ໃນວັນທີ 27 ພະຈິກ 2019 ຢູ່ສະໂມສອນ ກອງພັນ 617  ເມືອງວຽງທອງ, ແຂວງ ບໍລິຄໍາໄຊ ໄດ້ຈັດກອງປະຊຸມສະຫຼຸບວຽກງານອົບຮົມຫັດແອບປະຈຳປີ 2019 ໂດຍເປັນກຽດເຂົ້າຮ່ວມເປັນປະທານຂອງທ່ານ ພັນໂທ ທອງມາ ໄຊຍະວົງ ເລຂາຮາກຖານພັກ, ຫົວໜ້າການເມືອງ ກອງພັນ 617, ມີຄະນະພັກ, ຄະນະບັນຊາກອງພັນ-ກອງຮ້ອຍຕະຫຼອດຮອດພະນັກງານ-ນັກຮົບພາຍໃນກອງພັນ ແລະ ແຂກຖືກເຊີນ ເຂົ້າຮ່ວມ.

     ການຝຶກ-ຫັດແອບຄັ້ງນີ້ ມີພະນັກງານນັກຮົບເຂົ້າຮ່ວມ 182 ສະຫາຍ ຜ່ານການຮົບຮົມ ສາມາດ ຕີລາຄາຈັດປະເພດໄດ້ ດັ່ງນີ້: ພາກການເມືອງໄດ້ 85%, ພາກພາລາທິການເຕັກນິກໄດ້ 80%, ພາກການທະຫານໄດ້ 85%, ຄວາມຮູ້ພື້ນຖານຂອງບັນດາເຫຼົ່າລົບວິຊາສະເພາະໄດ້ 80%, ພາກວິຊາສະເພາະສືບຂ່າວ 90%.

       ຊຸດອົບຮົມ ຍັງໄດ້ຫັດແອບຍີງລູກປືນແທ້, ຜ່ານການຍີງ ປະເພດເກັ່ງ ມີ 21 ສະຫາຍ, ກາງ 64 ສະຫາຍ, ໄດ້ຄາດໝາຍ 96 ສະຫາຍ.

      ກອງປະຊຸມ ຍັງໄດ້ມອບບັດສະມາຊິກພັກໃຫ້ພະນັກງານສະມາຊິກພັກແຂງຈຳນວນ 10 ສະຫາຍ, ມອບໃບຍ້ອງຍໍ, ໃບຂອບໃຈ ແລະ ໃບຊົມເຊີຍໃຫ້ບັນດານັກທຸລະກິດທີ່ປະກອບສ່ວນອຸປະຖໍາເຄື່ອງ, ອຸປະກອນກິລາໃຫ້ກອງພັນ 617 ຕື່ມອີກ.