ເພື່ອຍົກສູງທາງດ້ານແນວຄິດຫຼັກໝັ້ນທາງດ້ານການເມືອງ, ຄຸນສົມບັດສິນທຳປະຕິວັດ ແລະ ສູມໃສ່ການພັດທະນາເສດຖະກິດ-ສັງຄົມ ຂອງເມືອງໄຊຈຳພອນໄດ້ກ້າວຂື້ນ ໃນວັນທີ 31 ຕຸລາ 2019 ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ໄດ້ລົງພົບປະໂອລົມພະນັກງານ-ລັດຖະກອນພາຍໃນເມືອງໄຊຈຳພອນ ໃນທ່າມກາງບັນຍາກາດດັ່ງກ່າວ ທ່ານ ຄຳພັດ ສຸລິຂັນ ວ່າການເລຂາພັກເມືອງ - ເຈົ້າເມືອງໄຊຈຳພອນ ໄດ້ລາຍງານການຈັດຕັງປະຕິບັດວຽກງານຂອງເມືອງ ຕະຫຼອດໄລຍະຜ່ານມາ ທົ່ວເມືອງ ມີຄວາມສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ, ເປັນລະບຽບຮຽບຮ້ອຍ, ເສດຖະກິດຂະຫຍາຍຕົວຢ່າງຕໍ່ເນື່ອງ, ປະຊາຊົນມີຄວາມອຸ່ນອຽນທຸ່ນທ່ຽງ ຕັ້ງໜ້າຟື້ນຟູພັດທະນາເສດຖະກິດຄອບຄົວ ຂອງຕົນນັບມື້ດີຂື້ນ, ທົ່ວເມືອງມີ 17 ບ້ານ ມີ 1.980 ຄອບຄົວ ພົນລະເມືອງທັງໝົດ 10 ພັນກວ່າຄົນ ຍິງ 5 ພັນກວ່າຄົນ,ມີຄອບຄົວພົ້ນທຸກ 1.725 ຄອບຄົວ ກວມເອົາ 87,13%, ຄອບຄົວທຸກຍາກຍັງເຫຼືອ 255 ກວມເອົາ 12,87%. ສໍາລັບການກະກຽມກອງປະຊຸມ 2 ຂັ້ນຂອງເມືອງ ປັດຈຸບັນໄດ້ແຕ່ງຕັ້ງອະນຸກຳມະການ ຮັບຜິດຊອບແຕ່ລະດ້ານ ແລະ ທົ່ວເມືອງໄດ້ສຳເລັດກອງປະຊຸມໜ່ວຍພັກ ຄາດວ່າ ກອງປະຊຸມໃຫຍ່ຄັ້ງທີ 3 ຂອງອົງຄະນະພັກເມືອງໄຊຈຳພອນ ຈະໃຫ້ເປີດຂື້ນໃນລະຫວ່າງ ເດືອນມີນາ ປີ 2020.

              ເພື່ອຮັບປະກັນຄວາມພ້ອມໃນຫຼາຍດ້ານ ທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ຍັງໄດ້ເນັ້ນໜັກ ຊີ້ນຳຕໍ່ຄະນະພັກເມືອງໄຊຈຳພອນ ແລະ ພະນັກງານກໍ່ສ້າງຮາກຖານການເມືອງ ຈົ່ງພ້ອມກັນເອົາໃຈໃສ່ສືບຕໍ່ເຮັດໃຫ້ ວຽກງານປ້ອງກັນຊາດ-ປ້ອງກັນຄວາມສະຫງົບ ພາຍໃນເມືອງມີຄວາມເຂັ້ມແຂງໜັກແໜ້ນ ແລະ ຫັນເອົາວຽກງານດັ່ງກ່າວ ກາຍເປັນໜ້າທີ່ ຂອງປວງຊົນຮອບດ້ານ ເພື່ອເຮັດໃຫ້ປະກົດການຫຍໍ້ທໍ້ຕ່າງໃນສັງຄົມ ຫຼຸດໜ້ອຍຖອຍລົງ ໂດຍສະເພາະ ແມ່ນການແກ້ໄຂ 4 ເຖື່ອນ ແລະ ຈັດຕັ້ງຜັນຂະຫຍາຍ 9 ຫົວຂໍ້ຍຸດທະສາດຂອງແຂວງ ໃຫ້ສອດຄ່ອງກັບສະພາບຕົວຈິງຂອງເມືອງ, ຕັ້ງໜ້າສຶບຕໍ່ລົງກໍ່ສ້າງຮາກຖານການເມືອງ ເຮັດໃຫ້ແທດເຖິງຕາມ 4 ເນື້ອໃນ 4 ຄາດໝາຍ ເພື່ອສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ໂດຍສະເພາະແມ່ນເພື່ອແກ້ໄຂຄວາມທຸກຍາກ ຂອງປະຊາຊົນໃຫ້ຫຼຸດໜ້ອຍຖອຍລົງ, ເອົາໃຈໃສ່ສຶບຕໍ່ຊຸກຍູ້-ສົ່ງເສີມການຜະລິດ ຂອງປະຊາຊົນເປັນສີນຄ້າ ທີ່ເປັນມູນເຊື້ອ ໂດຍເລັ່ງໃສ່ການປູກ-ການລ້ຽງ ເປັນຕົ້ນແມ່ນ: ການກະກຽມວາງແຜນປູກພຶດລະດູແລ້ງ ໂດຍອີງໃສ່ຕາມຄວາມຮຽກຮ້ອງຕ້ອງການຂອງຕະຫຼາດ ເພື່ອສ້າງໃຫ້ຄອບຄົວ ແລະ ເສດຖະກິດຂອງເມືອງມີລາຍຮັບຄວາມຍືນຍົງ, ສຶບຕໍ່ເຝົ້າລະວັງພະຍາດຕາມລະດູການ, ສຶບຕໍ່ຈັດເກັບລາຍຮັບເຂົ້າງົບປະມານຂອງລັດ ໃຫ້ໄດ້ຕາມຄາມໝາຍ ຫຼື ລື້ນຄາດໝາຍ ເອົາໃຈໃສ່ເພີ່ມທະວີເປັນເສນາທິການໃຫ້ຂັ້ນເທີງ ກຳໄດ້ໜ້າທີ່ວຽກງານປະຕິບັດຕາມສິດ, ໜ້າທີ່ຂອງຕົນ ໂດຍສະເພາະປະຕິບັດ ຕາມຈັນຍາບັນ ຂອງພະນັກງານຢ່າງເຂັ້ມງວດ, ເອົາໃຈໃສ່ກະກຽມກອງປະຊຸມໃຫ່ຍຂອງອົງຄະນະພັກເມືອງ ເປັນຕົ້ນ: ດ້ານຂະບວນການ, ດ້ານເນື້ອໃນ ແລະ ດ້ານບຸກຄະລະກອນ ທັງນີ້ກໍ່ເພື່ອແນໃສເຮັດໃຫ້ກອງປະຊຸມໃຫຍ່ ຂອງອົງຄະນະພັກເມືອງ ທີ່ຈະໄຂຂື້ນໃນຕໍ່ໜ້ານີ້ ໃຫ້ມີຄຸນນະພາບ ແລະ ສຳເລັດຕາມລະດັບຄາດໝາຍວາງໄວ້.

​         

   ຈາກນັ້ນທ່ານເຈົ້າແຂວງ ກວດກາເບິ່ງເສັ້ນທາງ ລະຫວ່າງບ້ານໂພນສີ ຫາ ນ້ຳອ້ອນ ເຊິ່ງມີຄວາມຍາວປະມານ 23 ກວ່າກິໂລແມ້ດ ເສັ້ນທາງດັ່ງກ່າວປະກົດວ່າມີການເປເພຫຼາຍ ເນື່ອງຈາກນ້ຳໄຫຼເສາະເຈື່ອນດິນສະໄລ້ໃນລະດູຝົນຜ່ານມາ ຊຶ່ງໄດ້ເຮັດໃຫ້ການສັນຈອນໄປມາ ພົບຄວາມຫຍຸ້ງຍາກ ບາງບ່ອນເກື່ອບຖືກຕັດຂາດ, ຕໍ່ກັບສະພາບການດັ່ງກ່າວ ຄາດວ່າຈະໄດ້ມີການສ້ອມແປງໃນໄວໆນີ້ ເພື່ອເຮັດໃຫ້ການສັນຈອນໄປມາສະດວກຂຶ້ນ, ຈາກນັ້ນ ທ່ານພ້ອມຄະນະກໍ່ໄດ້ໄປເບິ່ງຈຸດຕັ້ງອ່າງເກັບນ້ຳປະປາ ຢູ່ເຂດບ້ານນ້ຳອ້ອນ ຜັງເມືອງໃໝ່ຂອງເມືອງໄຊຈຳພອນ ເຊິ່ງຄາດວ່າໃນທ້າຍປີນີ້ຈະສ້າງສຳເລັດ ແລະ ເຮັດໃຫ້ປະຊາຊົນໄດ້ຊົມໃຊ້ນ້ຳ ເຊິ່ງປະລິມານຂອງອ່າງສາມາດຜະລິດນ້ຳໄດ້ 1.000 ແມ້ດກ້ອນຕໍ່ມື້, ໃນເວລາຕໍ່ມາກໍ່ໄດ້ໄປຢ້ຽມຢາມບ້ານສົບຄີ ເຊິ່ງບ້ານດັ່ງກ່າວແມ່ນໜຶ່ງໃນບ້ານທີ່ບໍ່ມີລະບົບສັນຍານການສື່ສານ ພ້ອມທັງແນະນຳລັດວິສາຫະກິດລາວໂທລະຄົມ ລົງສຳຫຼວດແລະຕັ້ງສັນຍານຮັບສົ່ງ ເພື່ອແກ້ໄຂສະພາບການດ້ານສື່ສານພາຍໃນແຂວງ  ແລະ ມອບຄວາມຮັບຜິດຊອບໃຫ້ບໍລິສັດສະຕຣາໂທລະຄົມ ເຂົ້າໄປສຳຫຼວດການຕິດຕັ້ງສັນຍານການສື່ສານ ຢູ່ເຂດເມືອງຈຳ ເປັນຕົ້ນ ບ້ານໂພນເມືອງ, ບ້ານສົບຂອນ ແລະ ບ້ານເມືອງຈຳ ໃຫ້ສາມາດນຳໃຊ້