ທ່ານ ໄມຈອມ ວັນນະສານຄຳ ເຈົ້າເມືອງປາກຊັນ ໄດ້ຜ່ານບົດສະຫຼຸບວຽກງານພົ້ນເດັ່ນຮອບດ້ານ ປະຈຳປີ 2019 ແລະ ທິດທາງແຜນການ ປີ 2020 ຂອງເມືອງປາກຊັນ ຕໍ່ກອງປະຊຸມເປີດກວ້າງຄົບຄະນະບໍລິຫານງານພັກແຂວງບໍລິຄຳໄຊ ຄັ້ງທີ 14 ສະໄໝ ທີ VI ທີ່ໄດ້ໄຂຂຶ້ນໃນວັນທີ 08 ມັງກອນ 2020 ຢູ່ຫ້ອງປະຊຸມຫ້ອງວ່າການປົກຄອງແຂວງ.

    ທົ່ວເມືອງປາກຊັນ ມີຄວາມເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວຕໍ່ເນື່ອງ ໂຄງລ່າງພື້ນຖານໄດ້ຮັບການພັດທະນາ, ປະກົດການຫຍໍ້ທໍ້ໃນສັງຄົມໄດ້ຮັບການແກ້ໄຂຫຼຸດໜ້ອຍຖ້ອຍລົງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເປັນກ້າວໆ ພົ້ນເດັ່ນ ແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ ໃນຮອບປີ ມີຄະດີອາຍາ-ເສດຖະກິດ, ຢາເສບຕິດເກີດຂຶ້ນທັງໝົດ 165 ເລື່ອງ, ສາມາດມ້າງໄດ້ 124 ເລື່ອງ, ຜູ້ກະທຳຜິດ 187 ຄົນ, ຍິງ  81 ຄົນ, ການແກ້ໄຂບັນຫາລົດເຖື່ອນ: ທົ່ວເມືອງ ມີ 30 ຄັນ, ເສຍພາສີຖືກຕ້ອງຕາມກົດໝາຍແລ້ວ 23 ຄັນ, ການແກ້ໄຂອາວຸດເຖື່ອນ: ຜານມາໄດ້ກວດກາ ແລະ ເກັບກູ້ປືນ ທີ່ບໍ່ຖືກຕ້ອງນໍາປະຊາຊົນຢູ່ບັນດາບ້ານ ໄດ້ 27 ກະບອກ ສ່ວນໃຫຍ່ແມ່ນປືນປະເພດລ່າເນື້ອ, ປືນແກັບຍິງ ດ້ວຍລູກຄຳຜາຍ, ປືນແກັບດັດແປງຍິງດ້ວຍລູກແວ່ງ, ການແກ້ໄຂຄົນເຖື່ອນ: ທົ່ວເມືອງມີ 54 ບ້ານ, ມີພົນລະເມືອງທັງໝົດ 50.359 ຄົນ, ຍິງ 24.766 ຄົນ, ມີ 10.219 ຄອບຄົວ, ຈຳນວນພົນລະເມືອງບໍ່ໄດ້ຂຶ້ນສຳມະໂນຄົວທັງໝົດ 1.857 ຄົນ, ຍິງ 799 ຄົນ ໃນນີ້ ຍົກຍ້າຍຄອບຄົວມາ 112 ຄອບຄົວ, ຍົກຍ້າຍມາເປັນໄພ້ 455 ຄົນ ມີລູກຕິດມາພ້ອມ 2​ ຄົນ, ຍົກຍ້າຍມາເປັນເຂີຍ 672 ຄົນ, ຄົນຕົກລົ່ນ 163 ຄົນ, ຍິງ 58 ຄົນ, ມານຳພີ່ນ້ອງ 150 ຄົນ, ຍິງ 46 ຄົນ. ມາຮອດປະຈຸບັນໄດ້ຂຶ້ນສຳມະໂນໃຫ້ແລ້ວຈຳນວນຫຼາຍ, ມິຄົນຕ່າງປະເທດທີ່ລັກເຂົ້າມາປະກອບອາຊີບ ທີ່ບໍ່ຖືກຕ້ອງຕາມກົດໝາຍ ມີ 350 ຄົນ, ສັນຊາດໄທ 5 ຄົນ, ຄົນຕ່າງປະເທດເຂົ້າ ມາລັກສ້າງຄອບຄົວບໍ່ຖືກຕ້ອງ 15 ຄົນ, ສວ່ນການແກ້ໄຂບັໜຫາດັ່ງກ່າວນີ້ ພະແນກສັນຕິບານ ກອງບັນຊາການ ປກສ ເມືອງໄດ້ລາຍງານຂໍ້ມູນດັ່ງກ່າວໄຫ້ ກອງບັນຊາການ ປກສ ແຂວງ ເພື່ອດຳເນີນ ການແກ້ໄຂ ຕາມລະບຽບການ, ການຄ້າ-ຂາຍເຖື່ອນ: ໄດ້ສົມທົບກັບຂະແໜງການກ່ຽວຂ້ອງ ກວດກາສິນຄ້າທີ່ນຳເຂົ້າບໍ່ຖືກຕ້ອງ, ສິນຄ້າປອມແປງລອກຮຽນແບບພາຍໃນຕົວເມືອງ, ກວດກາສິນຄ້າໝົດອາຍຸການບໍລິໂພກ ແລະ ອຸປະໂພກຈຳນວນ 38 ລາຍການ ຄິດເປັນມູນຄ່າ 12.787.000 ກີບ, ສິນຄ້າ ຊີ້ນສ່ວນສັດນຳເຂົ້າບໍ່ຖືກຕ້ອງ ຈໍານວນ 235 ກິໂລ ມູນຄ່າ 2.760.000 ກີບ, ອຸປະກອນຮັບສັນຍານໂທລະພາບບໍ່ໄດ້ຮັບອານຸຍາດນຳເຂົ້າ 4​ ລາຍການ, ມູນຄ່າ 3.350.000 ກີບ, ບັນຫາການຂາຍຫວຍເຖື່ອນຍັງແຜ່ຫຼາຍ ຕາມທ້ອງຕະຫຼາດ ໂດຍສະເພາະ ຫວຍໄທ, ຫວຍຫວຽດ ເຊິ່ງຈະອອກທຸກວັນ ບັນຫານີ້ ຍັງບໍ່ສາມາດແກ້ໄຂໄດ້ຢ່າງເຂາດຕົວ.

    ປະຈຸບັນ ເມືອງປາກຊັນໄດ້ສໍາເລັດ ການແຕ່ງຕັ້ງຄະນະຮັບຜິດຊອບແກ້ໄຂວຽກງານ 4 ເຖື່ອນ, ວຽກງານ 9 ຫົວຂໍ້ຂອງກອງປະຊຸມວິທະຍວາຍາດ ແລະ ຜູ້ຮັບຜິດຊອບແກ້ໄຂ ຄອບຄົວທຸກຍາກ, ຄອບຄົວອານາຖາ ຄິດວ່າໃນຕໍ່ໜ້ານີ້ຈະໄດ້ຮັບການແກ້ໄຂຢ່າງເປັນຮູບປະທຳ.