານຂອງ ສະຫາຍ ທອງໃບ ພຽນວົງ ເລຂາໜ່ວຍພັກຮາກຖານ ຫົວໜ້າອົງການໄອຍະການປະຊາຊົນແຂວງບໍລິຄຳໄຊ ໂດຍການເປັນກຽດເຂົ້າຮ່ວມ ຂອງ ສະຫາຍ ບຸນມາ ບຸຈະເລີນ ຮອງເລຂາພັກແຂວງ, ຮອງເຈົ້າແຂວງບໍລິຄຳໄຊ, ພະນັກງານອາວຸໂສບໍານານ,  ແຂກຖືກເຊີນ ຜູ້ແທນສົມບູນ  ເຂົ້າຮ່ວມ 30 ສະຫາຍ ຍິງ 05 ສະຫາຍ.

          ສະຫາຍ ບຸນຜັນ ທຳມະວົງ ຮອງເລຂາໜ່ວຍພັກຮາກຖານ, ຮອງຫົວໜ້າອົງການໄອຍະການປະຊາຊົນແຂວງ ໄດ້ຂຶ້ນຜ່ານບົດລາຍງານການເມືອງທັງສອງພາກ ເຊິ່ງໄດ້ຍົກໃຫ້ເຫັນ ທີ່ຕັ້ງ ແລະ ຈຸດພິເສດ ສະພາບລວມຂອງໜ່ວຍພັກ ມິພາລະບົດບາດ ຊີ້ນຳ - ນຳພາ ວຽກງານອົງການໄອຍະການປະຊາຊົນແຂວງ ແລະ ໄອຍະການປະຊາຊົນເຂດ ໃນຂອບເຂດທົ່ວແຂວງ ໂດຍເຮັດໜ້າທີ່ຕິດຕາມກວດກາ ການປະຕິບັດກົດໝາຍໃຫ້ມີຄວາມຖືກຕ້ອງເປັນເອກະພາບກັນໃນທົ່ວສັງຄົມ ແລະ ສັ່ງຟ້ອງຜູ້ຖືກຫາຂຶ້ນສານໃຫ້ຖືກຕ້ອງ ຕາມກົດໝາຍ, ໜ່ວຍພັກຮາກຖານອົງການໄອຍະການປະຊາຊົນປະກອບມີ ຄະນະພັກ 03 ສະຫາຍ, ສະມາຊິກພັກ 17 ສະຫາຍ ມີໜ້າຕົວຈິງ 16 ສະຫາຍ , ຍິງ 05 ສະຫາຍ ມີສະມາຊິກພັກໄດ້ຮັບການຕີລາຄາ 16 ສະຫາຍ, ຍິງ 05 ສະຫາຍ 01 ສະຫາຍໄປຍົກລະດັບທິດສະດີ, ຕະຫຼອດໄລຍະ 05 ປີ ຜ່ານມາ ຄະນະພັກໄດ້ເອົາໃຈໃສ່ ແລະ ຊຸກຍູ້ສະມາຊິກພັກ, ພະນັກງານລັດຖະກອນ ສຶກສາອົບຮົມການເມືອງແນວຄິດເປັນປະຈຳ ໄດ້ເຊື່ອມຊືມ ແນວທາງນະໂຍບາຍຂອງພັກ ລະບຽບກົດໝາຍຂອງລັດ, ມະຕິຄຳສັ່ງຕ່າງໆຂອງຂັ້ນເທິ່ງເປັນປະຈຳ, ເປັນຕົ້ນແມ່ນມະຕິກອງປະຊຸມໃຫຍ່ຄັ້ງ x ຂອງສູນກາງພັກ, ມະຕິ Vl ຂອງອົງຄະນະພັກແຂວງບໍລິຄຳໄຊ ເຮັດໃຫ້ສະມາຊິກພັກ, ພະນັກງານມີແນວຄິດການເມືອງໜັກແໜ້ນ ແລະ ອຸດົມການສັງຄົມນິຍົມ, ຮັກສາໄດ້ຄວາມສາມັກຄີພາຍໃນ ແລະ ພາຍນອກ, ກໍ່ສ້າງຝຶກຝົນຫຼໍ່ຫຼອມຕົນເອງທາງດ້ານວິຊາສະພາະ ກໍ່ຄືດ້ານຂະບວນການຕ່າງໆ ສູ້ຊົນບຸກບືນຜ່ານຜ່າຄວາມຫຍ້ງຍາກທຸກປະການ, ຈາກພຶດຕິກຳດັ່ງກ່າວຈຶ່ງເຮັດໃຫ້ການເຄື່ອນໄຫວວຽກງານຕ່າງໆໄດ້ດຳເນີນໄປໄດ້ຢ່າງເປັນປົກກະຕິ ແລະ ມີຜົນສຳເລັດຕາມຄາດໝາຍ, ໄດ້ຮັບສຳນວນຄະດີອາຍາຂັ້ນຕົ້ນ ແລະ ຂັ້ນອຸທອນ 1.176 ເລື່ອງ, ແກ້ໄຂໄດ້ 1.158 ເລື່ອງ, ໃນນັ້ນ ໄດ້ຖະແຫຼງໃຫ້ສານຕັດສິນ 1.025 ເລື່ອງ, ໂຈະ 4 ເລື່ອງ, ຊັດມ້ຽນ 37 ເລື່ອງ, ສົ່ງໄອຍະການເຂດ 58 ເລື່ອງ, ແກ້ໄຂທາງບໍລິຫານ 34 ເລື່ອງ, ກຳລັງດຳເນີນ 18 ເລື່ອງ. ກວດກາ ແລະ ອອກຄຳສັ່ງຕ່າງໆ ເຊັ່ນ: ຈັບຕົວ, ກັກຂັງພາງ, ຄຳສັງຕໍ່ກັກຂັງພາງ, ກວດຄົ້ນເຄຫະສະຖານ, ຄຳສັ່ງປ່ອຍຕົວລວມທັງໝົດ 2.315 ສະບັບ, ເຂົ້າຮ່ວມປະຊຸມສານຄະດີອາຍາ 496 ຄັ້ງ, ໄດ້ຮັບສຳນວນຄະດີແພ່ງຂັ້ນຕົ້ນ, ບົດສະຫຼຸບຄະດີ 171 ເລື່ອງ, ຖະແຫຼງໃຫ້ສານຕັດສິນ 171 ເລື່ອງ, ຄະດີແພ່ງຂັ້ນອຸທອນ 127 ເລື່ອງ, ຖະແຫຼງໃຫ້ສານຕັດສິນ 127 ເລື່ອງ ໄດ້ຮັບປະເດັນຈາກອົງການໄອຍະການປະຊາຊົນສູງສຸດ 9 ເລື່ອງ ເຂົ້າຮ່ວມປະຊຸມສານຄະດີແພ່ງ 164 ຄັ້ງ ມີ ຄະດີ 254 ເລື່ອງ ໄດ້ເປີດກອງປະຊຸມຮ່ວມກັບ ເຈົ້າໜ້າທີຕຳຫຼວດ, ອົງການໄອຍະການ ແຂວງ ຮາຕິ່ງ ສສ ຫວຽດນາມ ແລະ ໄອຍະການ ຈັງຫວັດບຶງການ ລາຊາອານາຈັກໄທ 93 ຄັ້ງ, ສ່ວນວຽກບໍລິຫານ ແລະ ວຽກງານດ້ານອື່ນໆ ກໍ່ສາມາດເຮັດສຳເລັດຕາມການມອບໝາຍ.

     ກອງປະຊຸມ ໄດ້ມີການປ່ອນບັດເລືອກຕັ້ງເອົາຄະນະໜ່ວຍພັກຮາກຖານຊຸດໃໝ່ ໂດຍມີຜູ້ລົງສະໝັກຈໍານວນ 05 ສະຫາຍ, ເລືອກເອົາ 3 ສະຫາຍ, ໃນນີ້ເລືອກໄດ້ ສະຫາຍ ທອງໃບ ພຽນວົງ ເປັນເລຂາໜ່ວຍພັກຮາກຖານ, ສະຫາຍ ບຸນຜັນ ທຳມະວົງ ເປັນຮອງເລຂາ, ສະຫາຍ ຄຳຕາ ລໍວັນໄຊ ເປັນປະທານກວດກາ, ໂອກາດດັ່ງກ່າວ ທີ່ປະຊຸມຍັງໄດ້ມີການມອບຫຼຽນໄຊ ແລະ ໃບຍ້ອງຍໍ ຄົບຮອບ 30 ປີ ໃຫ້ສຳມະຊິກພັກ, ພະພັກງານອາວຸໂສ ອີກດ້ວຍ.